Skip to Content

Complementarias

III Concurso de Fotografía Matemática IES Sofía Casanova

Lun, 31/01/2022 - 04:43

    O Departamento de Matemáticas convoca o III Concurso de Fotografía Matemática IES Sofía Casanova convidando a toda comunidade educativa do centro a participar.     Este curso abrese o prazo de participación xa nesta 2ª avaliación, polo que esperamos unha maior participación incluso que nos anos anteriores. 

    Achéganse aquí as bases, bases que estarán tamén á vosa disposición nos orrespondentes cursos de Matemáticas da Aula Virtual

  

II Concurso de Fotografía Convivencia e Igualdade IES Sofía Casanova

Lun, 31/01/2022 - 04:36
   

     O Departamento de Orientación convoca o 2º Concurso de Fotografía Convivencia e Igualdade IES Sofía Casanova convidando a todo o alumnado do centro e resto da comunidade educativa a participar.

    Esperamos que o concurso volva ter a acollida do curso pasado. Achéganse aquí as bases, bases que teredes tamén dispoñibles no Departamento de Orientación. Tamén podedes preguntarlle aos titores.

O alumnado de 2ºBach participa no DÍA DA ENXEÑARÍA

Lun, 24/01/2022 - 05:45
   

     O xoves 20 de xaneiro, o alumnado de 2º BAC da materia de TECNOLOXÍA INDUSTRIAL II asisteu o "Día da Enxeñaría" na Escola Politécnia de Enxeñeiros de Ferrol no barrio de Esteiro.

   Recibiron unha visita guiada por distintos laboratorios como Robótica, Mecánica, Automatismos e control, Electrónica, etc e poideron ver de primeira man algúns dos proxectos de investigación nos que traballa a escola de Ferrol.

Visita do alumnado de 2º de ESO do IES Sofía Casanova ao CIS

Mar, 11/01/2022 - 10:30
   

   56 alumnos de 2ºESO, acompañados polas profesoras de tecnoloxía, participaron no obradoiro ”Taller D’ tec - Mundos virtuais” desenrolado no CIS (Centro de Innovación e Servizos, Deseño e Tecnoloxía de Ferrol)

    Tras unha breve presentación na que descubriron as bases técnicas e científicas que rexen os sistemas de realidade virtual, o alumnado poido probar distintos dispositivos.
    Uilizaron o entorno CoSpaces, creando e programando o seu primeiro mundo totalmente inmersivo que posteriormente puderon probar con gafas de Realidade Virtual (VR).

Tecnólog@ por un día

Ven, 24/12/2021 - 02:32
   

    Alumnado do centro disfrutou da 5ª Edición do programa “Tecnológ@ por un día”.
    Estudantes dende 3º de ESO ata 2º de bacharelato puideron compartir, na modalidade online ou presencial, unha xornada de traballo con profesionales das empresas do sector TIC que colaboran (Altia, Everis, Satec, Corporación Televés. DXC Technology…).

    Esta iniciativa desenvólvese no marco do Plan de Promoción do Talento Dixital de Galicia DigiTalent

Ruta polo Complexo Xeolóxico de Cabo Ortegal

Xov, 28/10/2021 - 06:51
   

   O martes 19-10-2021, o departamento de Bioloxía e Xeoloxía leva ao alumnado de 1º de bacharelato A e B á Ruta polo Complexo Xeolóxico de cabo Ortegal guiada polo Xeólogo especialista na zona Fran Canosa.

    Tanto o alumnado como os profesores disfrutamos dun espléndido día coñecendo os tesouros xeolóxicos de Cedeira e Cariño amosados polo experto.

    Fotografías.

Proba de Orientación 2021, do 22 de Novembro

Lun, 25/10/2021 - 10:43

 

 

     O Venres 22 de novembro realizamos una saída ao pinar de Doniños para realizar unha "Proba de orientación deportiva". Participaron 172 alumnos de 4º ESO e 1º Bach demostrando moi boas actitudes para o reto que se lles propuxo.

    A proba foi organizada integramente polo Departamento de Educación física e tivemos a axuda inestimable de 6 profesores mais do instituto. Gracias a todos por vir e participar.

  

Acto de entrega de diplomas STEMBach no Campus Universitario de Esteiro de Ferrol.

Ven, 25/06/2021 - 06:05
   

      O martes 22 de Xuño O reitor da Universidade da Coruña fixo entrega aos Proxectos de Investigación realizados polo alumnado do IES Sofía Casanova correspondentes ao bienio 2019-2021.
            Proxectos de investigación:
“Innovación con impresoras 3D para crear produtos de apoio para persoas con diversidade funcional”. Thais Pousada García. Facultade de Cienciasda Saúde. UDC. Realizado polas alumnas: Irene Fernández Arias e Laura Caaveiro Martínez
“Desenvolvemento de novos Biomateriais para o seu uso en dispositivos médicos”(EUDI). Rebeca Bouza Padín. EUP-Campus de Ferrol. UDC. Alumnado que o realizou: Sofía Belén Pérez Quintanilla e Isai Ogando Santalla
“Explorando a Intelixencia Artificial: diagnose de pacientes con Parkinson a partir de gravacións de voz”. Andrés Piñón Pazos e Óscar Fontenla Romero. EUP-Campus de Ferrol. UDC. Realizado polo alumnado: Lucía Toval Bacelo e Brais Romalde Campos.
“Clonación dun xene humano nun vector bacteriano para producir unha proteína recombinante con valor farmaceutico ou industrial: Expresión e produción da proteína HMGB1 e Expresión e produción heteróloga da eritropoietina humana (EPO)” .Manuel Becerra Fernández, MªEster Rodríguez Belmonte e Mónica Lamas Maceiras. Facultade de Ciencias. UDC. Realizado polas alumnas Iria González Soto e Sara Penabad Garrote.
     Parabéns a todo o alumnado e moita sorte no voso futuro universitario!

    La Voz de Galicia recolleu o evento nas súas páxinas.
Distribuir contido


by Dr. Radut