O 10 de Outubro de 2018, con motivo do Día Mundial da Saúde Mental, a Asociación Albores Saúde Mental convocou o seu II Certamen de Fotografía “Fotoxénica-Mente”.

O  tema desta convocatoria é: xóvenes e saúde mental.

Este concurso ten como obxectivo provocar unha reflexión na sociedade coa finalidade de atenuar os mitos e estereotipos que impiden que as persoas con enfermidade mental logren a inclusión social plena.

 Coas fotografías gañadoras do concurso proxectouse unha exposición composta polas fotos e textos dos autores, información sobre saúde mental e da Asociación Albores.

Durante o 2019 a exposición percorrerá os Centros Educativos da zona Sur de Lugo nos que se imparta a Educación Secundaria e irá acompañada de charlas informativas ós alumnos de 4º da ESO así como de información e asesoramento ó profesorado que o solicite.