O Equipo de Dinamización da Lingua Galega, durante este curso, decidiu que era importante que o noso alumnado e a comunidade educativa en xeral, coñezan as distintas festas e conmemoracións que se celebran en Galicia dende hai moitos anos (bastantes delas dende hai séculos). Cada mes celebraremos unha delas.
Esas celebracións forman parte do noso acervo cultural, pasaron de xeración en xeración. Teñen que ver coa natureza, as estacións, a historia e os costumes máis ancestrais. Nalgúns casos estas celebracións foron evolucionando, outras cambiaron moi pouco co paso do tempo, outras recuperáronse, e algunhas están a ser absorbidas por certas culturas alleas.
É tarefa de todos nós divulgar e preservar a nosa cultura, sentíndonos parte esencial dese proceso de cara á defensa e protección do noso inxente patrimonio.
Empezamos neste mes de setembro cunha celebración que se realiza en toda España e noutros países, seguro que xa sabedes de que estamos a falar.
SETEMBRO VENDIMEIRO:
Coñecede máis información sobre a vendima no PDF adxuntado.
