Escolares, Ed. Infantil, 1º Curso, 2º Curso, 3º Curso, 4º Curso, 5º Curso, 6º Curso, Idioma estranxeiro, Ed. Física, Ed. Musical, Complementarias, Convivencia E. Infantil
DÍA DA PAZ
"...Dende o noso colexio queremos achegar ao mundo unha mensaxe de que sabemos manter, protexer e esixir a paz entre nós. Agardamos que o mundo no que imos vivir estea formado por xente que quere e coide a paz. No noso colexio todos os días son o DÍA DA PAZ..."
Este é un cachiño do manifesto a favor da paz e en contra da violencia que leron 3 alumn@s de 3º de Ed. Primaria.
Moitas grazas a Anxo, Lethi e Daniela que deron voz ao sentir de toda a nosa comunidade.
E aquí podedes ver como quixemos que se vexa o noso berro pola PAZ e que chegue o máis lonxe e alto posible.
Logo bailamos tod@s xunt@s "Amigos para siempre" canción dos Xogos Olímpicos de Barcelona`92, un himno a amizade entre todos os continentes do mundo representados cos aros olímpicos e que enlaza co tema central deste curso.
Esta actividade estivo organizada polos equipos de Convivencia e Imaxe e Biblioteca.
O ENTROIDO OLÍMPICO
ASÍ DE BEN O PASAMOS NO NOSO ENTROIDO OLÍMPICO!
E na chocolatada e baile que viñeron despois... BO ENTROIDO!
Esta actividade estivo organizada polos equipos de Actividades Complementarias e Extraescolares, Dinamización da Lingua galega e Plástica Plurilingüe.
DÍA MUNDIAL DA EDUCACIÓN AMBIENTAL
Conmemoramos o Día Mundial da Educación Ambiental (26 de xaneiro) achegando aos nenos e nenas dos colexios os recursos necesarios para continuar avanzando na concienciación do coidado do medio ambiente.
Ao longo da semana, un técnico do Concello, Rubén, xunto ao edil de xuventude Cristian Montes, explicou á cativada diferentes formas de coidar da súa contorna. Ata aprenderon a crear unha patrulla ambiental!!
RANCHOS DE REIS
Hoxe queremos lembrar a actuación coa que rematamos o 1º trimestre organizada por Lucía, a mestra de música.
Puidemos gozar dos Ranchos de Reis, típicos da nosa zona. Neste caso, de Guláns.
Moitas grazas por vir, e por coidar e manter as nosas tradicións!
PROXECTO DE CIENCIAS DOS CURSOS 1º, 2º, 3º E 4º DE ED. PRIMARIA 1º TRIMESTRE
Neste curso 23-24 tamén quixemos unir o proxecto de centro "Os Xogos Olímpicos" co proxecto de ciencias despois de ver o ben que funcionou o curso pasado. Así que puxemos mans á obra e fixemos a temporalización de contidos relacionándoos cos Xogos Olímpicos.
Neste 1º trimestre dedicamos as Ciencias Sociais ás Leccións do Pasado.
Afondamos na Idade Antiga e en especial na civilización grega como non podía ser doutra forma, ao ser o berce dos XX OO.
Así, @s alumn@s aprenderon que o paso da Prehistoria á Idade Antiga o marca a aparición da escritura, e puideron facer un obradoiro de grego antigo no que aprenderon a escribir os seus nomes coas letras gregas. Tamén aprenderon sobre a vida e costumes da Grecia Antiga e as diferenzas do pasado co presente. Nos distintos andares dos corredores puideron obter información sobre os deportes deses Xogos Olímpicos do pasado: as carreiras de cabalos e de carros e o pentatlón. Ata probaron sorte coa súa puntería e no salto de lonxitude! Tamén tiveron que pasar unha serie de retos para descifrar o nome dun auriga (xinete) famoso: o auriga de Delfos.
Enlazamos ca arte, ao descubrir que moito do que podemos saber do pasado nolo din as fontes históricas, as estatuas, pinturas,... e así poderemos saber a importancia da súa conservación e respectalas.
