3 anos

Onte celebramos o aniversario de Sarela e Juli. Naceron o 22 e 23 de xuño pero como non hai escola celebrámolo anticipado. Cando voltemos en setembro celebraremos os que cumpriron no verán.

Co barro que modelamos o outro día fixemos corazóns, estrelas, caracois,... Logo, pintámoas de diferentes cores. Hoxe leváronas para casa.  A maioría fixo dúas figuras, unha para papá e outra para mamá, pero houbo agún alumno/a que se emocionou tanto co barro que chegou a facer adornos para toda a familia.

Cada alumno levará para casa o "Libro do meu nome". Este caderno recolle  a evolución da escritura do seu nome ao longo do curso. Permite comparar como nos primeiros meses só facía garabatos ata escribir o seu nome sen necesidade de copia. Algúns conseguírono en poucos meses, outros precisaron máis tempo.

 Esta semana aprendemos a pintar con acuarelas. O que máis nos custou foi lembrar que tíñamos que lavar o pincel cada vez que cambiábamos de cor. A experiencia foi moi relaxante e gustou moito. Repetiremos!!

Hoxe tivemos unha merenda moi saudable. A nai de Antía (Verónica) tróuxonos un recipiente cheo de amorodos, collidos na súa horta. Compartímolos cos compis da clase de María e comémolos todos. Estaban boísimos!!