Asesoría de bibliotecas escolares


A Asesoría de Bibliotecas Escolares é o equipo integrado na Dirección Xeral de Ordenación e Innovación Educativa da Consellería de Cultura, Educación, Formación Profesional e Universidades, que coordina todas as actuacións en materia de bibliotecas escolares e fomento da lectura integradas no Plan LÍA de Bibliotecas Escolares.

 

 

Redes sociais: @bescolaresgal 

Pode contactar coa Asesoría de Bibliotecas Escolares a través de:

ASESORÍAS DE ZONA

 

ASESORÍAS SERVIZOS CENTRAIS

 

María Pousa Rodríguez

Coordinadora da asesoría de bibliotecas escolares. Asesora de bibliotecas escolares zona A Coruña

Enderezo: CFR da Coruña. Rúa da Educación, 3, 2º Planta (Edificio U.N.E.D.), 15011 A Coruña (A Coruña) 

Teléfono: 981 274 221 

Correo electrónico: abe.coruna@edu.xunta.gal

Alexandra Cabana Outeiro

Asesora de bibliotecas escolares zona Lugo
Xestión documental Koha, Meiga

Enderezo: CFR de Lugo. Rúa Doutor Yañez Rebolo, 31 27004 Lugo (Lugo)

Teléfono: 982 251 068

Correo electrónico: abe.lugo@edu.xunta.gal 

Dolores Delfina Nieto Campos

Asesora de bibliotecas escolares zona Ourense 

Enderezo: CFR de Ourense. Avenida da Universidade, 18 32005 Ourense (Ourense)

Teléfono: 988 241 533

Correo electrónico: abe.ourense@edu.xunta.gal 

Asun Carballo Rodríguez 

Asesora de bibliotecas escolares zona Pontevedra
Plataforma de préstamo dixital E-LBE.2

Enderezo: CFR de Vigo. Rúa Rocío, 72, Coia 36208 Vigo (Pontevedra) 

Teléfono: 986 202 370 

Correo electrónico: abe.pontevedra@edu.xunta.gal 

Enderezo: Xunta de Galicia, Edificio Administrativo San Caetano, Rúa de San Caetano s/n, 15704 Santiago de Compostela

Correo electrónico: asesoria.bibliotecas@edu.xunta.gal

Eva Cancio Rascado  

Asesora de bibliotecas escolares servizos centrais
Xestión documental Koha, Meiga
Plataforma de préstamo dixital E-LBE.2

Teléfono: 981 546 547 

Hilda Cuba Cabana 

Asesora de bibliotecas escolares-TIC servizos centrais
Soporte aplicación ProgramasBibliotecas

Teléfono: 881 997 562 

Eva García Sexto 

Asesora de bibliotecas escolares servizos centrais 

Teléfono: 881 997 637 

María Neira Cerdeira  

Asesora de bibliotecas escolares servizos centrais 

Teléfono: 881 997 330 

Montserrat Penelas-Cortés Bellas

Asesora de bibliotecas escolares-xestión servizos centrais
Libros que van e veñen (bolsas e mochilas)
Maletas viaxeiras 

Teléfono: 881 996 555

 

Resolución provisional de centros seleccionados na convocatoria do programa Biblioteca Creativa para o curso 2024/25

 

 
 
 
O Portal Educativo vén de publicar a Resolución provisional de centros seleccionados na convocatoria do programa Biblioteca Creativa nas modalidades de nova incorporación e de continuidade.
 
 
Abrirase un prazo de 5 días hábiles, contados a partir do día seguinte ao da publicación, para realizar reclamacións ou renuncias.
 
 

Día das Escritoras 2024

 
 
 
O Día das Escritoras é unha iniciativa  organizada entre a Biblioteca Nacional de España, a Federación Española de Mujeres Directivas e Executivas Profesionais e Empresarias (FEDEPE) e a Asociación Clásicas e Modernas, asociación para a igualdade de mulleres e homes na Cultura. Ademais, contará coa colaboración de Asociación Colexial de Escritores (ACE) e o Centro Español de Dereitos Reprográficos (CEDRO). Desde 2016 búscase reivindicar o labor e o legado das escritoras a través da historia.
 
Como en edicións anteriores, a data elexida é o luns máis cercano á festividade de Teresa de Jesús, o 15 de outubro. A IX Edición celébrase este ano 2024  o 14 de outubro baixo o lema " A periferia da periferia: Mulleres que miraton ao mundo rural".
 
