A Xunta de Goberno Local, na sesión extraordinaria urxente do 1 de xuño do 2021, aprobou as bases reguladoras e a convocatoria de axudas destinadas á concesión de bolsas de comedor, adquisición de material escolar e realización de actividades extraescolares para o alumnado dos centros docentes públicos e concertados sostidos con fondos públicos de Educación Infantil (segundo ciclo) e de Educación Primaria Obrigatoria do Concello de Santiago de Compostela, para o curso 2021/2022.
As solicitudes presentaranse no prazo de 10 días hábiles contados a partir do seguinte á publicación da convocatoria no Boletín Oficial da Provincia.
Benvidas/Benvidos a un novo curso.
Unha vez feita a adscrición do profesorado seguimos avanzando na preparación do novo curso.
Nestes primeiros días o profesorado que titoriza alumnado de nova incorporación ao centro porase en contacto, vía telefónica, coas familias para ir explicando o inicio do curso.
A aplicación Abalar non se actualiza ata o día 9, polo que o novo profesorado non pode acceder ás familias do alumnado.
Para facilitar o desenvolvemento do protocolo de adaptación ao Covid, o Claustro decidimos manter os mesmos grupos que o curso pasado.
Nos próximos días colgaremos na Páxina Web a planificación de Entradas e Saídas que será igual que o curso pasado.
O primeiro día que non traian todo o material, xa o irán traendo de forma gradual ao longo da primeira e segunda semana de curso.
As cores dos mandilóns de Infantil serán:
-
4º de Infantil (3 anos): verde.
-
5º de Infantil (4 anos): amarelo.
-
6º de infantil (5 anos): vermello.
Faltan familias por pasar a recoller os cheques de material do fondo solidario de libros.
Calquera consulta estamos á vosa disposición no centro.
Un saúdo