Os nenos e as nenas de 1º, 2º, 3º e 4º de Educación Primaria foron ao cine ao Centro Comercial "As Cancelas", en Santiago de Compostela.
Alí viron a película "Wonder", baseada no libro "La lección de August".
Preme na imaxe para coñecer un pouco máis desta historia... 
"...a veces no hace falta que uno quiera hacerle daño a alguien para hacerle daño, ¿entiendes?"
Ao longo de toda unha semana do mes de novembro, o alumnado de Educación Infantil e de 1º e 2º de Educación Primaria, tivo a posibilidade de coñecer máis de preto a Praza de Abastos de Ordes.
A actividade, chamada "Vaia Praza", foinos proposta polo Concello de Ordes, e organizada polos hostaleiros/as: Sonia Moar, Juan Buyo e Tito Fernández, coa colaboración da Asociación de Comerciantes de Ordes.
Puidemos visitar os postos e coñecer o que neles se vende acompañados/as, con gran paciencia e profesionalidade, de Begoña, Lucía e Sara (monitoras da actividade).
Asistimos a un taller impartido por educadoras da Casa Grande de Xanceda onde prantamos legumes reciclando os envases de iogur e coñecemos máis de preto o traballo que se desenvolve nesta granxa.
E, por se fora pouco, puidemos gozar dun exquisito chocolate con churros cortesía dos/as organizadores/as da actividade e do Concello de Ordes e de outros dous saborosos agasallos cortesía da panadería Milagros e da froitaría A Nova.
Foi un pracer compartir este tempo con veciños/as e comerciantes. Os/as cativos/as viñeron encantados/as!!
Novamente, outro nutrido grupo de alumnado do centro (5ºA, 5ºB, 6ºA, 6ºB e 6ºC de E.P.) tivo o privilexio de visitar o Conservatorio Histórico en Santiago de Compostela e gozar dunha divertida xornada.
Participaron por terceiro ano consecutivo na actividade "Unha viaxe a tempo". Desta volta, a viaxe levounos dende Dinamarca ata as illas Seychelles. Rapaces e rapazas descubriron costumes, paisaxes e sobre todo música dos lugares visitados; sempre da man de Esther Sobral, directora do Conservatorio, que actuou como guía, e os profesores Adolfo Urrabieta ao piano, Albano Dias, percusionista e Vera Kolar tocando o violonchelo.
Premede na imaxe para ver un breve vídeo dunha parte da actividade:
O alumnado de 4ºA, 4ºB, 4ºC e 5ºC de Educación Primaria tivo o privilexio de visitar novamente este curso o Conservatorio Histórico. Asistiron a unha actividade enmarcada no programa Unha viaxe a tempo... Alí cantaron e bailaron coma nunca...
Preme aquí para ver un vídeo do ben que o fixeron...
Ademais, tiveron tempo de desfrutar do contorno e pasar un tempo xogando e brincando como máis lles gusta...!!
E por se fose pouco... saíron na prensa!! Aquí podedes ver unha imaxe do xornal...
Encantados/as con esta saída!!
O alumnado de 3º de Educación Primaria visitou o Auditorio de Galicia para asistir a unha adaptación da ópera Guillermo Tell.
A música de Gioacchino Rossini vibrou no escenario da man da compañía Comediants La Baldufa. Tres instrumentistas e uns excelentes artistas do teatro e a música relataron a lenda de Guillermo Tell coa axuda de obxectos, monicreques e proxeccións audiovisuais.
O humor, a farsa e unha moi coidada estética na escena fixeron posible un divertido achegamento dos rapaces e rapazas ao mundo da ópera.
ATA A PRÓXIMA!!!
Podedes visitar o blog de Música da mestra Adela e así coñecer un pouco máis desta ópera...
Ao longo destes últimos meses, as clases de 5 anos A e 5 anos B estiveron traballando diferentes aspectos relacionados coa vila de Ordes. Contaron coa colaboración das familias para recompilar información e tanto interese mostraron os nenos e as nenas que quixeron ver de preto todos os lugares dos que se falou. Así que, ben preparados/as, colleron rumbo ao centro de Ordes para gozar dunha maneira diferente de ver o pobo e que, sen dúbida, non esquecerán.
O alumnado de 1ºA e 1ºB de Educación Primaria aproveitou estes días de bo tempo para coñecer un pouco máis a vila de Ordes. Neste paseo puideron ver de preto todos os lugares, monumentos... que levan traballando este curso na aula dentro do proxecto "Un paseo por Ordes".
Mirade algunhas fotografías deste día:
Pasámolo xenial visitando o noso pobo!!
O día oito de maio o alumnado de 6º e o seu profesorado asistiu á actividade "Unha viaxe a tempo II" no Conservatorio Histórico de Santiago de Compostela.
A viaxe comezou en México. A profe Rita, mexicana de nacemento, dounos moita información sobre a capital, os costumes e a gastronomía mexicana. Os rapaces e as rapazas cantaron e bailaron unha pequena peza acompañados polo piano, o violonchelo e a batería do profesorado do conservatorio.
A viaxe continuou ata Nápoles, onde de novo cantamos e bailamos unha tarantela. Finalmente chegamos ata Kenia, e con ritmos africanos, bailamos e cantamos unha canción en suahili.
Durante toda a viaxe tivemos unha estupenda guía, Esther Sobral, profesora e directora do conservatorio, quen nos deu moita información sobre os lugares visitados e as semellanzas culturais, gastronómicas e musicais con outros lugares do mundo.
Rematamos a nosa viaxe do martes visitando as catro fachadas da catedral cun pequeno descanso para merendar na Praza da Quintana.
OS NENOS E AS NENAS DE 4º DE EDUCACIÓN INFANTIL FORON POR PRIMEIRA VEZ A UNHA SAÍDA DIDÁCTICA CO COLEXIO.
FORON AO CONSERVATORIO HISTÓRICO DE SANTIAGO DE COMPOSTELA E ASISTIRON A UN CONCERTO DIDÁCTICO.
PASÁRONO MOI BEN E A EXPERIENCIA FOI XENIAL!!!
AGARDAMOS REPETIR EN BREVE!!!
PDI Cursos pretéritos:
2023-2024: Castelao: A escola é boa
2022-2023. E ti.. a que xogas?
Xunta de Galicia - Consellería de Educación, 2013 | ||