"Por iso o próximo 14 de outubro acordarémonos de marabillosas escritoras, poetas e pensadoras como Concha Espiña, Santa Teresa, Dolores Medio, Mariluz Escribano, Margarita Nelken, Rosalía de Castro, María Zambrano, Gabriela Mistral ou Ernestina de Champourcin. Pero tamén das que non puideron selo. Pois elas e non outras son as que mantiveron e manteñen vivo ese mundo rural e a súa cultura, ese campo, esa periferia á que, en xeral, miramos pouco e mal".
Ana Iris Simón, comisaria da IX Edición do Día das Escritoras 2024
 
Desde as bibliotecas escolares propomos que se visibilice a obra das escritoras galegas, ben a través dunha exposición, ben lendo fragmentos nunha maratón literaria ou mesmo nos clubs de lectura ou a través de actividades de investigación, exploración ou creación...
 
Animamos a toda a comunidade educativa a participar nesta actividade que visbilizaremos a través desta páxina e nas redes sociais. #bescolaresgal #bescolaresgalabertas #DíaDasEscritoras 
 
Actividades nas bibliotecas escolares de Galicia:
 

Resolución provisional dos centros admitidos na convocatoria do programa Radio na Biblio para o curso 2024/25

 

 
 
 
 
O Portal Educativo vén de publicar a Resolución provisional de centros admitidos na convocatoria do programa Radio na Biblio nas modalidades de nova incorporación e de continuidade. 
 
 
Abrirase un prazo de 5 días hábiles, contados a partir do día seguinte ao da publicación, para realizar reclamacións ou renuncia.
 
 
 
 

Convocatoria do programa Lectura e Familias para o curso 2024/25

 

 
 
 
 
 
 
O Portal Educativo vén de publicar a Resolución do 16 de xullo de 2024  da Dirección Xeral de Ordenación e Innovación Educativa pola que se convoca a participación no programa Lectura e Familias, no contexto do Plan LÍA de Bibliotecas Escolares (Lectura, Información e Aprendizaxe), para promover a lectura e o uso responsable da información entre os distintos sectores da comunidade educativa, en centros públicos de titularidade da Consellería de Educación, Ciencia, Universidades e Formación Profesional que acollan ensinanzas de educación infantil, primaria, educación especial, secundaria, bacharelato e formación profesional, tanto en réxime ordinario como de Aprendizaxe Permanente, ou Ensinanzas Artísticas, Idiomas e Deportivas, integrados no Plan de mellora de bibliotecas escolares, para o curso 2024/25.
 
 
O prazo de presentación de solicitudes, será de quince días naturais a partir do día seguinte ao da publicación da presente convocatoria no portal educativo. 
 
 

Convocatoria do programa Biblioteca Creativa para o curso 2024/25

 

 
 
 
 
 
 
 
O Portal educativo vén de publicar  a Resolución do 16 de xullo de 2024 da Dirección Xeral de Ordenación e Innovación Educativa pola que se convoca a participación no proxecto de Biblioteca Creativa, no contexto do Plan LÍA de Bibliotecas Escolares (Lectura, Información e Aprendizaxe) para apoiar a cultura da experimentación, a creación e a investigación, en espazos creativos e cooperativos no seo das bibliotecas escolares dos centros públicos de titularidade da Consellería de Educación, Ciencia, Universidades e Formación Profesional, que acollan ensinanzas de educación infantil e primaria, integrados no Plan de mellora de bibliotecas escolares, para curso 2024/25.
 
O prazo de presentación de solicitudes, será de quince días naturais a partir do día seguinte ao da publicación da presente convocatoria no portal
educativo. 
 
 
 
 

Convocatoria do programa Radio na biblio para o curso 2024/25

 
 
O Portal Educativo vén de publicar a Resolución do 7 de agosto de 2024 da Dirección Xeral de Ordenación e Innovación Educativa, no contexto do PLAN LÍA de Bibliotecas Escolares (Lectura, Información e Aprendizaxe), pola que se convoca a participación no proxecto Radio na Biblio, para a introdución da radio nas bibliotecas escolares dos centros públicos de titularidade da Consellería de Educación, Ciencia, Universidades e Formación Profesional, que acollan ensinanzas de educación infantil, educación primaria, educación secundaria obrigatoria, bacharelato e formación profesional, tanto en réxime ordinario como de Aprendizaxe Permanente, ou Ensinanzas Artísticas, Idiomas e Deportivas, integrados no Plan de mellora de bibliotecas escolares, para o curso 2024/25.
 
