CEIP Plurilingüe García Barbón

NOVAS DO CENTRO

21 días en galego

Este último trimestre, neste curso académico tan diferente, queremos rematalo cunha actividade complementaria moi especial: Amosando o noso cariño pola lingua galega. Todas e todos nos sentimos profundamente orgullosas e orgullosos das nosas praias, dos nosos montes, das nosas vilas e aldeas e, como non: da nosa lingua. Este idioma que nos fai diferentes ao resto.

Coa finalidade de promover o galego dende o seu emprego en moitas situacións cotiás e, para moitas tarefas diferentes, fixemos unha programación de " 21 días en galego" propondo ao conxunto da comunidade escolar actividades relacionadas coa música, coa lectura, co arte, coa autora homenaxeada no Día das Letras Galegas...

Aproveitamos esta entrada para amosar o noso agradecemento ás persoas que desinteresadamente participarán connosco ao longo deste proxecto. Gardamos os seus nomes no peto para nos sigades no blog (ACCESO A LARENDO NO BARBÓN) e os descubrades facendo este camiño con nós!

ENQUISA DIAGNOSE CONVIVENCIA 2021

Onte os seus fillos/as levaron unha carta con instrucións para participar na enquisa de diagnose que nos remitiu a Consellería, que permitiran identificar aspectos a mellorar na xestión da convivencia e da resolución de conflitos nos centros educativos.

É unha enquisa anónima e para acceder a mesma deben introducir a clave suminsitrada na seguinte ligazón (familias). O alumnado de 5º e 6º tamén pode participar en dita enquisa coa clave que lle foi suministrada acedendo por esta ligazón

A enquisa remata o 29 de abril.

PROXECTO EDUCATIVO

Liña pedagóxica do centro. Nesta presentación tendes toda a información relativa a nosa liña de actuación no ámbito educativo, social, emocional,… que favorezan o desenrolo integral do noso alumnado

O noso día a día, na que podedes ver as diferentes instalacions e actividades que se levan a cabo nas memas

Información relativa ao proceso de matriculación

Para resolver dúbidas

SECRETARÍA
Teléfono	886111087 (luns-venres: 9:00-14:00)
Correo electrónico	ceip.garcia.barbon@edu.xunta.gal
EQUIPO DIRECTIVO
Teléfono	886111088
Correo electrónico	direccion@garciabarbon.com.es
Días	Luns	Martes	Mércores	Xoves	Venres
Horario	09:00-09:45 13:00-14:00	9:00-09:45 13:00-14:00	9:00-09:45 13:00-14:00	9:00-09:45 13:00-14:00	9:00-09:45 13:00-14:00

SEMANA DAS CIENCIAS

Dende o día 8 ao 12 de marzo levaremos a cabo no centro distintas actividades para conmemorar a semana da muller e a nena na ciencia. Estivemos a traballar como auténticas/os científicas/os poñendo en práctica o método científico.

Durante as semanas previas fixemos un traballo de investigación, formulamos hipóteses e finalmente a comprobación por medio da experimentación.

Ao longo desta semana vamos a disfrutar do traballo feito por todos os compañeiros e compañeiras e poder descubrir os seus experimentos. Queremos invitarvos a que podades visualizar o que fixeron os científicos/as do futuro, e para iso necesitamos que teñades un lector de códigos QR para disfrutar de algo fantástico

Felicitación nadal

Festival de Nadal

Benqueridas familias

Chegamos ao final do primeiro trimestre. Isto foi posible grazas a implicación de todo o profesorado, familias, Anpa, persoal de administración e servizos, persoal de limpeza,.... e sobre todo ao noso alumnado. Eles e elas son os que nos deron unha auténtica lección de como hai que facer as cousas e implicación coas regras establecidas.

O curso avanzou e chegamos ao momento de preparar o noso festival de Nadal. Todos e todas participamos co mesmo agárimo de sempre, coordinados pola mestra de música, na elaboración dos vídeos musicais.

Ainda que non podedes estar connosco físicamente, queremos achegarvos as actuacións dos vosos artistas. Clicade en cada curso que se atopa colgado na árbore de Nadal e disfrutádeo.

Recomendamos que visitedes o blog da biblioteca, onde atoparedes un vídeo marabilloso de lecturas recomendadas para estas vacacións e o blog de dinamización lingüística no que podedes consultar distintas tradicións do nadal en Galicia
A mestra Olalla, nas clases de plástica, enfocou ou Nadal dende a creación de animacións por medio de stop motion e saíron fantásticas películas que podedes disfrutar clicando nos vídeos que aparecen a continuación

Despedimos este trimestre coa decoración de nadal que nos daba a benvida cada día

Gañadores concurso “Cíes. O paraíso de todos”

O pasado venres 18 de decembro celebrábase no Auditorio Mar de Vigo a entrega de galardóns do VI concurso promovido polo Faro de Vigo: “Cíes. O paraíso de todos”. Unha entrega de premios onde estaba representado o CEIP García Barbón para recoller o premio á modalidade colectiva por un vídeo presentado polo alumnado de 1º de Primaria e os mestres Tania e Jesús.

O protocolo de medidas de hixiene e seguridade impediu a asistencia de tódolos participantes pero dende aquí queremos felicitalos e compartir o seu traballo co resto da comunidade educativa. Noraboa!

Enlace noticia Faro de Vigo

Circular informativa sobre o final de trimestre

Benqueridas familias:

Achegámonos ás festas do Nadal, as cales queremos felicitarvos de forma moi agarimosa, e informarvos de aspectos importantes para estes últimos días

As clases rematan o 22 de decembro. O alumnado levará as notas en papel e serán publicadas ese mesmo día ás 16 horas en abalar, aplicación que podedes descargar no móbil
A volta das clases están previstas para o día 8 de xaneiro. Non podemos concretar nada sobre as noticias que están a aparecer sobre outras datas para a volta despois das vacacións. En caso de que non sexa na data prevista o comunicaremos pola web e por abalar
Dada a situación de pandemia que estamos a vivir, non puidemos celebrar o festival de nadal coas familias. Temos unha sorpresa para vos, xa que están traballando moi duro nas súas actuacións navideñas dirixidos pola mestra de música e o día 22 publicaremos na web todas as actuacións

Recibide un afectivo saúdo de todo o equipo docente do Ceip García Barbón

DÍA DA INFANCIA: 20 NOVEMBRO

O Día da Infancia conmemórase todos os anos o 20 de novembro, adicado a todos os nenos e nenas do mundo. É un día para celebrar os avances conseguidos, pero tamén para lembrar aos nenos e nenas que se atopan nunha situación desfavorecida; dar a coñecer os dereitos da infancia e concienciar ás persoas sobre a importancia de traballar día a día polo seu benestar e desenvolvemento.

Este día mundial lembra que todos os nenos e nenas teñen dereito á saúde, á educación, á identidade, á protección, a xogar, á súa liberdade de expresión, á alimentación e a vivienda, con independencia do lugar do mundo no que naceran.

No García Barbón impártannos os nenos e nenas, do noso colexio e de calquera parte do mundo e por iso quitemos dar a conocer os seus dereitos.

Feliz día rapaces e rapazas!

RESUMO DA SEMANA DO MEDO

Non queríamos marchar de fin de semana sen amosarvos o traballo desta semana: xestión das emocións, composicións literarias, representacións teatrais, tradicións culturais, expresións artísticas e… MOITA DIVERSIÓN!

Coma fin de festa bailamos todos xuntos con Uxía Lambona a canción do Samaín.

Feliz Samaín!