As mil caras de Joao: PRAXIAS
Unha das actividades que mais se fan nas aulas de audición e linguaxe son as praxias pero...
Que son as praxias?
As praxias son movementos que realizamos ca lingua, labios, mandíbula e outros músculos pretos á boca. O seu dominio permítenos levar a cabo unha articulación correcta dos diferentes sons e favorecer o entendemento da fala, así como outras tarefas importantes como poden ser o sopro ou a alimentación.
De aí a importancia da súa práctica. As veces as facemos de forma xeral para mellorar a mobilidade dos órganos implicados na fala favorecendo así unha maior intelixibilidade da linguaxe oral do noso alumno.
Outras veces buscamos exercitar o necesario para lograr a mastigación e a deglución antes de pasar o paso da fala.
Ou buscamos exercicios concretos para obxectivos concretos como podería ser o peche da boca a través do traballo mandibular.
O importante é adaptarnos a cada alumno e ofrecerlle os exercicios adecuados.
Aquí vos deixo algunhas das praxias que fago co meu alumno Joao. Un verdadeiro experto en poñer mil caras e mais.