O prazo de presentación de solicitudes, será de quince días naturais a partir do día seguinte ao da publicación da presente convocatoria no portal educativo.
 
 

Biblioteca escolar, a escena!

 
 
 
PENÉLOPE
DECLARA o oráculo:

   «QUE á banda do solpor é mar de mortos,
   incerta, última luz, non terás medo.

   QUE ramos de loureiro erguen rapazas.
   QUE cor malva se decide o acio.

   QUE acades disas patrias a vindima.
   QUE amaine o vento, beberás o viño.

   QUE sereas sen voz a vela embaten.
   QUE un sumario de xerfa polos cons.”

Así falou Penélope:

   “Existe a maxia e pode ser de todos.
   ¿A que tanto novelo e tanta historia?

   EU TAMÉN NAVEGAR.»
 
Torres, Xohana (1992). Tempo de ría. Espiral Maior
 
 
O cartaz que acompañará as bibliotecas escolares de Galicia neste curso  "Representa unha obra teatral do poema de Xohana Torres "Eu tamén navegar", no que Penélope (da Odisea) deixa o tapiz que traballa e desfai e sae a vivir aventuras. Despois ao regreso remata o tapiz engadíndolle novos elementos da súa viaxe (o tapiz que hai detrás da nena que está a leer a obra teatral)" segundo indica a súa autora, a ilustradora e muralista Xoana Almar. 
 
Unha imaxe enraizada no cartelismo galego que abre as portas a traballar o teatro en todas as súas variantes. As nosas bibliotecas escolares saen a escena para ler, interpretar, radiar, escribir e gozar co TEATRO.

Resolución provisional do Plan de mellora de bibliotecas escolares para o curso 2024/25

 

 
 
 
 
O Portal Educativo vén de publicar a Resolución provisional da Dirección Xeral de Ordenación e Innovación Educativa, coa relación dos centros seleccionados na modalidade de nova incorporación que se integran no Plan de mellora de bibliotecas escolares neste curso, así como as asignacións económicas correspondentes.
 
 
 
Ábrese un prazo de cinco días naturais, a partir do día seguinte ao da publicación, para efectuar reclamacións ou renuncias.
 
 
 
 

Plan de Lectura e Plan de Biblioteca

 

 

 

 

Achégase un cadro resumo do Plan de Lectura, Plan Anual de Lectura e Plan de Biblioteca; no que se indica en que documentación do centro deben estar recollidos, que persoas son as responsables da súa elaboración, cal é a finalidade de cada un e que actuacións deben contemplar. Este documento parte das Instrucións de inicio de curso da Dirección Xeral de Ordenación e Innovación Educativa.

 

 

 

 

Instrucións para o desenvolvemento da organización e o funcionamento das bibliotecas escolares no curso 2024/25

 
 
 
O Portal Educativo vén de publicar a Resolución do 2 de setembro de 2024, da Dirección Xeral de Ordenación e Innovación Educativa, pola que se ditan instrucións para o desenvolvemento da organización e o funcionamento das bibliotecas escolares nos centros docentes universitarios, de titularidade da Consellería de Educación, Ciencia, Universidades e Formación Profesional no curso académico 2024/25.
 

Novos artigos sobre bibliotecas escolares na Revista EDUGA de xuño de 2024

 
 
A Consellería de Educación, Ciencia, Universidades e Formación Profesional vén de facer público o novo número da Revista Galega do Ensino (EDUGA), que conta cunha sección fixa de Bibliotecas Escolares. Neste número 87 de xuño de 2024 pubícanse un total de oito artigos, nas tres sub-seccións: Biblioteca escolar, Boas prácticas e Hora de ler. Nestes artigos, atopamos reflexións e actividades sobre o programa Radio na biblio, a mediación lectora, a creación de redes entre as bibliotecas escolares, a biblioteca inclusiva e solidaria e os novos Plans de Lectura e Biblioteca.
 
Lecturas sobre as que reflexionar e nas que afondar nos días de descanso que se achegan. 
 
 

 

As bibliotecas escolares galegas teñen plan, compás e bitácora.

A propósito do Plan de Lectura e o Plan de Biblioteca.

