Cada curso, dende fai uns anos, co gallo da celebración do "DÍA DA PAZ E A NON VIOLENCIA", no colexio facemos un mural entre todos e todas.
A continuación ensinámoste aqueles que aínda están decorando o noso colexio.
Este ano (curso 08/09) os máis cativos/as do colexio coa axuda das súas mestras fixeron un traballo precioso , co seguinte lema:
XUNTOS E XUNTAS POLA PAZ
Todo o cole estamos a facer un ano máis un mural entre todos e todas. A inspiración este ano ven dun debuxo que apareceu nunha revista dominical de "Mingote", o podedes ver a continuación:
Se alguén, cando era máis novo, pensaba que as guerras eran "cousas do pasado" e que nós estabamos "máis civilizados" e "resolvíamos as diferenzas de xeito pacífico", estaba ben equivocado. Nos últimos tempos, as noticias de Gaza espántannos e póñennos os "pelos de punta".
Pero, por desgraza, os sucesos de Gaza nin son novos nin son os únicos que, neste intre, están a suceder no Mundo.
OS CONFLICTOS ARMADOS ACTUAIS
Como podes comprobar, toda a franxa central do noso Planeta (coincidindo cos continentes de Africa, Asia e América (Central e do Sur) está, na actualidade, en guerra. Para saber máis sobre iso, preme aquí.
O CONFLICTO DE GAZA
Desgrazadamente, Palestina "está de moda". As noticias que chegan diariamente móstrannos un panorama desolador que afecta directamente á poboación civil, especialmente, ás mulleres, aos nenos e aos anciáns.
A Comunidade Internacional leva décadas asistindo impasible ante este conflicto entre árabes (palestinos) e israelíes, sen aportar ningunha solución contundente e definitiva.
Pero remontémonos na Historia: a franxa do Oriente Próximo estivo, dende a Antigüidade (hai máis de 5.000 anos), sometida ás idas e venidas dos diferentes exércitos que a conquistaron, facéndoa parte de sucesivos imperios. Compróbao na seguinte presentación:
A HISTORIA DE MOHAMED
A vida nestas circunstancias non é fácil en Gaza. Os dereitos máis fundamentais do Neno e do Home (Dereito á Educación, Dereito a un Fogar, Dereito á Saúde, Dereito á Vida...) son imposibles. Este é o testimonio de Mohamed, un neno que vive en Gaza, e que foi recollido nun vídeo pola Organización Non Gubernamental (O.N.G.) Save the Children:
A APORTACIÓN DE GRACIA E ANXO
Dende Trafegando Ronseis, o blog de Gracia e Anxo, chéganos esta visión sobre o Conflicto de Gaza:
E EN QUE SE DIFERENZA ISTO DO HOLOCAUSTO?
O Estado de Israel foi unha aspiración dos xudeos despois do Holocausto vivido durante a Segunda Guerra Mundial. Pero... que diferenza existe entre o que eles viviron e o que están a vivir, na actualidade, os palestinos de Gaza?
Preme na seguinte fotografía e accederás a un slide con diferentes imaxes da persecución que sufriron os xudeos durante a Segunda Guerra Mundial e da situación actual en Gaza. A única diferenza será, quizás, a cor das actuais.
E MENTRAS, QUE FAI O MUNDO ANTE TANTA INXUSTIZA?
Mentras, os grandes gobernantes do mundo seguen a facer negocios con Israel e a mirar hacia outro lado. Preme na foto e le a opinión de Pascual Serrano ao respecto.
Mirar para outro lado, e silenciar ó inconformista, como lle ocurriu a Gervasio Sánchez (fotógrafo e periodista comprometido coa causa das minas antipersona) cando foi recoller o seu Premio Ortega e Gasset :
E nós... os cidadáns de a pé...? Que podemos facer...? Pouca cousa. Pensar, ser críticos, e cantar con Rosario e Antonio Flores, que... SE POIDÉRAMOS BORRAR TODO O QUE TEMOS VISTO, NON DUBIDARÍAMOS EN VOLTAR A RIR.
