Aquí andamos Meco,
imos celebrar
o Entroido deste ano
e neste lugar.
Este ano desexamos
o noso bosque coidar,
non queremos máis incendios,
que as nosas árbores nos vaian arrebatar.
No bosque non podemos deixar lixo,
as bolsas que levamos, para a casa han de voltar,
se non coidamos do noso bosque,
non poderemos respirar.
Levas moito tempo Meco,
sen coidar das nosas fragas,
deixas que o eucalipto medre
e acabarán ardendo as nosas casas.
Queremos que os animais
medren felices entre carballos e castiñeiros,
os eucaliptos, Meco,
halos comer ti enteiros.
Por todos estes motivos
este Meco imos queimar
para que leve co lume
todo o que nos fai tanto mal.
