CELEBRACIÓN DO DÍA DA NON VIOLENCIA E PAZ
O pasado xoves día 28 de xaneiro xuntámonos todos e todas para levar a cabo o acto de conmemoración do DÍA DA NON VIOLENCIA E PAZ.
Este acto tivo lugar no auditorio do colexio.
Previamente, toda a semana, nas distintas aulas fixéronse diversos traballos e actividades en relación a dita conmemoración.
Desde o Departamento de Orientación organizouse unha actividade co alumnado do PFB que consistiu en que explicaran que era para eles a paz, froito desas explicacións saiu este vídeo tan emotivo.
Cada aula estivo traballando en dúas actividades que consistiron, por un lado en decorar unha pomba para logo facer un mural colectivo e por outra banda, decoraron un paraugas transparente con distintas palabras relacionadas coa paz: AMOR, AXUDA, AGARIMO, RESPETO, APERTA, COMPARTIR, EQUIDADE,TOLERANCIA, AMIZADE, FELICIDADE E ESCOITAR.
O mural colectivo estívose facendo no auditorio e os paraugas colgaronse no hall da entrada do cole.
Na presentación podedes ver como transcurriu o acto e as outras actividades que fixemos.
Yerai e Sofía leron un manifesto que previamente adaptamos con pictogramas e as voces deles.
Sofía estivo cantando a canción de PAZ PAZ PAZ de Juanes.
E para rematar estivemos todos xuntos cantando e bailando ata a hora de comer...porque...
"A PAZ COMEZA E COMEZARÁ SEMPRE CUN SORRISO"