Este blog é de "Belén" unha amiga e mestra que fixo que chegaramos ata aquí con esta páxina. Ten moito traballo feito e gústalle compartir. Bota unha ollada.
Visita en tres dimensións deste famosísimo cadro. Moi curioso.Ten paciencia tarda en cargar pero merece a pena. Tamén podes ler moitas cousas de actualidade sobre o que está a pasar no noso mundo.
Este curso temos elixido como canción para traballar
no Día Escolar pola Paz o Himno á Alegría.
Pero... que sabes del? Quen foi o seu compositor...?
Se segues a ler o seguinte artigo, aprenderás moitas cousas interesantes.
Algúns de vós tendes comentado: "Miña nai ten este disco na casa"; "Miña nai di que esta canción é de Waldo dos Ríos"; "Miña avoa ten esta música no piano e é a súa favorita".
Seguramente, a peza que ten túa nai está interpretada por Miguel Ríos (hai máis de trinta anos), quen fixo moi popular esta peza.
Os arranxos e o texto eran de Waldo dos Ríos, pero... Waldo dos Ríos non foi o compositor da música!
Escoita a versión de Miguel Ríos e Waldo dos Ríos e fíxate na roupa e na decoración... ata a televisión era en branco e negro!
Parece que a versión de Waldo dos Ríos e Miguel Ríos foi un éxito.
E, así, foi posible ver a Miguel Ríos cantando en inglés en distintos lugares do mundo, o tema Ode of Joy.(Habería que lle preguntar á profe de Inglés que tal estaba de pronunciación).
O tema de Miguel Ríos tivo moito éxito. Co paso dos anos e das décadas, chegou á Televisión Española un programa que pretendía descubrir novos cantantes.
Tratábase dunha academia onde os candidatos aprendían técnica vocal e demostraban os seus progresos interpretando coñecidos temas. Lembrades...?
Rosa López, de Operación Triunfo, fixo tamén a súa propia versión do Himno á Alegría:
Algo debe ter esta música, porque, na Internet, atopamos versións ben curiosas; como esta, feita con vasos de cristal:
Ou esta, interpretada cun instrumento de corda percutida chamado dulcimer:
Tamén atopamos unha interpretada con strumstick, un instrumento de tres cordas ideado por Bob McNally:
Incluso atopamos unha versión country, interpretada con banjo:
e outra rock:
Pero... alguén importante debeu compoñer esta melodía, para que teña tanta transcendencia ó longo do tempo e do espazo!
Douvos pistas:
Un dos máis grandes músicos da Historia, contemporáneo da Guerra da Independencia Española, admirador de Napoleón e defraudado con el cando comprobou os estragos que os seus exércitos estaban a facer en toda Europa... Vaivos soando...?
Efectivamente: O Himno á Alegría foi composto por Beethoven, sobre un poema (en alemán) de Schiller no que se ensalzaba a liberdade.
Atoparalo se escoitas a Novena Sinfonía (se o fas, tes que ter paciencia, porque é un pouco longa).
As sinfonías eran pezas instrumentais para orquestra. Pero, na Novena Sinfonía, Beethoven introduce, para cantar a Oda á Ledicia, un coro de grandes dimensións.
Por iso, a Novena Sinfonía é chamada tamén Sinfonía Coral.
O estreo da Novena Sinfonía foi un rotundo éxito. O propio Beethoven, que xa estaba totalmente xordo, dirixiu a orquestra;ó rematar o Himno á Alegría, o público rompeu en aprausos. Os músicos da orquestra tiveron que avisar a Beethoven, que non se decataba, ao estar de costas.
O espírito de liberdade que transmite o Himno á Alegría é tan siñificativo, que a Unión Europea teno elixido como Himno.
Para rematar, se aínda non o sabes, podes cantar a xeito de karaoke sobre esta versión. Paz e Música!
