CLASES DE XARDINERÍA NO COLEXIO DE ABELENDO

O alumnado do C.E.I.P. de Abelendo recibe, por ciclos, clases de xardineria no seu patio de recreo.

(Redacción 2º Ciclo de E.P.).- O pasado venres, 25 de xaneiro,  os alumnos e alumnas do Colexio de Abelendo-Moaña saíron por Ciclos ao patio de recreo para recibir clases de xardinería a cargo dun pai dunha alumna do centro.

As clases centráronse na poda de árbores e arbustos, pero tamén se puideron observar diferentes tipos de reprodución das plantas coma o esquexe e o acodo.

A actividade feita dentro da programación de VOZ NATURA - 2.008, foi todo un éxito. Os nenos e nenas fixeron moitas preguntas e disfrutaron dunha clase diferente.