Skip to Content

Blog

RESOLUCIÓN DEFINITIVA CENTROS PLAMBE

Ven, 15/11/2024 - 21:22 — admin

Xúntase arquivo coa Resolución do 13 de novembro de 2024 da Dirección xeral de Ordenación e Innovación Educativa pola que se resolve definitivamente o Plan de mellora de bibliotecas escolares en centros públicos non universitarios de titularidade da Consellería de Educación, Ciencia, Universidades e Formación Profesional para o curso 2024/25.

RESOLUCIÓN PROVISIONAL CLUBS DE LECTURA

Xov, 07/11/2024 - 20:28 — admin

Ven de publicarse con data de 5/11/2024 a Resolución provisional de centros admitidos no programa Clubs de Lectura, dentro das actuacións para o fomento da lectura no ámbito educativo, no contexto do Plan LÍA de Bibliotecas Escolares (Lectura, Información e Aprendizaxe) en centros públicos de titularidade da Consellería de Educación, Ciencia, Universidades e Formación Profesional, que acollan ensinanzas de educación primaria, secundaria, bacharelato,formación profesional, tanto en réxime ordinario como de Aprendizaxe Permanente,ou Ensinanzas Artísticas, Idiomas e Deportivas, durante o curso 2024/25.

Pode consultarse esta nova na seguinte ligazón:  ( páxina 3, CEIP de Galán)

 

 https://www.edu.xunta.gal/portal/node/44939

INVITACIÓN PARA AS FAMILIAS. CELEBRAMOS O MES DA CIENCIA

Mar, 05/11/2024 - 23:07 — admin

Estimadas familias,

Este novembro, celebramos o mes da ciencia en galego nas bibliotecas e gustaríanos contar con vós! Queremos invitar a todas aquelas persoas que traballen en algo relacionado coa ciencia a compartir a súa experiencia co noso alumnado.

A idea é sinxela: vir dar unha pequena charla de 30 ou 40 minutos en horario de mañá sobre o voso traballo, para que as nenas e nenos poidan coñecer de primeira man en que consiste e como é o día a día na vosa profesión relacionada con algún ámbito da ciencia.

Se estades interesadas ou interesados, podedes poñervos en contacto co colexio ou enviarnos un correo ao enderezo electrónico da biblioteca (biblioteca.ceip.galan@edu.xunta.gal) Estaremos encantadas e encantados de contar convosco para inspirarnos!

Moitas grazas pola vosa colaboración e agardamos contar con vós neste mes da ciencia en galego nas bibliotecas.

Un saúdo

CLUB DE LECTURA PARA O PROFESORADO

Mar, 15/10/2024 - 16:23 — admin

RECOMENDACIÓNS LECTORAS PARA O VERÁN

Mér, 24/07/2024 - 08:35 — admin

Na ligazón da nosa BIBLIOGALÁN atoparedes recomendacións de libros de lectura para este tempo de verán!

https://bibliogalan.blogspot.com/2024/06/recomendacions-lectoras-para-o-estio.html

PABLO MARIÑO PRESENTOUNOS O SEU NOVO LIBRO

Lun, 10/06/2024 - 13:48 — admin

O escritor arteixán e membro da nosa comunidade educativa Pablo Mariño, visitou a bibliogalán para presentar o seu último libro O arrecendo das noites de vésperas.

Máis información no blog BIBLIOGALÁN

 

Moitas grazas pola visita!

 

BIBLIOGALÁN CELEBROU O DÍA DO MEDIO AMBIENTE

Xov, 06/06/2024 - 16:51 — admin

 

Na BE pasaron o Día Mundial do Medio Ambiente coa charla de María, veterinaria do medio rural, que atende a centos de vacas e hoxe compartiu co alumnado de primeiro a posta en valor do seu traballo e o coidado dos animais.

Moitas grazas, María!

 Máis información na ligazón:

https://bibliogalan.blogspot.com/2024/06/pasamos-o-dia-mundial-do-medio-ambiente.html

 

 

 

É O MOMENTO DE AVALIAR!

Xov, 23/05/2024 - 21:44 — admin
Todo proceso precisa dunha avaliación para poder establecer unha serie de melloras para vindeiros cursos. Por iso, estaríamos encantadas e encantados de coñecer a túa opinión anónima. É moi importante para todas e todos nós!

 Moitas grazas pola participación!

MARÍA BRENN VISITA O NOSO CLUB DE LECTURA

Mér, 22/05/2024 - 21:47 — admin

O 22 de maio o alumnado de sexto de primaria tivo a visita de María Brenn no noso club de lectura, xunto coa mestra Inma, coordinadora do club e de Diego, coordinador da BE.

Aquí deixamos unha imaxe. Máis información no noso blog BIBLIOGALÁN.

Picade AQUÍ

 

VIOLINOS POLAS LETRAS GALEGAS

Xov, 16/05/2024 - 15:54 — admin

Hoxe celebramos o Día das Letras Galegas na BiblioGalán.

Música de violinos soaron na Bibliogalán polo Día das Letras Galegas e pola coruñesa Luísa Villalta cunha lectura musicada do libro Luísa Villalta: sempre infinita de Bea Mejuto e Bea Gregores por parte do noso alumnado de cuarto e sexto de Educación Primaria e a música en directo das nosas compañeiras Valentina, Laura e Sofía que interpretaron pezas da música tradicional galega como Vivir na coruña que bonito é, A Rianxeira ou a Muiñeira de Chantada entre outras.

Toda a información no blog BIBLIOGALÁN

 

 

Distribuir contido


by Dr. Radut