Blogue de admin

Un dos principais obxectivos dende a área de Ed. Física, en conxunto con todo o centro, é fomentar a actividade física e hábitos saudables no noso alumnado. 

Seguindo o programa XOGADE que desenvolvemos neste curso 2017-2018, decidimos optar pola modalidade do bádminton.

Fóra do horario escolar, os nosos nenos e nenas están a entrenar e aprender as regras deste deporte. Despois aqueles que queiran poderán participar en campionatos amistosos e competicións que se irán programando ao longo do curso. 

Algúns dos obxectivos que nos marcamos con este programa son:

• Incrementar a participación en actividades físico-deportivas do noso alumnado. 
• Promover hábitos de vida saudables. 
• Aproveitar a función de cohesión social que ten o deporte. 
• Potenciar os valores do xogo limpo, deportividade, tolerancia,cooperación e superación no noso alumnado.
• Introducir ao alumnado en disciplinas deportivas descoñecidas ou pouco coñecidas por eles. 
• Fomentar o movemento físico dunha maneira lúdica.

En breves saberedes máis novas sobre esta iniciativa! 

Na aula de Infantil estivemos levando a cabo durante o primeiro trimestre un proxecto en inglés sobre o outono e sobre todo o relacionado con esta estación. 

Durante estes meses aprendemos unha gran cantidade de novas palabras en inglés e curiosidades sobre o outono. Por exemplo traballamos coas cores, practicamos os números, a roupa que poñemos nestas fechas, realizamos a lectura e dramatización dun breve poema en inglés, analizamos como cambia a natureza nesta estación, festexamos o Halloween como o fan nenos e nenas noutros países de fala inglesa e puxémolo en contraste co noso Samaín. 

A modo de pequeno resumo fixemos o seguinte poster dixital, co cal as nenas de infantil se divertirán moito vendo o producto do seu traballo ao mesmo tempo que se inician no manexo das novas tecnoloxías. 

Non o perdades! 

Se non conseguides ver ben aquí o poster dixital, premede na seguinte ligazón: 

https://edu.glogster.com/glog/autumn-project/2nvej32jhgj

Este é o noso primeiro ano traballando con este tipo de material polo que vimos moi importante que o punto de partida para comezar a traballar a programación e a robótica fora o desarrollo do pensamento computacional no noso alumnado. 

Para levar a cabo este tarefa que, a priori, pode parecer unha labor tediosa e complicada, empregamos xogos nos que os nenos poden, de maneira moi intuitiva, ir desarrollando as capacidades e habilidades que, máis adiante, precisarán para programar o robot ou realizar certos retos. E todo isto dunha maneira lúdica. 

Darse conta de que un robot non é un ser autónomo, que soamente vai responder ao que nos lle decimos ou o feito de que se algo faia é porque algun paso realizamos erroneamente, fai aos nosos nenos e nenas conscientes do seu rol neste tipo de actividades, cambiando a súa forma de pensamento: máis reflexivos e capaces de ir paso a paso, traballando en grupo e chegando a conclusións conxuntas e afrontando o erro como parte dun proceso. 

Con estes mini-xogos e o uso da programación conseguimos repasar contidos como os ángulos, as coordenadas ou a orientación espacial, entre outros. Moi recomendable. 

Aquí vos deixamos o link ao xogo para prácticar o empregar nalgunha actividade, e imaxes das nenas e nenos de 4º, 5º d 6º traballando con el. 

Juegos de Blockly