En Ciencias da Natureza dedicamos o trimestre ao bloque de Materia, forzas e enerxía.
Aprendemos sobre os distintos materiais, a súa orixe, as propiedades... e fixemos experimentos usando o método científico. Para enlazalo cos Xogos Olímpicos fixémolo cos materiais que se usan nos distintos deportes e das medallas. No tema das máquinas simples e compostas as traballamos cos legos en Polos Creativos e tamén aprendemos a súa evolución co paso do tempo e as súas utilidades, identificando as que se usaban no pasado e como foron mellorando nas distintas etapas da historia.
Os nenos e nenas aprenderon moito e a aprendizaxe foi significativa e sobre todo, moi divertida!
COÑECENDO O JIU JITSU
Os pasados días tivemos a oportunidade de descubrir un novo deporte: o Jiu Jitsu!
Enlazado co noso proxecto anual de centro sobre os Xogos Olímpicos, levamos a cabo sesións desta arte marcial con todo o alumnado de primaria nas clases de Ed. Física.
Descubrimos formas de controlar a outra persoa e desfrutamos moito.
Grazas ao club Atenea Grappling pola súa axuda e polo seu tempo.
Exposición de Plástica Plurilingüe MARIETA QUESADA
No departamento de Plástica Plurilingüe de Ed. Primaria cada trimestre dedicámosllo a un artista e traballamos a súa vida e obra.
Neste 1º trimestre do curso quixemos dedicarllo a unha artista viguesa, a Marieta Quesada.
Nada nun ambiente familiar de artistas Marieta Quesada estuda Belas Artes na Facultade Santa Isabel de Hungría de Sevilla e comeza a súa andaina no mundo da pintura en Santiago de Compostela en 1980.
Aquí podedes ver algunhas das obras de arte que fixeron @s alumn@s e que amosaron na exposición dedicada a Marieta Quesada á que tamén foron invitadas as familias.
Queremos darlle as grazas por vir visitarnos!
De seguro que foi unha experiencia que @s nen@s non esquecerán!
SAÍDA 3ºEP - MUSEO DO MAR
E xa para rematar coas saídas relacionadas co Proxecto de Ciencias vencellado ao paso do tempo, que levamos a cabo nos cursos de 1º a 4ºEP, deixámosvos unhas imaxes dos nenos e nenas de 3ºEP que se achegaron ao Museo do Mar de Vigo para coñecer as diferenzas da pesca no pasado e no presente.
SAÍDA 4ºEP - MUSEO MUNICIPAL DE PONTEAREAS E CASTRO DE TROÑA
O pasado martes, o alumnado de 4ºEP visitou o Museo Municiapal de Ponteareas e o Castro de Troña.
Puideron ver como eran as vivendas e os obxectos que fabricaban os nosos antepasados castrexos. Pero non só iso, senón tamén restos de materiais propios da Prehistoria atopados na comarca do Condado!
Non podían crer que cousas da Prehisotria e da Idade Antiga, etapas que tanto traballaron neste trimestre (como parte do proxecto de Ciencias no que traballaron conxuntamente de 1º a 4º), aínda se conservan hoxe en día.
Unha mañá chea de sorpresas e aprendizaxe!
PROXECTO CIENCIAS E SAÍDA MUSEO DO MAR
No proxecto de Ciencias deste 1º trimestre no que traballamos conxuntamente os cursos dende 1º a 4º de Ed. Primaria estamos de cheo estudando o paso do tempo.
Como o estamos a enlazar co proxecto de Centro, que este curso serán OS XOGOS OLÍMPICOS, o tema central no que imos afondar é, como non podía ser doutro xeito, a IDADE ANTIGA, e en particular a civilización grega.
Pero en 1º e 2º quixemos ir máis ao pasado aínda, e fomos ao MUSEO DO MAR a lembrar a etapa da Prehistoria. Coñecemos a unha nena chamada Mariñona e o seu gran invento: a cerámica.
Tamén fomos visitar o acuario e dar un paseíño polos arredores xa que tivemos a sorte de ter un día solleiro.
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »
