CEIP CANOSA-RUS

Estimadas familias: A Consellería de Cultura, Educación, Formación Profesioanl e Universidades publicou no DOGA nº 196, do venres 14 de outubro de 2022 a Resolución do 5 de outubro de 2022 de concesión directa da ampliación da axuda para adquirir material escolar, regulada na Orde de 29 de abril de 2022. Podedes consultar o documento completo no adxunto. Para poder retirar os vales das axudas é necesario que se persoen no colexio os pais/nais/titores dos/das alumnos/as beneficiarios/as e no caso de non poder vir ningún dos proxenitores poderán autorizar a outra persoa indicando no texto da autorización que debe entregar no centro: o nome completo, o DNI e a relación coa persoa autorizada. Os vales para material entregaranse nas horas de atención ao público de Xefatura e de Secretaría. Seguindo as instrucións da Consellería NON se emitirán duplicados dos vales e deberán ser empregados, preferentemente, antes do 1 de decembro de 2022. Un saúdo. O equipo directivo. 

Estimadas familias: Informamos de que finalmente o horario do noso colexio non cambia durante a xornada partida e seguirá a ser como nos cursos anteriores. A hora de saída será ás 16:15hs tódolos días agás os xoves que será ás 15:40hs. En caso de que se produza algún cambio seredes informadas. Este luns, 3 de outubro o horario de saída será ás 16:15hs. O resto dos días da semana tamén sairemos ás 16:15hs agás o xoves que será ás 15:40hs. Desculpade as molestias. Un saúdo. O equipo directivo. 

Estimadas familias: a partir do vindeiro luns, 3 de outubro o noso centro educativo pasará a ter a xornada partida ao igual que o curso pasado ata o 31 de maio. As clases rematarán tódolos días ás 16:15hs agás os luns que acabaremos ás 15:40hs. O cambio de horario dos luns débese a que no IES Isidro Parga Pondal as clases que durante os cursos pasados tiñan os xoves pola tarde (de aí que o xoves fose o día diferente no colexio) este curso pasarán a ser os luns. É necesario que o próximo luns esteades moi pendentes de que o primeiro día no que imos ter xornada partida xa é o día no que temos o horario distinto ao resto dos días da semana e deberedes telo en conta para a recollida do alumnado tanto no caso dos peóns como no caso dos que son usuarios de transporte. Un saúdo. O equipo directivo.  

Estimadas familias: Este venres, 9 de setembro publicouse o Curriculum de Educación Infantil que se recolle no Decreto 150/2022, do 8 de setembro, polo que se establece a ordenación e o currículo da Educación Infantil na Comunidade Autónoma de Galicia. O documento completo figura no arquivo adxunto. Un saúdo. O equipo directivo. 

Estimadas familias: A entrega de libros de Fondolibros a aquelas familias que lles corresponde ser beneficiarias do programa realizarase este mércores, día 7 de setembro de 10:30hs a 13:00hs. Aquelas familias que aínda non recolleran os cheques de axudas para libros e/ou material poderán facelo en conserxería nese mesmo tramo horario. Un saúdo. O equipo directivo.

Estimadas familias: A entrega de libros a aquelas familias ás que lles corresponde que o centro educativo lle preste os libros de texto farase tan pronto dispoñamos de todos os libros no colexio. Estamos á espera de que as editoriais proporcionen todos os libros que se mercaron pero, de momento non foi posible rematar de preparar os lotes de libros para que poidades pasar polo centro a recollelos. No momento no que teñamos todo listo para realizar a entrega, informaremos a través da páxina web o día e o horario no que se vai poder asistir ao centro para a recollida. Un saúdo. O equipo directivo. 

Estimadas familias: Este venres, 2 de setembro publicouse a Addenda á Instrucións conxunta 1/2022, da Secretaría Xeral Técnica da Consellería de Cultura, Educación, Formación Profesional e Universidades e da Dirección Xeral de Mobilidade da Consellería de Infraestruturas e Mobilidade, sobre a xestión do Servizo de transporte de escolares no curso escolar 2022-2023. Deixamos no adxunto o documento co texto íntegro. Un saúdo. O equipo directivo.