blogue decdepaz

Hai sitios web que supoñen unha tentación que non é doado resistir: a túa rede social favorita, páxinas de xogos, Twitter… todos nosos coñecemos, e sabemos que antes de nos dar conta, pasamos a tarde enteira neles, e o que tería que estar listo para as 7, aínda está por comezar. Para evitar este tipo de distracións, contamos con Keep me Out.

Keep me Out é un servizo web que funciona coma unha ayuda para a nosa forza de vontade, advertíndonos cando queremos volver a este tipo de sitios (ou calquera que especifiquemos) máis dunha vez nun certo período de tempo. Despois de indicar o sitio e a duración do tempo durante o que queremos manternos alexados del, aportará un marcador por o que acceder á web en cuestión. E cada vez que intentemos acceder a ela, Keep me Out dará unha advertencia ou, sinxelamente, nos redireccionará a outra páxina.

A estas alturas podía ter unha patente. Si, semella unha falla de modestia ou unha tolería. Penso que a todos nos pasa polo miolo algunha idea que logo deixamos por estravagante, ou porque pensamos que non ten sentido, que alguén xa terá pensado nelo antes ca nos ou, mais sinxelo, porque pensamos que somos máis ben pouca cousa e que o que nos ven á cachola non paga a pena. Cando era neno, constataba que ó me bañar na auga do mar, deixaba de ter conxestionada a nariz. E algunha vez dixen el alto "¿e porque non levamos auga de mar nun frasquiño para usala en calquera momento?". Cando un médico, moitos anos despois, me recomendou o mítico inhalador de "auga de mar estéril", caín na conta de que aquel pensamento do neno que fora non era nada sen sentido. A estas alturas, podía ter unha patente. Estou seguro que para ser creativo, e que se saiba, compre ter entre outras virtudes unha certa dose de desinhibición, de capacidade de loita e de afán de superación, ademáis dunha boa ración de sorte. 

Lembrei o asunto vendo este vídeo, seguro que se pechades os ollos vos vedes a vos mesmos xogando coa area na praia, aínda co cueiro, o caldeiro e o rastrillo.

Diego Stocco - Music From Sand from Diego Stocco on Vimeo.

Hoxe traemos unha obra... imprescindibel. O refraneiro galego da vaca. Un compendio do saber popular, unha tradución da vida en idioma gandeiro. Homes (e mulleres) e vacas (e bois), reunidas nunha chea de frases nas que a rima e a sorna van da man para nos abrir os ollos da realidade, a propia e a allea, para facernos ver as pallas que non vemos de noso e, se cadra, rebaixar un pouco o volume das vigas que vemos nos outros.