Francisco César Díaz Rey

Asesoría de bibliotecas escolares 

 

 

 I Encontro Letras na Praza

Como festexar o Día do Libro de xeito inclusivo, colaborativo e dinámico, nunha xornada aberta ás comunidades da contorna e ás veciñanzas.

Rafael Sánchez-Agustino e Cristina Campos 

CEIP A Lama (A Lama-Pontevedra) 

 

 A microrrede das bibliotecas escolares da Terra Chá.

Unha proposta, unhas orientacións e unha posta en marcha con visión de futuro.

Andrea Betinelli (Ceip P. Virxe do Corpiño), Melani Coedo (CEIP P. Virxe do Monte) e Alexandra Cabana (IES da Terra Chá)

 

 

 

Scherzo-rap.

O poodcast do CMUS Profesional de Vigo.

Susana Pérez, Belén Ferreiro e Rebeca Carrera

CMUS Profesional de Vigo (Vigo-Pontevedra) 

 

 

 Mediación lectora no CIFP Compostela.

Exemplos de boas prácticas. Club de lectura Caldo de Gloria. Tres anos de historia

Mercedes Teijeiro Gato

CIFP Compostela (Santiago de Compostela-A Coruña) 

 

A nosa biblioteca: espazo soñado para todos e todas.

Construír e entender a bilioteca como un espazo seguro e inclusivo.

Carmen Mª Baldomir, Manuela Becerra, Ana Mª Brandón e Verónica Rodríguez

CEIP Xesús San Luís Romero (Carballo-A Coruña) 

 

 

Convivindo en comunidade.

Biblioteca Escolar Solidaria.

Purificación Moure

CEIP P. Seis do Nadal (Vigo-Pontevedra) 

 

 Un club de lectura de conto!

Que non é o mesmo ca un conto de club.

Mª Pilar iglesias, José Manuel Rego e Norberto Blanco

CEIP P. Mnauel Sueiro (Ourense) 

Lecturas que cantan para nós

 
 
 
O río pasa correndo,
non se para con ninguén.
O río canta prás cousas
e canta pra min tamén. 
 
María, Manuel. Os soños na gaiola. Fundación Manuel María 2015
 
Chega o tempo de verán e as bibliotecas escolares de Galicia preparan as súas recomendacións lectoras e os seus préstamos para espazos de lecer.
Lecturas que cantan para nós, que non deixaremos pasar e habitarán as nosas xeografías lectoras.
 
Imaxe do refuxio de Verdes (Coristanco-A Coruña)
 
Seleccións das bibliotecas escolares de Galicia:
 

Convocatoria do programa Clubs de lectura - centros públicos. Curso 2024/2025

 

 
 
 
 
 
O Portal educativo vén de publicar a Resolución do 12 do xuño de 2024 da Dirección Xeral de Ordenación e Innovación Educativa, dentro das actuacións para o fomento da lectura no ámbito educativo, no contexto do Plan LIA de Bibliotecas Escolares (Lectura, Información e Aprendizaxe), pola que se incentiva  o funcionamento de CLUBS DE LECTURA en centros públicos de titularidade da Consellería de Educación, Ciencia, Universidades e Formación Profesional, que acollan ensinanzas de educación primaria, secundaria, bacharelato, formación profesional, tanto en réxime ordinario como de Aprendizaxe Permanente, ou Ensinanzas Artísticas, Idiomas e Deportivas, durante o curso 2024/25.
 
 
O prazo de presentación de solicitudes  rematará o  día 4 de outubro de 2024. 
 
 

Convocatoria do Plan de mellora de bibliotecas escolares - centros públicos. Curso 2024/2025

 
 
O Portal educativa vén de publicar a Resolución do 10 de xuño de 2024 da Dirección xeral de Ordenación e Innovación Educativa pola que se convoca o Plan de mellora de bibliotecas escolares en centros públicos non universitarios de titularidade da Consellería de  Educación, Ciencia, Universidades e Formación Profesional para o curso 2024/25.
 
O prazo de presentación de solicitudes  finalizará o día 18 de xullo de 2024. 
 

Bibliotecas Escolares Solidarias 2023/2024

 
 
 
O Portal Educativo vén de publicar a Resolución de 5 de xuño de 2024, da Dirección Xeral de Ordenación e Innovación Educativa, pola que se resolven dúas das iniciativas integradas no programa "Bibliotecas Escolares Solidarias"do curso 2023/2024.
 
