You are hereEducación Infantil , 4º Ed. Infantil, 5º Ed. Infantil, 6º Ed. Infantil, Viaxes didácticas E.I.
Educación Infantil , 4º Ed. Infantil, 5º Ed. Infantil, 6º Ed. Infantil, Viaxes didácticas E.I.
Reciclando botellas de plástico (06/05/2020)
Boas tardes nenos e nenas:
Nesta tarde tormentosa queremos propoñervos unha actividade para crear un xoguete empregando materiais de refugallo.
Todo o que imos necesitar é:
Unha botella de plástico.
Un anaco de fío. Eu collín tres e fixen unha trenza finiña.
Un pelotiña (eu empreguei un carrabouxo que apañei un día de paseo).
Pegatinas ou pintura para decorar.
Como veredes, o resultado é moi sinxeliño e servirá para pasar os momentos mortos encestando a pelotiña na botella, mellorar a coordinación óculo - manual, espertar a creatividade e progresar na motricidade fina.
Pois ben, despois de ver os beneficios e as partes positivas, pasamos agora ao proceso para a súa elaboración.
Primeiro temos que lavar e secar a botella de plástico.
Recortamos a parte estreita da botella deixando o tamaño suficiente como para que a boliña colla sen dificultade.
Collemos o fío e enrollámolo arredor da parte do tapón da botella e ao mesmo tempo enganchámolo á boliña.
Unha vez rematada a súa elaboración, pasamos a deixar voar a imaxinación e decorar o noso xoguete.
Mirade como quedou o noso!!
Ánimo e recordade que tedes ata o día 13 deste mes para mandarnos as fotiños.
Bicos enormes e esperamos a vosa participación.
A profes de Infantil que vos adoran.
O TEMPO METEREOLÓXICO (05-05-2020)
Ola familias!
Esta é a proposta de hoxe:
- Se non tedes impresora podedes facer este último cadro nun folio a man.
* Recordade que a data tope para enviar as fotos do recuncho do tempo é o día 12/05/2020, así mesmo poderes enviar unha foto do papel de rexistro cuberto ó finalizar o mes.
Bicos das vosas profes!
FOTIÑOS CANTOS CONTOS III
Bo día nenxs e familias:
Desde logo que as profes de infantil somos moi afortunadas pola participación dos alumnxs que estades demostrando o voso cariño e dedicación desde as casas. Non sabedes o emocionadas que nos sentimos ao vervos tan felices e participativxs.
Con todo, non nos cansaremos de pedir que os que non vos animastes, o fagades, que disfrutedes con nós, que nos fagades máis levadeira esta situación na que tanto vos botamos de menos.
Aí van as mostras gráficas de todo o que vos inspirou o conto Las diez gallinas.
Un bico enorme e xa sabedes, falta un día menos para poder vernos.
As profes de infantil.
Preparando na casiña o noso horto escolar (3ª parte )
...e parece que nos vosos hortos seguen medrando as plantiñas que con tanto cariño coidades...!
Que contentas estamos as profes ó ver que ben o facedes, canto traballades e que responsables sodes e incluso algún/ha de vós ata deixades escrito todo o voso traballiño...así se fai...!
Aquí tedes fotos dalgúns "horticultores/as"...seguide así, bo traballo...!!!
Sofía (4ºEI) (cantas plantiñas tes!), Antía (5ºEI) (que orixinal "horto vertical"...!) e Icía (ánimo que pronto medrarán!):
Raquel (prontiño probarás os amorodos da túa cosecha) e Noa (6ªEI) (qué rica debe estar esa leituguiña...jejeje):
Carmen (6ºEI) e Sofía (5ºEI) (cantas plantas ides cultivar o voso horto...!)
Martín (moito "argallas"...bo traballo...!)
Álvaro L.F. (moi concentrado...así traballas moito, e ben...!)
Zhoe (canto mides, escribes, regas e coidas as túas plantiñas...bo traballo...!)
Moitas grazas polo voso traballo e esperemos que máis compis se animen a probar.
Bicos...!!
XOGAMOS COAS SOMBRAS (01-05.2020)
Ola chicos e chicas!
Alegranos moito ver o ben que o pasastes xogando coas sombras! Seguro que inventastes contos moi chulos en familia!
As profes estamos moi orgullosas dos vosos traballos.
Aquí podedes ver as vosas fotos, e as dos vosos compañeiros/as:
Da aula de 3 anos: Sabela, Olivia, Zhoe, Martín e Sofía
Da aula de 4 anos: Zoe e Cristian
E da aula de 5 anos: Carmen e Noa
Moitos bicos para todos/as das vosas profes
- « primeira
- ‹ anterior
- …
- 10
- 11
- 12
- 13
- 14
- 15
- 16
- 17
- 18
- …
- seguinte ›
- última »