CEIP Plurilingüe García Barbón

NOVOS PRAZOS PROCEDEMENTO DE ADMISIÓN ALUMNADO. CURSO ACADÉMICO 20/21.

Mér, 06/05/2020 - 14:21 — administrador

NOVO CALENDARIO DO PROCEDEMENTO DE ADMISIÓN E MATRÍCULA

Presentación da solicitude de admisión	11 ao 18 de maio
Presentación listaxe provisional	O 20 de maio
No caso de haber máis solicitudes que prazas: Presentación da documentación acreditativa dos criterios de baremo	Ata o 26 de maio
Publicación das listaxes provisionais de persoas admitidas e non admitidas	O 8 de xuño
Reclamacións ás listaxes (3 días hábiles despois da publicación destas)	Do 9 ao 11 de xuño
Publicación das listaxes definitivas de persoas admitidas e non admitidas	Ata o 26 de xuño
Formalización da matrícula en educación infantil e primaria	do 1 ao 10 de xullo

PUBLICACIÓN DAS LISTAXES

As listaxes provisionais e definitivas de persoas admitidas e excluídas poderán consultarse:

a) Presencial: Única e exclusivamente no taboleiro de anuncios situado no interior do edificio escolar.

b) Non presencial: Única e exclusivamente a través da aplicación admisionalumnado empregando a Chave365 ou certificado dixital da Fábrica Nacional da Moneda e Timbre.

INFORMAMOS ÁS FAMILIAS QUE A ATENCIÓN AO PÚBLICO FARASE EXCLUSIVAMENTE CON CITA PREVIA CONCERTADA NO 886 111 087.

blogue de administrador

ACTIVIDADES PARA A SEMANA DO 27 AO 30 DE ABRIL

Lun, 27/04/2020 - 03:06 — administrador

ACTIVIDADES PARA A SEMANA DO 20 AO 24 DE ABRIL

Lun, 20/04/2020 - 01:35 — administrador

Informamos ás familias das axudas que ofrece o Concello de Vigo para diversos colectivos, entre os cales están os usuarios de comedores escolares. Poden abrir o arquivo adxunto para poder ver o documento con maior calidade.

Un saúdo

A dirección

INFORMACIÓN SOBRE O COMEDOR ESCOLAR

Xov, 02/04/2020 - 17:30 — administrador

Achegamos como arquivo adxunto o documento da ANPA no cal se explican os pagos do comedor:

- As cotas do comedor escolar son cobradas mes vencido, é dicir, a cota que se cobrou non mes de marzo é a correspondente ao mes de febreiro.

- Neste mes de abril cobraranse só a primeira quincena do mes de marzo, polo que ás familias se lle cobrara a metade do importe da cuota mensual, que varía dependendo da asistencia semanal cada neno/a.

- No caso das persoas que asisten de forma esporádica ao comedor o cobro será coma sempre, se cobraran só os días de asistencia do mes de marzo.

- Debido a que neste momento no temos acceso o programa necesario para pasar os recibos non sabemos cando se emitirán, pero intentaremos coma sempre entorno ao día 10.

- Ás familias becadas se lles informou das medidas aprobadas polo concello de Vigo.

Para calquera cuestión o teléfono e mail do Anpa seguen operativos

Un saúdo

INFORMACIÓN PARA A SEGUNDA QUINCENA DE CONFINAMENTO

Sáb, 28/03/2020 - 16:49 — administrador

Estimadas familias:

Tendo en conta que o estado de alarma vaise prolongar durante dúas semanas máis procedemos a facilitarvos a seguinte información:

- A segunda avaliación dase por rematada a día 13 de marzo. Os docentes avaliarán ao alumnado tendo en conta as tarefas realizadas ata esa data. Poderán consultar os boletíns de cualificacións a través da aplicación abalarmóbil, a partir do venres 3 de abril ás 14:00.

- Achegamos as tarefas para a semana do 30 de marzo ao 3 de abril. Poden consultalas en "adxuntos", ao final deste aviso. Se necesitan algunha aclaración poden poñerse en contacto coas mestras.

- Do día 6 ao 13 de abril son as vacacións de Semana Santa. Para este período non haberá tarefas ou actividades programadas.

- Becados de comedor. Estamos á espera de recibir información oficial no centro sobre as axudas existentes. Tan pronto a teñamos enviaremos un abalar ás familias que necesiten acollerse a estas.

Estean pendentes da páxina web e o abalarmóbil, xa que seguiremos informando a través destes medios.

Unha aperta enorme para todos.

A dirección

TAREFAS PARA O ALUMNADO

Dom, 15/03/2020 - 21:03 — administrador

Bo día

Achegamos como arquivos adxuntos as tarefas a realizar polo ALUMNADO DE INFANTIL E PRIMARIA durante a suspensión do período lectivo.

Recordámoslles que, excepcionalmente, estaremos abertos hoxe 16 de marzo de 9 a 14 horas para entregar ás familias os materiais didácticos que aínda están por recoller.

Recordamos que o profesorado estará á disposición das familias a través do correo electrónico e o abalarmóbil.

Permanezan atentas á páxina web do centro e o abalarmóbil xa que serán os medios utilizados para informar das novas que vaian xurdindo.

Grazas pola colaboración.

A dirección.