Dende o luns día 16 de marzo e ata o luns día 30 de marzo (inicialmente), suspenderanse tódalas actividades lectivas, de modo que os centros educativos permanecerán pechados.
Nestes momentos nos que nos vemos afectados por unha epidemia mundial, é necesario que extrememos as máximas precaucións co fin de evitar máis contaxios e atallar a pandemia canto antes.
O pasado martes día 11 de marzo celebramos o Día Internacional da Muller no noso pobo.
Tódolos nenos e nenas e mestres e mestras xuntámonos coa xente do pobo na praza para ler un manifesto a favor do papel da muller na sociedade e en concreto no Concello de Leiro e cantar a fermosa canción en prol da igualdade "Todo pode ser".
Esta foi unha actividade programada en colaboración cos Servizos Sociais Municipais.
O pasado mércores día 4 de marzo, o alumnado de 3º a 6º de Primaria desfrutou dunha actividade lúdica e deportiva denominada "Xogaloita" que se levou a cabo no pavillón do colexio Marsitas de Ourense.
Dende o día 1 e ata o día 20 de marzo, está aberto o prazo para solicitar a admisión de alumnado que no curso 2020-2021 deba cursar 4º de Educación Infantil.
Os impresos deberán recollerse e entregarse cubertos e asinados na Dirección do centro, ou de forma telemática na web: www.edu.xunta.es/admisionalumnado.
Toda a información sobre este proceso poderedes tamén atopala no taboleiro de anuncios no interior do patio do centro.