BENVIDOS AO CEIP PLURILINGÜE DE FRIÓNS

                 Estimadas familias:

            Invitámoslles a visitar o noso cole. O CEIP PL de Frións conta con servizos de comedor,

        plan madrugadores e dúas liñas de transporte. O centro ten horario de 9:45 a 14:45.

           Nos vindeiros días faremos unhas xornadas de portas abertas. Poden poñerse en contacto con nós

       para solicitar unha cita chamando ao teléfono 881867027 ou enviando un mail ao ceip.frions@edu.xunta.gal.

          Os días para visitar o cole son os seguintes:

• Luns, 6 de febreiro de 12:30 a 13:30

• Martes, 7 de febreiro de 16:15 a 17:15

• Luns, 13 de febreiro de 12:30 a 13:30

• Martes, 14 de febreiro de 16:15 a 17:15

     Podedes atopar máis información dos proxectos e traballos que desenvolvemos en:

                 * Páxina web do centro: https://www.edu.xunta.gal/centros/ceipfrions/es

                 * Facebook: https://www.facebook.com/tempofrions 

                 * Instagram: https://www.instagram.com/artsfrions/

                                       Animádevos a visitarnos!!

NOVA MATRÍCULA PARA CURSO 22/23

O PRAZO PARA NOVAS MATRÍCULAS ESTÁ ABERTO DENDE O DÍA

1 DE MARZO AO 21 DE MARZO DE 2022

(Só se pode presentar unha única solicitude no centro no que se solicita praza en primeiro lugar.)

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
• ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Segundo o artigo 13 da nomeada Orde, terase en conta o seguinte:

1º. Que cada alumna e alumno só pode presentar unha única solicitude no centro no que solicite praza en primeiro lugar, advertindo que a infracción determinará a perda dos dereitos de prioridade que poidan corresponderlle.

 2º. Que o alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

 3º. Que o alumnado que ten reservada praza nun centro, se presenta solicitude de ad­misión noutro distinto deberá comunicar a renuncia á reserva antes do inicio do prazo de presentación de solicitudes de admisión.

 A vía recomendada pola Consellería de Educación para facer a solicitude de reserva de praza é a través de internet no enderezo www.edu.xunta.es/admisionalumnado  ou na Guía  de procedementos e servizos da administración da Comunidade Autónoma de Galicia na dirección www.xunta.es /portada co procedemento ED550B. Para isto precisará Chave 365 ou Certificado Dixital.

  De todos os xeitos poderán entregar a súa solicitude en papel na secretaría do centro no mesmo prazo establecido do 1 ao 21 de marzo. Os impresos están na conserxería do centro.  Pode descargar  os impresos dende aquí. 

OFÉRTANSE OS SEGUINTES POSTOS ESCOLARES

 Se é necesario presentar documentación xustificativa dos criterios alegados darase o prazo estipulado na normativa.

O CEIP plurilingüe de Frións ten adscrito o IES Leliadoura.

A área de influencia vén determinada no mapa que aprobou a Xefatura Territorial e que se pode consultar na dirección deste centro.

O CENTRO PLURILINGÜE DE FRIÓNS DISPÓN DOS SEGUINTES SERVIZOS COMPLEMENTARIOS:

•  SERVIZO DE TRANSPORTE GRATUÍTO. (Instrución 22 de xuño de 2009)

•  SERVIZO DE COMEDOR XESTIÓN INDIRECTA POLA CONSELLERÍA  (Decreto 132/2013)

•  SERVIZO DE PLAN MADRUGA XESTIONADO POLA ANPA.

En Frións a 28 de febreiro de 2022

Luís Teira Parada

Director

Estimadas familias, 

                                                                                      PREME AQUÍ PARA DESCARGAR A SOLICITUDE

EN RELACIÓN CO PROCESO DE ADMISIÓN DE RESERVA DE PLAZA PARA O VINDEIRO CURSO 2021-22, informamos:

SEGUINDO AS INSTRUCIÓNS DA DIRECCIÓN XERAL DE CENTROS E RECURSOS HUMANOS SOBRE O DESENVOLVEMENTO DO PROCESO DE ADMISIÓN DE ALUMNADO EN CENTROS DOCENTES SOSTIDOS CON FONDOS PÚBLICOS PARA O CURSO ACADÉMICO 2021-2022, poden consultar o listado de admitidos e excluidos: 

• Presencialmente: Única e exclusivamente no taboleiro de anuncios situado no interior do edificio escolar.
• Telemáticamente: Única e exclusivamente a través da aplicación admisionalumnado empregando a Chave365 ou certificado dixital.

Aínda así, infomamos que:

4º de Educación Infantil: todas as solicitudes resultaron admitidas.

5º de Educación Infantil: todas as solicitudes resultaron admitidas.

6º de Educación Infantil: todas as solicitudes resultaron admitidas.

1º de Educación Primaria: todas as solicitudes resultaron admitidas.

            A DIRECCIÓN