Finais de Volei

Pavillón Randufe

19-12-18

O pasado día 19 de decembro, tivo lugar a última  xornada de Volei de esta campaña escolar. Do noso colexio participaron 3 equipos de categoría Benxamín Mixto e 3 equipos de categoría Alevín Mixto. Aquí vos deixamos as clasificacións e algunas fotos da xornada.Noraboa aos gañadores e campións.

Podedes atopar máis fotos e videos en Agrudebam: https://www.agrudebam.es/horario-extraescolar/volei/

 Dinamización Intercentros

Ceip Nº2-Ceip Sobrada

Curso 18-19

Luns  día 19 de Decembro de 2018

 O pasado Luns día 19 de Decembro de 2018 tivo lugar no pavillón vello de Tui, a 2ª Xornada de Dinamización Intercentros entre os Ceip Nº2- Ceip Sobrada. A xornada levouse a cabo de 10:15 a 13:45h aproximadamente, no Pavillón Vello de Tui e os cursos participantes foron 3ºA, 5ºA. Aquí vos deixamos as fotos dos bos momentos vividos e xogados cos amigos do Ceip Sobrada. Grazas por facer posible unha xornada onde disfrutamos e pasámolo moi ben xogando a: Minibalonmán, Minibaloncesto, Minivolei, Bádminton e Fútbol-sala. 

Enquisa sobre Hábitos de Vida Saudables.

Dende o proxecto Erasmus+ do Ceip Nº2 de Tui "Promovendo un estilo de vida saudable e feliz", solicitamos a vosa colaboración anónima como mestres, alumn@s e pais/nais do  alumnado do centro. Convidámosvos a que cubrades a seguinte enquisa de xeito anónimo, sempre respetando a veracidade das respostas. Cantos máis cubramos a enquisa máis reais serán os resultados da actividade física que temos nas  escolas Erasmus+ que formamos o proxecto. Grazas por adicar ao proxecto Erasmus+ un anaquiño do voso tempo e reflexionar sobre a importancia que ten a actividade física nas vosas vidas. Preme nas letras que teis a continuación para cubrir a enquisa.

Enquisa en Español	Enquisa en Inglés

Tamén podedes cubrir a enquisa facendo uso do código QR da mesma.

DEPORTE ESCOLAR.

Dinamización Intercentros

Ceip Nº2-Cep Pedro Caselles de Tui

Curso 18-19

Xoves  día 29 de Novembro de 2018

 O pasado xoves día 29 de Novembro de 2018 tivo lugar no pavillón vello de Tui, a 1ª Xornada de Dinamización Intercentros entre os Ceip Nº2- Cep Pedro Caselles. A xornada levouse a cabo de 10:15 a 13:45h aproximadamente no Pavillón Vello de Tui e os cursos participantes foron 6ºA, 4ºB. Aquí vos deixamos as fotos dos bos momentos vividos e xogados cos amigos do Cep Pedro Caselles. Grazas por facer posible unha xornada onde disfrutamos e pasámolo moi ben xogando a: Minibalonmán, Minibaloncesto, Minivolei, Bádminton e Fútbol-sala.

DEPORTE ESCOLAR

Volei Curso 18-19

O pasado Mércores día 28 de Novembro de 2018, deu comezo a competición escolar de Volei. A 1ª das xornadas que terá a Competición Escolar este curso, tivo lugar  no Pavillón do Ceip Randufe . Participamos 3 equipos Benxamíns, 3 equipos Alevíns e 1 equipo Infantil. Aquí vos deixamos algunhas fotos da xornada e do ben que o pasamos.

A vindeira xornada prevista para o día 12 de decembro aprázase para o mércores 19 de decembro. Contamos con todos vós, xa que ese día será a entrega de medallas.

Taller de Saúde.

O pasado martes día 20 de novembro de 2018, e seguindo coa formación para promover un estilo de vida saudable, tivemos na escola para toda a comunidade educativa un "Taller de Saúde" en horario de 17:00h-19:00h. 

Contamos coa colaboración do Doutor Dn. Eladio Eulogio Pardo. El abordou os seguientes aspectos sobre a importancia da saúde:

• Hábitos de vida saudables. Actividade deportiva en familia, alimentación saudable, coidados, horas de sono, hixiene, etc.
• Alimentación Saudable, equilibrada e ecolóxica. A importancia de una nutrición equilibrida, dieta, aporte enerxético en nenos e adultos,  comidas diarias ( Desaiuno, comida etc), a importancia das merendas ecolóxicas na escola.
• Coidados. Primeiros Auxilios básicos. Maniobra de Heinlich, Epistaxis nasal, alerxías alimenticias, etc…

Tamén, estivo con nós a Fisioterapeuta Dna Mónica Martínez  que nos formou en:

• Control Postural na escola, na casa, sentados. 
• A mochila e cargas no lombo coo levar o peso.
• Primeiros Auxilios Básicos. Traumas, contusións, etc...
• 

e poidemos disfrutar dos bos consellos da Doutora Dna Laura Méndez especialista en odontoloxía:

• Saúde bucodental, coidados, limpeza e importancia da mesma na saúde.
• 

Os tres son pais/nais de alumnado do centro e foi unha satisfación aprender da súa experiencia e formación.

Proba de Campo a Través  Zonal 

Benxamín 18-19.

Torreiro de Festas de Guillarei ( Tui)

Venres 16 Nov 2018

         O pasado día 16 de Novembro, en horario de mañá, tivo lugar a proba de Campo a Través da presente Campaña Deportiva,  nas Instalacións do Torreiro de Festas de Guillarei en Tui. O Ceip plurilingüe Nº2 de Tui participou cos/as nenos/as de 2º e 3º.

