O contrato-programa é unha iniciativa de innovación educativa desenvolvida desde a Consellería de Cultura, Educación e Ordenación Universitaria para proporcionarlles aos centros de ensino públicos unha estratexia de mellora da calidade do ensino.
Os destinatarios son CEIP, CEP, CPI e IES públicos de Galicia.
Cada centro pode contribuír á mellora da calidade do ensino a través da solicitude dalgunha das 5 actuacións de que consta o contrato-programa:
1.Reforzo, orientación e apoio (PROA).
Con esta actuación preténdese mellorar as perspectivas escolares do alumnado con dificultades, a través do traballo ou apoio organizado para a adquisición das destrezas básicas que lle faciliten a incorporación plena ao ritmo de traballo ordinario e ás esixencias das diferentes áreas e materias.
2. Mellora das competencias clave.
Coa finalidade de priorizar as accións para a mellora da competencia matemática, o desenvolvemento desta actuación incluirá sempre o reforzo desta competencia, podendo incluír tamén actuacións para a mellora da competencia en comunicación lingüística e/ou competencias básicas en ciencia e tecnoloxía.
3.Mellora da convivencia nos centros e da prevención do abandono temperán e do absentismo escolar.
Incluirá todas aquelas accións que repercutan e interveñan na mellora do clima escolar e das relacións entre os membros da comunidade educativa. Con esta actuación tamén se trata de reducir a taxa de abandono escolar e dos niveis de absentismo.
4.Mellora do nivel de coñecementos para acadar a excelencia.
Esta actuación supón unha medida de atención á diversidade na que se desenvolverán iniciativas de afondamento nos coñecementos do alumnado.
5. Mellora da calidade na xestión dos centros.
Trátase dun conxunto de medidas ou actividades destinadas a mellorar a xestión dos centros educativos.
Os destinatarios desta iniciativa son:
1. Programa de reforzo, orientación e apoio (PROA).
Destinatarios
Alumnado de 3º, 4º, 5º e 6º curso de educación primaria ou de toda a educación secundaria obrigatoria que presente dificultades e problemas de aprendizaxe, así como aquel con desvantaxe educativa polo contorno sociocultural no que se desenvolve.
2. Mellora da competencia matemática e competencias básicas en ciencia e tecnoloxía, e mellora da competencia en comunicación lingüística
Destinatarios
Todo o alumnado das etapas de ensino obrigatorio (EP e ESO).
3. Mellora da convivencia nos centros, e da prevención do abandono temperán e do absentismo escolar.
Destinatarios
Os centros educativos, particularmente os que impartan a etapa de educación secundaria con alumnado que presente alteracións do comportamento ou graves problemas de conduta e alumnado en risco de abandono temperán ou absentismo.
4. Mellora do nivel de coñecementos para acadar a excelencia.
Destinatarios
Alumnado de 3º, 4º, 5º e 6º curso de educación primaria e de educación secundaria (ESO, BACH, FP) que presenta unha destacada capacidade e motivación para aprender.
5. Mellora da calidade na xestión dos centros.
Destinatarios
Os destinatarios son CEIP, CEP, CPI e IES públicos de Galicia.