O pasado luns tivemos a sorte de voltar visitar O Salón do Libro en Pontevedra, onde fixemos distintas actividades e percorrimos as exposicións, onde pudemos atopar o noso propio traballo.
E, coma sempre, foi un gran pracer, saudar ao noso amigo Orbil!
Este ano celebramos de novo a Semana do Libro tal e como se merece.
Fixemos unha chea de actividades partindo do equipo de biblioteca, para animar á lectura e dar á literatura infantil e xuvenil a importancia que se merece.
Foi unha semana fantástica coa implicación de todo o alumnado e profesorado, onde non faltaron contacontos (a cargo de Tarabelos e Polo Correo do Vento), o tradicional mercadillo de libros usados, xogos de pregunta, a visita da autora Anair Rodríguez, deseño de colgadores, creación dun novo final para os contos tradicionais, e como non, a marabillosa actividade do "Apadrinamento Lector".
Podedes ver unha mostra de todo o que fixemos no seguinte vídeo:
Este ano tivemos a sorte de celebrar a semana do libro tal e como se merece.
Desta vez fixemos moitas actividades para lembrar a importancia da literatura para o noso alumnado.
Non faltaron contacontos (a cargo se Tarabelos e Polo Correo do Vento), xogos de preguntas, deseño de colgadores, creación dun novo final para un conto, a visita da autora Anair Rodríguez, o noso tradicional mercadillo de libros e como non, a fantástica actividade do "Apadrinamento Lector".
Podedes ver unha mostra de todo o que fixemos no seguinte vídeo:
O teatro veu a escola! Os cursos de 1º a 3º de Primaria desfrutamos dunha pequena obra de teatro sobre o coidado do medio ambiente e os diferentes elementos naturais.
Para conmemorar o Día da Poesía tivemos no cole a visita da poeta Miriam Ferradáns, a cal fixo un obradoiro de poesía. Ademais, Larapeto fixo unha selección de libros de poesía que puidemos levar ás nosas casas.
O último día previo as festas de Nadal desfrutamos no centro dunha gran chocolatada con rosca de reis incluída. Ademáis recibimos a visita de dúas personaxes moi importantes nestas datas e, por se isto fora pouco, os voluntarios da biblioteca recibiron un agasallo polo seu gran traballo. Foi un día completísimo.
O pasado 25 de novembro realizamos unha instalación artística co lema "NO COLE DE XEVE CAMIÑAMOS TOD@S XUNT@S CONTRA A VIOLENCIA DE XÉNERO" no que participou todo o cole. Grazas ás familias polas aportacións de zapatos que cada nen@ pintou de cor morada de forma simbólica.
Agardamos que nun futuro non teñamos que celebrar estas conmemoracións... Por un mundo en IGUALDADE e SEN VIOLENCIA!
Os nenos e nenas de todo cole fixemos unha historia terrorífica para festexar o día de Samaín. Cada un dos cursos elaborou unha parte da historia. Aquí vos deixamos o resultado final.