Concédense os Selos "Biblioteca Escolar Solidaria" aos 5 centros educativos que se detallan, unha vez valoradas as candidaturas presentadas.
 
Así mesmo, selecciónanse 10 experiencias do total do total das 89 memorias presentadas polos centros adheridos á iniciativa "Voluntariado de Primaria", destinada ao alumnado de  5º e 6º de primaria, no curso 2023/2024.
 
Esta é unha iniciativa integrada no Plan LIA 2021/2025 de bibliotecas escolares, da Consellería de  Educación, Ciencia, Universidades e Formación Profesional   (Dirección Xeral de Ordenación e Innovación Educativa) en colaboración coa Consellería de Cultura, Lingua e Xuventudel, a través da Dirección Xeral de Xuventude.
 

Letras galegas todo o ano nas bibliotecas escolares, en maio tamén.

 
 
 
SAIAMOS do ruído para a páxina en branco

coas máns ainda lixadas de substáncia

tras un traballo mudo ou unha carexa,

o xesto e o resíduo dunha sombra que danza,

a matéria mesma do espácio en animal produción,

o que me une e te une nun eco ás espaldas.
 
Villalta, Luísa. Ruído. Espiral Maior 1995
 
Achégase o día grande das Letras Galegas e as bibliotecas escolares, neste ano 2024, incorporan a figura da intelectual, escritora, activista política, cultural e medioambiental, articulista, tradutora, profesora, filóloga e violinista Luísa Villalta.
 
Imaxe da biblioteca do IES Arcebispo Xelmirez I (Santiago de Compostela - A Coruña)
 
Velaquí algúns exemplos de actividades nas bibliotecas escolares galegas nestes días de maio de 2024:  
 

Resolución do VI Concurso de Podcasts - Radio na biblio

 

 
 
 
 
 
 O Portal educativo publica a resolución de 14 de maio de 2024, da Dirección Xeral de Ordenación e Innovación Educativa, relativa á convocatoria do VI Concurso de Podcasts - Radio na biblio en colaboración coa CRTVG (Radio Galega). A convocatoria estaba destinada a centros públicos non universitarios de titularidade da Consellería de Educación, Ciencia, Universidades e Formación Profesional que traballan a radio como ferramenta pedagóxica, integrados ou non no programa Radio na biblio. Esta proposta está vinculada á celebración do Día das Letras Galegas,  dedicado este ano á intelectual, escritora, activista política, cultural e medioambiental, articulista, tradutora, profesora, filóloga e violinista Luísa Villalta; polo que as temáticas dos podcasts, nas oito modalidades, tratan sobre aspectos bio-bibliográficos da autora homenaxeada, especialmente aqueles vinculados á lingua materna, a estimulación da lectura da poesía, o mundo da edición e da tradución, o activismo cultural e medioambiental nos anos 90 a relación entre literatura e música e a muller na literatura galega ou as mulleres nas Letras Galegas.
 
 
Os podcasts seleccionados serán difundidos na páxina web da Radio Galega e na plataforma dixital A Galega Audio https://agalegaaudio.gal/ . Así mesmo, recibirán difusión a través dos medios web da Consellería de Educación, Ciencia, Universidades e Formación Profesional (Bibliotecas Escolares de Galicia e outros).
 
 

XVI Xornada dos Clubs de Lectura

 
 
 
O vindeiro 14 de maio, celebrarase no Edificio Fontán da Cidade da Cultura, en Santiago de Compostela, a reunión anual do profesorado que coordina os clubs de lectura dos centros que participan no programa de CLUBS DE LECTURA, da Consellería de Educación, Ciencia, Universidades e Formación Profesional. Neste curso 2023/2024 recibiron asignación, a través da convocatoria do programa, un total de 489 centros que matriculan alumnado de Educación Primaria, ESO, BAC, FP, Ensinanzas de Persoas Adultas, e Ensinanzas de réxime especial (Conservatorios e Escolas de idiomas). Esta XVI Xornada dos Clubs de Lectura reunirá así a preto de 500 persoas, entre participantes, relatores e persoas asesoras de formación do profesorado. 
 
Entregarase, así mesmo, o Premio dos Clubs de Lectura 2024, que desta vez recaeu na escritora Arantza Portabales por ser a autora galega máis lida nos clubs de lectura no curso 2022/2023, tal e como se recolle na Resolución do 19 de abril de 2024, que explica as particularidades deste premio, que xa recibiron Agustín Fernández Paz, Ledicia Costas, Miguelanxo Prado, Carlos Negro, María Reimóndez, Andrea Maceiras, Eva Mejuto, Antía Yáñez e Manuel Núñez Singala.
 
