CEIP Juan Fernández Latorre

O día 2 de novembro celebramos a festa do Samaín. Foi, un ano máis, un éxito de participación e unha mostra máis de superación por parte de todos os participantes, alumnos e familias. Unha exposición que destacou pola orixinalidade das cabazas realizadas, e pola tarde, pola masiva afluencia de alumnos e o que resulta máis significativo e gratificante, acompañados de moitos familiares, o que indica un alto grado de implicación. E como non, agradecer as nais do ANPA e  a AVV IAR a súa especial colaboración.

Acceso ás fotografías 

Díptico elaborado polo EDLG 

O luns 25 de outubro conmemoramos o Día das Bibliotecas. Nesta ocasión invitamos a Christian Magic, vello coñecido da escola, que fixo un espectáculo de maxia relacionado co fascinante mundo dos libros e as lembranzas dalgún deles cando él era neno.

O 15 de outubro e anticipándonos á celebración do Día das Bibliotecas        repartimos un curso máis as mochilas viaxeiras. Estas mochilas conteñen libros, revistas e DVDs para que cada alumno os disfrute durante unha semana con toda a súa familia.  Para chegar dúas veces a cada casa  ao longo do curso , cada clase dispón de dúas mochilas, en total 36 para todo o Colexio.

Dende o Equipo de Biblioteca agardamos que novamente disfrutedes todos desta iniciativa de fomento da lectura.

A partir de hoxe, 1 de outubro, e durante todos os venres do curso poñemos en marcha esta iniciativa do Equipo de Biblioteca na que  o alumnado de primaria adicará vinte minutos (entre as 12 e as 12,20) á lectura silenciosa dos libros e revistas que eles elixan. Esta iniciativa ven a sumarse a outras moitas que dende a Biblioteca do Colexio e outros departamentos realizamos para fomentar o gusto e o hábito pola lectura entre os nenos, A organización da actividade obríganos a adiantar o recreo dos venres 15 minutos e a axustar todas as sesións a 50 minutos de duración.

A partir do luns 4 de outubro iniciamos as actividades extraescolares do Colexio promovidas e organizadas polo ANPA. Se queredes coñecer con detalle o horario das mesmas podedes pinchar na imaxe de abaixo e ver a circular que se enviou as familias.

O  luns 20 de setembro recibimos a visita do Mago Frazer enmarcada     na  Semana Internacional da Maxia que se celebrou na Coruña ata o domingo 26. Todo o alumnado de primaria tivo a oportunidade de disfrutar dunha actuación que combinou a perfección maxia e humor.

Fai clic na foto para ver máis imaxes

Interesante blog persoal no que podemos atopar unha gran cantidade de recursos educativos, xogos, enlaces, etc.

O venres ao inicio do presente curso 2010-11 todos recibíchedes nos vosos fogares a circular de principio de curso, e para os usuarios de comedor ou madrugadores a de normas de funcionamento. Deixamos ambos documentos na web para que podades telas todavía máis accesibles, xa que conteñen información de moito interese para todo o curso.

• Circular de principio de curso 2010-11
• Normas de funcionamento do Comedor e Madrugadores.

O venres 10 de setembro comezan as clases para o alumnado de 5º de Ed. Infantil a 6º de Ed. Primaria no seu horario habitual, de 9 a 14 horas. O alumnado de 4º de infantil terá un horario de adaptación ata o  24 de setembro.

Tamén o día 10 iniciaremos o servizo de comedor  e madrugadores. As actividades extraescolares comezarán o luns 4 de outubro.

Calendario Escolar Curso 2010 - 2011 

Na reunión de Claustro de profesores celebrada hoxe 1 de setembro realizouse a elección de titorías e especialidades   por parte dos docentes do noso colexio. Nos seguinte enlaces podedes consultar o resultado desta adscrición:  

• Titorías                                                                     
• Especialidades