| CEIP de Rebordáns

DÍA DO LIBRO NA TEPOTECA

O martes 23 de abril celebramos o Día do Libro.

Tepo e Tepa pensaron que a mellor maneira de festexalo sería lendo xuntos; polo que decidimos realizar unha das actividades que máis gozamos no cole, o apadriñamento lector. Aproveitando o bo tempo, saímos ao noso patio. Aquí tedes unha mostra dese máxico momento...

E como non, non podían faltar as sorpresas...

Tepo e Tepa agasallaron aos lectores da Tepoteca cun marcapáxinas e o alumnado de segundo de primaria recibiu da man de Daniela Pirata un cofre cuns fantásticos libros porque... estas nenas e nenos xa van vento en popa no dominio da lectura.

E as recomendacións lectoras non podían faltar nesta data. Deixámosvos unha mostra dos nosos libros favoritos en lingua inglesa.

%count lecturas

ANDAINA MUÍÑOS DO RÍO TRIPES

Grazas a Voz Natura e á colaboración da Asociación Muíños do Tripes e Discamino puidemos gozar dunha preciosa ruta pola contorna do Monte Aloia.

Aproveitamos para ir recollendo o lixo que atopabamos no camiño e así colaborar a manter limpo o noso monte.

Observamos animais que habitan neste parque natural como pequenos morcegos que durmían dentro dos muíños, zapateiros que nos indican a limpeza das augas que pola senda transcorren e ata unha serpe bebé!!!

Podedes ver no seguinte video o ben que o pasamos!!!

Para esta saída contamos cunha colaboración moi especial "Discamino", asociación composta por voluntarios que de xeito totalmente altruísta, axudan a todo aquel que non é quen de facer o camiño por sí só. Eles montaron o seguinte video o cal compartimos.

GRAZAS POLA VOSA LABOR!!!

Tepo e Tepa, coma sempre, móstrannos todo o que podemos aprender nos libros, aquí temos dous exemplares dun dos nosos guías na ruta, Alberto Romero.

GRAZAS ASOCIACIÓN MUÍÑOS DO TRIPES

%count lecturas

XV EDICIÓN DO TUI LE

Un curso máis participamos no TUI LE!

Colaboramos na XV edición do TUI LE xunto a Biblioteca municipal de Tui e as bibliotecas escolares da nosa contorna. Cada centro participante aportou un panel realizado polo alumnado sobre a homenaxeada no Día das Letras Galegas, Luísa Villalta.

Os máis pequenos do cole gozaron co espectáculo de "Cores, contos e rock coa Ramona pequena" de Pakolas e Laura Romero.

O alumnado de 5º de primaria desfrutou coas actuacións dalgúns dos centros participantes.

E todos e todas puideron realizar o intercambio voluntario de libros.

%count lecturas

CHARLA: RECOLLIDA SELECTIVA DE RESIDUOS

O programa Ponte a Zero presentounos na Tepoteca unha charla sobre reciclaxe e tratamento de residuos.

Tepo e Tepa queren que nos conciencemos da importancia correcta da separación de residuos e que colaboremos no coidado do planeta.

%count lecturas

LECTURA E FAMILIA: O LIBRO MÁXICO CON MIGALLAS

O pasado 16 de abril, grazas ao programa Lectura e Familias, tivemos a sorte de poder contar na Tepoteca co espectáculo O libro máxico de Migallas Teatro.

Familias, estivemos encantados de vervos compartindo risas na nosa biblioteca.

No espectáculo uníronse narración, música e teatro. Desexando repetir o vindeiro curso.

Grazas, María e Carlos.

%count lecturas

TALLER DE PREPARACIÓN DE XABÓN

O alumnado de 5º e 6º de primaria, enmarcado no noso proxecto Tepomisión: protexamos os nosos montes, participou nun obradoiro de Ecoloxía na vida cotiá.

Coñeceron como realizar receitas ecolóxicas de limpeza e droguería: antical, abrillantadores de mobles, limpadores de chans e azulexos, limpafornos...

Tamén observaron o proceso de elaboración de xabón reutilizando aceite.

%count lecturas

CHARLA PRIMEIROS AUXILIOS

No CEIP de Rebordáns, alumnado, mestres e familias estamos en continua formación, neste caso en primeiros auxilios.

Todas e todos moi concienzados sobre como realizar os primeiros auxilios, as técnicas de reanimación cardiopulmonar (RCP) e o manexo de asfixia.

Os nenos e nenas desfrutaron aprendendo como axudar a outras persoas, gañaron confianza e aprenderon a manter a calma en situacións de emerxencia.

Grazas a anpa pola súa colaboración, e destacamos a labor do persoal de Protección Civil, que tan xenerosamente compartiu o seu tempo e coñecementos con nós.

Tepo e Tepa aportaron tamén todas a novidades relacionadas coa saúde que temos na biblio.