Blogues

Todo o alumnado que solicitou praza no CEIP O AREAL de Camariñas, resultou ADMITIDO para o vindeiro curso escolar.

O prazo para formalizar a matrícula abrangue desde o 20 ao 30 de xuño.

Esta semana o alumnado de 2º, 3º e 4º de Educación Primaria tivo a oportunidade de introducirse no surf. Para iso, a través do programa de "Aprende a través do surfing" desprazáronse ata a praia de Arou para coller as súas primeiras ondas. 

Ata o xornal de La Voz de Galicia se fixo eco desta actividade.

O alumnado de 3º, 4º, 5º e 6º de Educación Primaria participou nun taller chamado "Eu son inspectora urbanística. Coida do teu territorio, coido do teu". O taller trataba da paisaxe galega, vendo como se organiza o territorio (zonas de cultivo, chairas, montes, poboacións), centrándose logo na paisaxe da zona de Camariñas. Ademais diso, abordaron como coidar a paisaxe vendo por exemplo a problematica das construcións ilegais.

Finalmente, realizaron unha actividade dinámica na que tiñan que ir colocando campos de cultivo, minas, fábricas, poboados... tendo en conta o traballado anteriormente.

Seguimos traballando e concienciándonos sobre a reciclaxe e a reutilización, por iso, nesta ocasión e con motivo do Día Internacional do Libro fixemos un "Mercado de libros". Para iso, cada quen aportou libros que posteriormente puido intercambiar cos cedidos por outra persoa.

Mirade que forma máis divertida de ter novas lecturas! Gran idea do equipo da biblioteca.