Onte mércores como era o DÍA DA FROITA fixemos unha actividade programada dentro do noso proxecto mobilidade sostible e segura, un SEMÁFORO CON FROITA . Primeiro fixemos a lista da compra :pan tostado ,untado con queixo e froita fresca. Despois cada peque fixo o seu SEMÁFORO , unha merenda saudable que lle encantou os peques e que se prepara nun minuto.
O proxecto implica unha serie de dinámicas a realizar no centro educativo para xestionar o tempo de lecer dunha maneira lúdica. Así pois o alumnado de educación primaria realiza unha serie de obradoiros para potenciar a súa saúde e maximizar a súa condición física. 
Plan Proxecta. 
O obxectivo do programa é promover modos de mobilidade sostibles e seguros para toda a sociedade adaptados ao contexto viario en que vive o alumnado. Partindo desta base quérese reintroducir a educación viaria na escola non como a aprendizaxe de normas e sinais para futuros condutores, senón cunha finalidade transformadora que cuestione os modos de mobilidade imperantes e que favoreza a participación do alumnado na elaboración de propostas de mellora que garantan a súa seguridade nos seus desprazamentos e, sobre todo, que promovan modos de mobilidade máis saudables para toda a comunidade.