Unha fantástica xornada na que disfrutamos dun día de convivencia con nenos e nenas dos Ceip Pintor Antonio de Goián, do Ceip de Tebra, do Ceip de Barrantes, do Cep Pedro Caselles, do Ceip de Sobrada, do Ceip de Randufe, do Ceip de Rebordáns, do Ceip Nº1 de Tui, do Ceip de Guillarei e do Cep Altamira de Salceda. Grazas a todos por facer posible que os nenos e nenas do Ceip Nº2 de Tui o pasáramos xenial.

Curso de Manipulación de Alimentos.

O pasado día 13 de Novembro de 2018, tivemos no Ceip Purilingüe Nº2 de Tui, un curso de Manipulación de Alimentos, co senso de formar ao profesorado na importancia de educar nunha alimentación san, saudable e axeitada.

A Horta de Lúa.

Para ter un estilo de vida saudable e feliz, creemos que é moi importante coidar dos alimentos que comemos. Para iso, tal como fixemos en cursos anteriores con Lúa, prantamos na súa horta, puxemos un invernadoiro e as nosas prantiñas están a medrar para que pronto as poidamos probar.

Reciclaxe Saudable.

Este curso, con motivo do proxecto " Un estilo de vida saudable e feliz" decidimos tomar conciencia da importancia de reciclar e manter o patio o máis limpo posible.

Para isto, colocamos papeleiras nas zonas comúns para poder reciclar todos os desperdicios que xeramos nas aulas e formouse unha patrulla de reciclaxe que durante os recreos informa e recorda a todo o alumnado que manter o patio limpo é moi importante.

EQUIPO ECOLÓXICO 

Este curso 2018-19 temos una novidade no cole. Para axudar nas labores relacionadas ca horta e nun novo proxecto do que xa falaremos e que ten que ver coa reciclaxe, constituise o "Equipo Ecolóxico".

Este equipo está composto por 20 alumnos e alumnas de 6º que, de xeito voluntario, están dispostos a axudar e colaborar.

Polo tanto, dende o Equipo Ecolóxico e dende todo o Equipo Voz Natura dámosvos a benvida a este novo curso escolar!

III Urban Trail Night Eurocidade Valença-Tui

Os alumnos de 6º do Ceip Nº2 de Tui, Claudia, Mónica, Suso, Diego e Jose, xunto ao equipo de Deporte no 2, participaron como voluntarios no desenrolo da proba. Unha sorte e unha satisfacción poder colaborar nesta proba. Aquí vos deixamos un exemplo do ben que o pasamos e da importancia que ten colaborar e axudar nas probas deportivas para que estas se leven a cabo con éxito.

 As empresas QUALITÉ SPORT EVENTS S.L, e SRA. EMILIA AGENCIA DE COMUNICACIÓN Y PUBLICIDAD S.L, en colaboración coa  EUROCIDADE TUI-VALENÇA, organizaron o pasado sábado 03 de Noviembre a III Edición da “URBAN TRAIL NIGHT – EUROCIDADE” 

- SAIDA E CHEGADA. A saída deuse o sábado 03 de noviembre ás 20:30 (hora española) dende a Avda. Miguel Dantas de Valença do Minho en Portugal e a chegada será no paseo da Corredera de Tui. Atoparedes máis información en:http://urbantrailnight.com/

Os alumnos de 6º do Ceip Nº2 de Tui xunto ao equipo de Deporte no 2, participaron como voluntarios no desenrolo da proba, unha sorte e unha satisfacción poder colaborar nesta proba. Os voluntarios do cole tiveron que estar ás 20:00h no centro Interfederado de Tui e remataron sobre ás 22:00h cando rematou a proba. Moitas grazas a todos por colaborar.

Calendario da Competición de

Volei Escolar

Curso 18-19

Xa temos a vosa disposición o calendario da Competición de Volei Escolar para este curso 18-19. Como comprobaredes no calendario serán tres mércores consecutivos os días 28 de Nov, 5 e 12 de Dec, en horario de 16:00h a 19.00h no Pavillón do Ceip Randufe. Nesta competición animamos a participar a todo o alumnado de 3º a 6º.

Recordade a importancia de prácticar deporte para ter un estilo de vida Saudable e Feliz.

Calendario de Dinamizacións Intercentros curso 18-19

Aquí vos deixamos o Calendario de Dinamizacións Intercentros para este curso 18-19. Nesta competición competirán o alumnado de 3º a 6º nunha xornada lectiva, na que irá a clase completa. Os deportes que practicarán nesta xornada xunto ao outro colexio participante serán: Minibalonmán, Minivolei, Bádminton, Baloncesto, Futbol-sala e Xadrez.

Os días de competición todos os alumnos terán que traer a equipación do colexio e chandal do mesmo, polo que é moi importante que todas as familias fagan o posible por facerse con ela. Moitas grazas polo esforzo.

Merendas Terroríficas Saudables do Samaín.

Para celebrar a festa do Samaín, que é unha festa tradicional de Galicia que coincide co 1 de Novembro, o Equipo de Normalización lingüística propuxo festexar este ano con motivo do Proxecto Erasmus, con Merendas Terroríficas Saudables. Para iso o alumnado do colexio, xunto coas súas familias crearon unha receita de Merenda Terrorífica Saudable e o día da Festa do Samaín truxeron a proba a escola para poder degustala. Todas estaban exquisitas.