O alumnado de 1º e 2º de Educación Primaria puido asistir a unha sesión de Contacontos a cargo de Iago López.
Desta volta puideron coñecer as historias do "Axente Riciños" e, coma de costume, pasárono en grande coa visita deste gran convidado!!
Grazas a todos/as os/as que o fixestes posible!
Neste mes de maio que vén de comezar, visitounos na nosa Biblioteca Escolar LEDICIA COSTAS, divertida, cercana, amorosa, simplemente... FANTÁSTICA!!
Falounos da súa infancia, dos seus avós, dos seus libros...
Nós fixémoslle preguntas, falámoslle dos libros que lemos, do moito que nos gustaron e do que nos gustaría que escribise nos seus próximos libros.
Quedou encantada de vir ao noso cole porque todos os/as alumnos/as de 4º de Educación Primaria leron o seu libro estrela: "Escarlatina, a cociñeira defunta", pero como lles gustou tanto ese libro, algúns decidiron ler outros libros da mesma autora. Na nosa biblioteca escolar pódense atopar exemplares destas obras: "Esmeraldina, a pequena defunta", "A señorita Bubble" e "As peripecias de Extravaganzza Pérez".
Grazas Ledicia, quedas para sempre nos nosos corazóns!!
O alumnado de Educación Infantil, asistiu na Biblioteca Escolar Botalerias á presentación do Libro "Pakolas".
É un libro CD elaborado en colaboración co Colexio Profesional de Logopedas e Galicia.
O autor e compositor dos temas que inclúe é Paco Cerdeira e a ilustradora do libro é unha veciña de Ordes: Laura Romero; e foi esta última a encargada de vírnolo presentar. Estámoslle moi agradecidos.
Benvido ao noso cole PAKOLAS!!
Continuamos a recibir no centro, visitas moi especiais...
Desta volta o alumando de Educación Infantil puido gozar cos libros da Titiriteira, contados pola contadora de contos Celtia Figueiras.
Mirade algunhas fotografías deste día...
Podedes visitar o seu blog e coñecer un pouco as súas andainas premendo aquí.
Desta volta tivemos a sorte de contar no centro coa visita de María Canosa.
Recibírona os alumnos e as alumnas de 3º de Educación Primaria que previamente traballaran a súa obra.
MOITAS GRAZAS POLA TÚA VISITA!!
Foi todo un pracer para o noso alumnado, recibir a visita de Ana Alcolea na Biblioteca do noso centro.
Con ela, puideron falar acerca das súas obras e aclarar certos aspectos que intrigaban aos cativos/as trala lectura...
Así mesmo, a autora asinou as exemplares dos rapaces e rapazas...
Será, para todos e todas, un gran recordo por sempre!!
Os nenos e nenas de 3º e 4º de Educación Primaria puideron asistir a un obradoiro na Biblioteca Escolar. Consistiu nunha actividade proposta pola Consellería de Política Social, que busca a concienciación acerca da reciclaxe de tapóns de tetrabricks e botellas coa finalidade de axudar a asociacións e causas que o precisen.
A mascota que os acompañou foi Püssa e os nenos e nenas pasárono en grande!
Vimos de recibir na Bilioteca do Centro unha visita moi especial. Estiveron con nós, axentes forestais e brigadas contraincendios.
Todos os nenos e nenas puideron coñecer máis de preto o seu traballo e aclarar moitas dúbidas que existían a raíz dos incendios que asolaron a nosa terra.
De igual xeito, como consecuencia da gran concienciación que existe no centro do coidado dos nosos montes; dende o centro estase desenvolvendo un proxecto chamado "Proxecto landras. De Ordes a Vincios" e dende a Biblioteca Escolar quixemos colaborar facendo unha seleción de obras que se poden traballar en relación ao tema.
Agardamos que a lectura sexa moi productiva!
Na última de semana do curso as sorpresas non deixan de acompañarnos. Desta vez recibimos unha visita moi especial; Ana Meilán veu ao cole a falarnos e contarnos moitas cousas sobre Simón, o protagonista da súa obra "Bágoas baixo a cama" ou "Lágrimas bajo la cama".
Acudiron a vela, nos tres pases que ofreceu, os nenos e nenas de Educación Infantil e de 1º e 2º de Educación Primaria.
Grazas pola túa visita Ana Meilán; e á profe Rocío por convencerte para vir!!
Vicky, unha contacontos moi especial, visitou aos nenos e ás nenas de 3º de Educación Primaria na biblioteca do cole para facelos partícipes dunha posta en escea da obra "La jirafa, el pelícano y el mono" de Roald Dahl; que previamente fora lida nas clases.
Foi unha gran experiencia tanto a lectura como a representación...
Moitas grazas por esta actividade!!
Xunta de Galicia - Consellería de Educación, 2013 | ||