O programa contempla así mesmo a intervención (por vídeoconferencia)  da antropóloga e investigadora Michèle Petit acompañada pola profesora da USC Montse Pena Presas, da experta en Lectura Fácil Laia Vidal, sesións simultáneas coa experiencia de oito centros integrados no programa, un obradoiro de teatro a cargo de Artur Trillo, un obradoiro de poesía con Rosalía Fernández Rial, unha charla sobre a construción de paseos literarios con Ócar Senra e unha ollada arredor do cómic con Pío Barreiro e Xaime Lis. Pechará a xornada a autora de banda deseñada Julia Lago.
 

Arredor do Libro e a Lectura nas Bibliotecas Escolares de Galicia

 
 
 
O mes de abril pon en valor o traballo feito , ao longo do ano, arredor do libro e a lectura nas bibliotecas escolares de Galicia. 
 
Imaxe do I Encontro Letras na Praza celebrado polo  CEIP A Lama, CEIP Doutor Suárez e CEIP Plurilingüe de Carballedo.
 
Velaquí algúns exemplos:
 

Premio dos Clubs de Lectura 2024 para Arantza Portabales

 

 

 

 

 

 

Co gallo da celebración do Día do Libro 2024, publícase a Resolución do 19 de abril de 2024 da Dirección Xeral de Ordenación e Innovación Educativa,  pola que se recoñece á escritora Arantza Portabales co Premio dos Clubs de Lectura 2024, que se concede anualmente ao autor ou autora galega máis lida, segundo as bases do premio,  polos clubs de lectura participantes na convocatoria de Clubs de Lectura durante o curso precedente 2022/23.

 

No ano 2015 creouse este premio co obxecto de recoñecer cada ano a aqueles autores e autoras que, cos seus libros, axudan á construción de lectoras e lectores nestas etapas da adolescencia e a mocidade que, no ámbito da lectura, están consideradas como etapas de risco de abandono, ao ampliarse o abano de estímulos e intereses. Desde o curso pasado, contribúe a este recoñecemento o alumnado dos clubs de lectura da educación primaria. Uns creadores comprometidos coa lingua que achegan a materia prima coa que os clubs de lectura poden contribuír á extensión da lectura en galego. Na resolución de creación do premio contemplábase que “o Premio dos Clubs de Lectura poderá entregarse unha soa vez a un autor ou autora. No caso de que o primeiro creador da relación resultante nun curso xa tivese recibido o premio, este seralle concedido ao autor ou autora seguinte na relación”.   Até o momento recibiron este galardón os escritores Agustín Fernández Paz (2015), Ledicia Costas (2016), Miguelanxo Prado (2017), Carlos Negro(2018), María Reimóndez (2019), Andrea Maceiras (2020), Eva Mejuto (2021), Antía Yáñez (2022) e Manuel Núñez Singala (2023).

 

Arantza Portabales é unha das autoras máis seguida polo lectorado dos clubs de lectura. Tres dos seus títulos están entre os 50 máis lidos no curso 202/23: Beleza vermella, O home que matou a Antía Morgade e A vida secreta de Úrsula Bas.

 

 

 

Convocado o X Concurso de Traballo por Proxectos

 
 
 
O Portal Educativo publica  a Resolucióna da Dirección Xeral de Ordenación e Innovación Educativa, do 19 de abril de 2024, pola que se convoca, no contexto do PLAN LÍA de Bibliotecas Escolares (Lectura, Información e Aprendizaxe),  o X CONCURSO DE TRABALLO POR PROXECTOS, vinculados ou apoiados pola biblioteca escolar, en centros públicos non universitarios de titularidade da Consellería de  Educación,Ciencia, Formación Profesional e Universidades, para traballos realizados durante o curso 2023/2024.
 
 
 
As modalidades nas que se pode participar son as seguintes: 
 
 
1. Proxectos de carácter interdisciplinario, ou Proxectos Documentais Integrados, coordinados desde a biblioteca escolar, e que conten coa participación dun mínimo do 40% dos grupos-aula existentes no centro (e un 40% dos departamentos, no caso dos centros de ensinanza secundaria).
 
