Deglución atípica

A deglución atípica consiste en colocar a lingua de forma inadecuada no momento de tragar os alimentos. A lingua proxéctase cara os incisivos superiores e inferiores e, como consecuencia  soe producirse unha maloclusión dental (son frecuentes as mordidas abertas), dislalias (que ao ser orgánicas convértense en disglosias),etc

Existen algunhas características que debemos ter en conta:

• Boca aberta para respirar e a lingua está en repouso detrás dos incisivos inferiores ou entre os dentes.

•  Masticación incorrecta

Todo isto pode repercutir nos órganos implicados na articulación especialmente:

• nos beizos que soen manifestar hipotonía

• a lingua que soe estar mal colocada

• no padal  soe ser frecuente o padal oxival porque a lingua ao non estar empuxando constantemente cara él  porque está entre os dentes o padal vaise estreitando e ten forma de bóveda

•  Crecemento  desigual mandibular

Ante a sospeita de que isto esté ocorrendo débese acudir ao odontólogo pero se a lingua segue a colocarse mal non se solucionará o problema polo que  sempre se debe facer terapia miofuncional, é dicir, uns exercicios que axuden ao neno/a a colocar ben a lingua.

Desde aquí vos dicimos unha serie de exercicios que vos poden servir para  a deglución atípica.