blogue deluisseoane

O venres celebramos o día da Paz. Cantamos e bailamos, e pedimos que os nosos desexos dun mundo cheo de boas novas fágase realidade.

Disfrutade do nosa pequena, pero significativa, conmemoración no seguinte enlace:

Saímos na prensa "La Opinión de A Coruña" polo bo traballo que fixo o alumnado elaborando o "ABCD Luís Seoane". Un xornal de boas novas que non soen aparecer na prensa ordinaria. Repartiremos exemplares polo pobo de Mera pero aínda así deixámosvos o link do formato dixital para que o gocedes. Ademais, sairemos nas redes dixitais da Consellería. Cando as cousas fanse ben...

Retomamos a CAMPAÑA DE SENSIBILIZACIÓN DE COIDADO DE MASCOTAS que nos vimos na obriga de aprazar pola situación que a Covid orixinou no cole no mes de Decembro.

Dende aquí compaartimos de novo o vídeo que elaboramos para que coñezades a causa.

Do 24 de Xaneiro ata o 11 de Febreiro, podedes participar co EQUIPO DE BOSQUE DE Boas Prácticas, pois sabemos que todos e todas estades moi concienciados cos peludiños e peludiñas que precisan dun fogar.

Grazas, grazas e grazas!!

Publicada a ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C)

• As solicitudes poden presentarse a través da aplicación"admisionalumnado (https://www.edu.xunta.es/admisionalumnado) ou entregando neste centro os formularios debidamente cumplimentados.

• Hoxe (luns 16 de xaneiro) enviamos os impresos para os nenos que queiran continuar os estudos no IES ao que estamos asdcritos, o IES María Casares.

• O prazo de presentación das solicitudes abarca do 15 de xaneiro ao 4 de febreiro.

• As familias que desexen reservar praza noutro centro, deben comunicarse con él e non entregarán no colexio as solicitudes.

Ola familias!!!

Despedimos este primeiro trimestre agradecendo a toda a comunidade educativa: docentes, coidadoras, conserxe, administrativa, persoal de limpeza e por suposto á ANPA e familias, por todo o apoio e polas mostras de unidade e colaboración nestes días tan complexos que nos tocou vivir.

Desexámosvos un ano repleto de saúde, traballo e moita felicidade que tanto nos merecemos. Non nos cansaremos de darvos as grazas por estares aí e seguir formando a Comunidade Educativa que pilota " o colexio de Canide", o Luís Seoane.

Desexarvos un Feliz Ano e esperamos vervos a todas e todos á volta destas merecidas vacacións. Unha aperta!!!

E velaquí a nosa proposta para tomar as uvas...as badaladas dos nenos e nenas de 6ºB!!

Bo Nadal e Mellor Ano Novo!!!

Dada a situación na que estamos e vendo o incremento de positivos por Covid entre o alumnado de E. Infantil, desde a Xefatura Territorial de Sanidade decidiron ESTENDER O CRIBADO A TODO O ALUMNADO, INCLUÍNDO TAMÉN A TODO O PERSOAL DO CENTRO: LIMPEZA, COMEDOR E EXTRAESCOLARES. As familias recibirán un SMS coa cita para acudir ao cribado no AUTOCOVID do CHUAC.

Esperamos que con esta medida avancemos na detección de casos e recuperemos a normalidade o máis pronto posible. 

Moito ánimo!!

CRIBADO ALUMNADO DE PRIMARIA

LUGAR: PAVILLON DO CEIP LUIS SEOANE

O XOVES, 9 de DECEMBRO de 2021, a partir das 10 da mañá, realizarase por parte de persoal do Sergas, que se desprazará ata noso colexio, un cribado entre TODO O ALUMNADO DE PRIMARIA. Aínda que estades a recibir notificacións vía SMS da plataforma do Sergas, estas son meramente informativas, xa que O LUGAR PARA A REALIZACIÓN DO CRIBADO É O COLEXIO. Esta información foi ratificada a través dun correo electrónico de Sanidade, que vos adxuntamos a continuación.

IMPORTANTE: todo o alumnado DEBERÁ TRAER UNHA AUTORIZACIÓN debidamente cuberta e asinada polo pai/nai/titor legal,  da que podedes descargar AQUÍ un modelo ou incluso escribila a man.

Toda a información vén recollida neste breve vídeo que esperamos sirva para aclarar todas as vosas dúbidas.

     LEMBRADE:

- O alumnado que ESTEA  CONFINADO,  seguindo as instrucións da CSC, NON VIRÁ AO CENTRO a facer o cribado, xa que deberán seguir as instrucións dos rastrexadores.

- O alumnado que, por diversos motivos,  non veña ao colexio ás 9, virá a facer o cribado AS DEZ da mañá e entrará pola porta correspondente, onde haberá persoal do colexio.

- O alumnado que estea no colexio, irá acompañado polo seu grupo e o seu profesorado titor ata o pavillón.

- O LUGAR DA PCR É O NOSO COLEXIO E O ALUMNADO DEBE TRAER A VOSA AUTORIZACIÓN.

Estimadas familias:

Estamos a vivir unha situación delicada, sumada á intranquilidade que conleva non estar preto de vós nunha ponte tan longa. Dicirvos que estamos en contacto con Sanidade en todo o momento que eles nos demandan. O noso traballo, unha vez Sanidade nos comunica o contacto positivo, é marcar os contactos estreitos na aplicación EDUCOVID. A partir dese momento, confiamos en que o seguinte paso sexa que contacten vós e actúen dentro do plan deseñado para cada caso.

 Lembrade:

• que aquel alumnado que non poda acudir ao centro será atendido baixo as directrices do Plan de Ensino Virtual do Centro.Os mestres seguirán traballando cando a súa aula estea pechada ou o seu alumnado confinado. 

• estamos dentro da primeira avaliación e serán os mestres os que decidan como avaliar, se de forma presencial ou virtual, dependendo do caso e da realidade coa que se atopen.

• o colexio respectará as decisións de Sanidade, que poden variar nas seguintes horas. Estamos á espera de como se efectuará o cribado.

• o colexio a día de hoxe seguirá aberto. Se houbese que pechalo serían as Xefaturas correpondentes as que o determinen.

• o alumnado non afectado nin confinado poderá seguir acudindo a clase. Seguiremos a adoptar as medidas preventivas e mantendo os Grupos Estables de Convivencia.

• serán as autoridades sanitarias, o profesorado e o equipo directivo o que vos comunique oficialmente as actuacións ou medidas a adoptar.

Pola nosa parte, expresar as nosas ganas de seguir traballando para que isto saia adiante. 

Esta mañá notificáronnos un novo expediente Covid da aula que está pechada polo que non xera novos contactos estreitos.

Desde a Xefatura  Territorial de Sanidade VAISE PROCEDER A UN CRIBADO XERAL DE TODO O ALUMNADO DE PRIMARIA, polo que poñeranse en contacto con vós para realizalo.

Recibide unha forte aperta e seguimos atentos á situacion da que sairemos, seguro!

AVISO IMPORTANTE

Dende o xoves, 2 de decembro, en horario de 9 a 14 horas, farase ENTREGA DAS MÁSCARAS ao alumnado beneficiario.

Tedes que pedir cita previa no teléfono 981617130