 
2. Proxectos de investigación dirixidos por profesorado dun grupo/nivel.
 
 
3. Proxectos de investigación dirixidos por profesorado para  grupos internivelaesr ou departamento.
 
 
4. Proxectos de investigación intercentros, promovidos desde as bibliotecas de ata un máximo de tres centros de ensino co fin de desenvolver un proxecto común. 
 
 
  O prazo de presentación dos traballos remata o 15 de xullo de 2024.
 
 

Día do Libro infantil 2024

 
 
Sobre as alas, os contos viaxan. Desexando sentir o latexo do teu corazón.
 
 
Son o Conto Viaxeiro. Vou voando a calquera sitio.

Ás veces vou nas alas do vento. Outras, nas alas das ondas.

E outras nas aliñas dun gran de area.

Por suposto, tamén subo nas alas das aves migratorias.

E, de cando en vez, incluso nas dos avións.

Despois, sento ao teu carón, abro as miñas páxinas e cóntoche a historia que queiras.

Quizais unha historia fantástica?

Ou prefires unha historia triste? De medo?

Unha para rir ás gargalladas?

E se polo de agora non queres escoitar ningunha, non pasa nada.

Seguro que algunha vez terás ganas. Daquela, chámasme. Non tes máis que dicir:
«Conto Viaxeiro, ven aquí!», e irei voando ao teu lado. 
 
 
Como en anos anteriores, o IBBY (International board on books for young people) chama á conmemoración do Día do Libro Infantil o 2 de abril, data de nacemento de Hans Christian Andersen. O obxectivo é promocionar os bos libros infantís e xuvenís e a lectura entre os máis novos. 
 
A sección patrocinadora deste ano é Xapón que difunde a mensaxe de Eiko Kadono e o cartel de Nana Furiya co lema "Navega polos mares coas alas da túa imaxinación".
 
GÁLIX, Asociación do Libro Infantil e Xuvenil, facilítanos a tradución ao galego de Mercedes Pacheco.
 

VI Concurso de Podcasts - Radio na biblio

 

 
 
 
 
 
O Portal Educativo publica a convocatoria do VI Concurso de Podcasts - Radio na Biblio. A Dirección Xeral de Innovación e Ordenación Educativa fai publica a Resolución de 22 de marzo de 2024 pola que se convoca o VI  Concurso de Podcasts - Radio na Biblio en colaboración coa Radio Galega (CRTVG). Poderán participar os centros públicos non universitarios de titularidade da Consellería de Cultura, Educación, Formación Profesional  e Universidades , integrados ou non no programa Radio na Biblio. Esta proposta está vinculada á celebración do Día das Letras Galegas 2024, dedicado este ano á intelectual, escritora, activista política, cultural e medioambiental, articulista, tradutora, profesora, filóloga e violinista Luísa Villalta; polo que as temáticas dos podcasts, nas oito modalidades previstas, deberán tratar sobre aspectos bio-bibliográficos da autora homenaxeada, especialmente aqueles vinculados á lingua materna, a estimulación da lectura da poesía, o mundo da edición e da tradución, o activismo cultural e medioambiental nos anos 90 a relación entre literatura e música e a muller na literatura galega ou as mulleres nas Letras Galegas.
 
O prazo de presentación remata o 15 de abril de 2024.
 

17M: Unha biblioteca escolar en Viñetas

 
 
 
O Día do Cómic e do Tebeo é unha celebración  que pretende recoñecer o valor do cómic e do cómic, o peso da súa historia e a súa importancia no contexto actual, a súa diversidade, creatividade e calidade.
 
No curso 2023/24 as bibliotecas escolares de Galicia teñen como lema UNHA BIBLIOTECA ESCOLAR EN VIÑETAS, que quere poñer o foco en todas as posibilidades que a a banda deseñada ofrece tanto no goce lector como na aprendizaxe curricular.
 
Un curso para poñer en valor un xénero que cada vez adquire máis protagonismo na colección das bibliotecas escolares de Galicia. Para seguir concienciando que ler cómic tamén é ler, que favorece a primeira alfabetización e autonomía lectora grazas ao apoio visual. Que nos ofrece diferentes capas de lectura na que todos e todas atopamos un espazo ao tempo que favorece a alfabetización visual e artística e o desenvolvemeto da creatividade e a imaxinación. 
 
Actividades nas bibliotecas escolares de Galicia: 
 
123456789…seguinte ›última »