Escolares, Ed. Infantil, 1º Curso, 2º Curso, 3º Curso, 4º Curso, 5º Curso, 6º Curso, Idioma estranxeiro, Ed. Física, Ed. Musical, Complementarias, Convivencia E. Infantil
GALICIENCIA 2023
Así foi a visita do noso club de ciencia NATURIÑA a #galiciencia2023 o pasado venres en Ourense.
Acompañad@s polos mestr@s Susana, Marga e Borja, os nenos e nenas pasaron unha xornada xenial aprendendo con outros escolares sobre ciencia e amosando os XOGOS TRADICIONAIS ROBOTIZADOS ao resto dos participantes.
#poloscreativos #galiciencia #mbot
PROXECTO DE MÚSICA
Na área de Música, os nenos e nenas de 3º, 4º, 5º e 6º fixeron un traballo por equipos no que tiñan que representar unha obra para os seus compañeir@s.
3º e 4º fixérona con marionetas feitas con calcetíns e 5º e 6º con sombras chinesas.
Que artistas!
POLOS CREATIVOS
Neste último mes probamos 2 novos xogos: Magsmarters e os Mbots
Co Magsmarters podemos explorar e experimentar creando diferentes figuras xeométricas coa axuda de triángulos e cuadriláteros. Séntese a forza do magnetismo e favorece á creatividade.
Mbot Bluetooth é un kit STEAM de robótica ideal para que os nen@s se inicien na robótica, programación e Scratch. Neste xogamos ao 3 en raia con eles.
Canto nos divertimos aprendendo!
CORRELINGUA 2023
NA CASA, NA ESCOLA, BOTA A LINGUA FÓRA!
Botamos a lingua fóra para reivindicar o galego co #Correlingua!
Xa temos todo preparado para a festa de hoxe en Ponteareas!
O encargado de presentala será Fran Rey e a música poñerana Mekanika Rolling Band!
FEIRA DO LIBRO 2023
Esta semana estivemos a celebrar a FEIRA DO LIBRO que organizamos con motivo do Día do Libro do pasado domingo 23 de abril. Os alumnos estiveron a intercambiar os libros que trouxeron das súas casas durante toda a semana e marcharon moi contentos coas novas adquisicións.
Para clausurar este evento, algúns profes do Conservatorio e Escola de Música de Ponteareas viñeron ofrecernos un recital de música clásica e faláronnos un pouquiño sobre os instrumentos e as pezas que tocaron. Unha alumna de 2º, Sabela, que tamén é alumna de frauta no conservatorio, xuntouse a eles para tocar unha peza.
Noraboa Sabela!
E moitas grazas aos profes do conservatorio!
Música e lectura sempre é unha boa combinación!
SEMANA DAS CIENCIAS 2023
CLUB DE CIENCIAS "NATURIÑA"
Como remate da VII Semana das Ciencias de Ponteareas, o venres pasado tivo lugar a Feira das Ciencias que, por mor da chuvia, tivemos a honra de albergar nas nosas instalacións.
O noso club de Ciencias "Naturiña" presentou as actividades nas que estivemos a traballar este curso que foron os xogos tradicionais robotizados, nas que os alumnos e alumnas aprenderon a linguaxe de programación e a manexar os Mbots, entre outras cousas.
Foi moi divertido poder compartir todos estas aprendizaxes cos demais centros de Ponteareas!
PROXECTO DE CIENCIAS
Xa temos as pilas cargadas e comezamos con moi bo ritmo...pero vos preguntaredes como nos foi no proxecto de ciencias do 2º trimestre, non si?
Pois foi...divertidísimo!
Máis aínda que no 1º trimestre que xa é dicir!
Andivemos investigando no noso planeta e as súas partes: atmosfera, hidrosfera e litosfera.
Aprendemos sobre o aire, a auga, as rochas, os minerais e as súas propiedades, as paisaxes, os climas, o relevo, fixemos moitos experimentos, fomos a Naturnova, Centro Interactivo de Educacion Ambiental para reforzar todos estes contidos e tamén aprendemos algo moi importante: como debemos coidar o noso planeta e que é o cambio climático.
Tamén investigamos sobre as máquinas e os seus tipos e ata inventamos as nosas propias! En polos creativos construímos algunhas con legos!
Aprendemos sobre a materia, a densidade, a flotabilidade, o volume, a masa, a lonxitude, os tipos de enerxía e que a enerxía non se crea nin se destrúe, só se transforma como averiguou Antoine Lavoisier.
Tamén coñecemos a algúns científicos e científicas e nos inspiramos moito neles e nelas para o noso magnífico proxecto de ciencias do 2º trimestre.
E aquí podedes ver algúns dos nosos traballos que expuxemos nos corredores do cole para que todos poidamos aprender xuntos.
Agardamos que vos guste tanto como nos gustou a nós aprender!
DÍA DO AUTISMO - 2 DE ABRIL
Hoxe celebramos no cole o Día Mundial da concienciación do Autismo
Día da concienciación do Autismo
O noso cole quere contribuír á concienciación do TEA
Fixemos distintas actividades coma ver curtas e pelis relacionadas co tema ou inchar e encher de globos azuis o centro.
Queremos dar as grazas a Carlota e á súa familia por axudarnos tanto!
#autismo #llamémosloporsunombre #TEA #autismogalicia
CHARLAS GARDA CIVIL
Dentro do Plan Director para a convivencia e mellora da seguridade nos centros educativos e os seus contornos, tanto hoxe coma mañán, un membro da Garda civil está a impartir unha serie de charlas aos de 6° de EP coas seguintes temáticas: bulllying, drogas/alcohol, ciberacoso e violencia de xénero.
A xornada de hoxe serviu para aclararlles moitas dúbidas e desbotar moitos bulos que hai arredor destes temas.
#gardacivil #plandirector
50 ANIVERSARIO PABLO PICASSO
Xa temos lista a exposición do 2º trimestre feita polo alumnado de Ed. Primaria na área de Plástica Plurilingüe!
Este trimestre dedicámoslla a, nada máis e nada menos, que ao xenio do cubismo Pablo Picasso.
Este vindeiro 8 de abril conmemórase o 50 aniversario do seu falecemento e quixemos achegar a súa vida e obra aos nenos e nenas cunha divertida actividade ideada por Noelia Martín. @micolealdiainsta #micolealdiainsta #rollthediceanddraw #PabloPicasso #50aniversariopablopicasso
Sodes uns artistas!
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- …
- seguinte ›
- última »
