O CEIP Raquel Camacho gaña o concurso de exposición de carteis das Letras Galegas 2024.
Este ano homenaxeamos polo día das Letras Galegas a Luísa Villalta, unha escritora coruñesa, do barrio da Falperra.
Luísa Villalta amaba a nosa cidade, coñecía todos os seus recunchos, e a moitos deles dedicoulle poemas ou escritos.
Estudou no instituto Eusebio da Guarda e despois foi profesora de lingua e literatura galega en tres institutos.
Luísa Villalta escribiu moitos xéneros literarios como poesía, teatro, relato, ensaio e incluso artigos de opinión para a prensa.
Algo moi salientable desta autora foi o compromiso social que tivo coa Coruña, xa que era habitual a súa participación en manifestacións na cidade en contra da catástrofe do Prestige, en contra da guerra ou a prol do feminismo.
Luísa Villalta morreu moi xoven e descansa no cemiterio de Santo Amaro, xunto con outros persoeiros moi destacados como Luís Seoane, Manuel Murguía, Curros Enríquez, etc.
O mércores, 17 de abril, o Concello abre o prazo para presentar as solicitudes de bolsas comedor para o vindeiro curso escolar. O prazo estará aberto ata o 8 de maio. A convocatoria diríxese ao alumnado empadroado no termo municipal da Coruña e matriculado en centros educativos de 2º ciclo de educación infantil, educación primaria, ESO, bacharelato e FP.
A documentación para estas axudas poderase presentar no rexistro telemático da sede electrónica municipal ou de forma presencial nos rexistros de:
María Pita,
Centro Sociocultural Ágora,
Fórum Metropolitano,
rúa da Franxa e
Centro Cívico de Novo Mesoiro.
Na web tamén se poden descargar os formularios para levar a cabo o proceso.
As persoas interesadas poden recibir máis información nos centros cívicos municipais, no teléfono de atención cidadá 010 é na web http://www.coruna.gal/servizossociais.
RECORDAMOS QUE A CONCESIÓN DUNHA BOLSA DE COMEDOR NON SIGNIFICA TER PRAZA NO COMEDOR.
UNHA VEZ CONCEDIDA A BOLSA TEÑEN QUE SOLICITAR A PRAZA NO COMEDOR ESCOLAR DO COLEXIO.
Ademais, para facilitar a presentación de solicitudes e a resolución de dúbidas sobre a convocatoria, realizaranse sesiónsinformativas nos centros cívicos municipais nas seguintes datas:
24 de abril, mércores, centro cívico Os Mallos ás 18.00 h.
25 de abril, xoves, centro cívico Mesoiro ás 20.00 h.
26 de abril, venres, centro cívico Monte Alto ás 11.30 h.
30 de abril, martes, centro cívico San Diego ás 10.30 h.
GAÑADORES DO CONCURSO DE CARTEIS POLAS LETRAS GALEGAS 2024
O noso traballo sobre a homenaxeada no Día das Letras Galegas 2024, Luísa Villalta, resultou ser o gañador deste ano e pronto podedes ver os nosos traballos en todos os centros escolares galegos, bibliotecas, centros sociais, estación de bus, tren , etc.
