G2103014 Roteiro polos espazos vitais e literarios de Xela Arias

Algúns lugares están intimamente ligados aos artistas que os habitaron. É o caso de Vigo e de  Xela Arias, poeta, tradutora, editora e mestra.

Nos poemas de  Xela Arias latexa a cidade e o mar, sobre todo, de Vigo. Denuncia  do Equilibrio [1986, finalista ao Premio Losada Diéguez] é o primeiro poemario urbano que se escribe en Galicia.
O mar, as rúas, as follas das árbores, os cabalos, o ceo... entrecrúzanse nuns versos  indómitos cuxo obxectivo é crear unha nova sintaxe que supón un canto á liberdade.

Pouco despois de nacer en Lugo en 1962, Xela Arias mudouse xunto á súa familia a Vigo, onde residiu ata o seu falecemento aos 41 anos. Da man do estudoso Manuel Bragado percorreremos as principais localizacións vitais e literarias polas que transcorre a vida de Xela Arias. IES Castelao, CIP Sárdoma-Moledo, IES Álvaro Cunqueiro, Castrelos, pub coma o Krenmin (Coruxo), Alma Pub (Poboadores), De catro a catro, García Barbón... serán algúns dos espazos polos que nos moveremos.

Data de realización: 25 de setembro

Horario: de 10:00 a 14:00h e de 16:00 a 24:00h

Relator: Manuel Bragado

Código en fprofe: S2103014

Para máis información preme  aquí