Por promoción, Prom. 2012, Prom. 2013, Prom. 2014, Prom. 2015, Prom. 2016, Prom. 2017, Prom. 2018, Prom. 2019, Prom. 2020

Álbum: Educación Infantil 2018-2019 -> Saída á Fundación M.J. Jove 4º

Os nenos e nenas de 3 anos fomos ao Museo coñecer unha personaxe especial. Chámase "Punto Vermello".

A súa casa é este museo da Fundación María José Jove e alí ten aos seus amigos e amigas, o seu columpio e a súa amiga especial Sara. Para durmir conta cun lugar moi especial: a súa "Casa da Árbore", probámola e descánsase xenial nela.

Animámosvos a que descubrades ese lugar se non o coñecedes, Patricia é encantadora e contaravos as historias do museo dun xeito moi divertido.

Álbum: Educación Infantil 2018-2019 -> Día da paz 6ºB Educ. Infantil

Hoxe celebramos o día da Paz no cole. Xa levamos uns días falando dela e do que significa para cada un dos nenos/as; así que, aproveitando a gran variedade de respostas, decidimos facer unha botella cunha mensaxe da paz. Para isto, cada un/unha decorou a súa botella e escribiu nunha tarxeta o que era a paz para eles/elas: alegría, compartir, dar bicos, ser amigos... e moitas cousas máis.

Despois, pegamos a nosa mensaxe na botella e puxémola na porta para compartila cos demais. Así que, si queredes saber a mensaxe de paz de cada un dos nenos/as, teredes que pasar pola nosa clase e comprobalo 

 Para rematar este gran día, participamos xunto co resto dos nenos/as do cole na cadea humana pola paz!