3º Concurso de Microrelatos Amnistía Internacional
Parabéns aos nosos alumnos finalistas no III Concurso Xuvenil de Microrrelatos organizado por Amnistía Internacional María Domínguez de 4ºESO A e Iago Maceira de 2ºBach B por "Orfandade" e "Empatía no pasado".
Parabéns a tod@s!
Modalidade “Relato máis popular” votado por Facebook:
Relatos gañadores:
* Categoría 14-16 anos:
- Un gran equipo. Autor: Denís Arribas Blanco. IES do Castro. Vigo
* Categoría Maiores de 16 anos:
- Casualidade ou non. Autora: Miriam Rodríguez Somoza. IES A Basella. Vilanova de Arousa.
Modalidade relato votado polo "Xurado de Amnistía Internacional"
* Categoría: 14-16 anos:
Relatos nominados ao 1º premio (que desvelaremos no acto de entrega)
Por orde alfabética de títulos:
-
A salvo. Autora: Sara Piñeiro Blanco. IES do Castro-Vigo
-
Orfandade. Autora: María Domínguez Romero. IES Ribeira do Louro. O Porriño
-
Un golpe de suerte. Autora: Carolina Gutiérrez Baños. Colexio SEK Atlántico. Pontevedra
*Categoría: Mairoes de 16 anos.
Relatos nominados ao 1º premio (que desvelaremos no acto de entrega)
Por orde alfabética de títulos:
- Empatía no pasado. Autor: Iago Maceira Cortegoso. IES Ribeira do Louro. O Porriño.
- Mazen. Autora: Laura Gil Outeiral. IES Alexandre Bóveda. Vigo
- Oportunidad. Autora: Candela Kadijk Filgueira. IES do Castro. Vigo.
Semana do Libro 2017 en Biblioribeira
Programación:
Venres 21
Charla sobre inclusión, lectura e fotografía sobre os proxectos Alto alto como una montaña e Mi mirada te hace grande.
Encontro literario con Carlos Meixide, autor da novela “Cans”
Martes 25
Obradoiro de vocalización oral impartido por Damián.
Mércores 26
Apadriñamento lector a alumnado de infantil do CEIP Antonio Palacios.
Venres 28.
Encontro literario con Pedro Feijoo.
Sesións de lecturas continuadas no salón de actos.
Ao longo da semana acompañaranos a exposición do alumnado "El libro que nos une" (fotografía e literatura).
O Equipo de Biblioteca
A biblioteca escolar, espazo para sensibilizar.
O 2 de abril commemóranse o Día Internacional do Libro Infantil e Xuvenil.
Bibliotecas Escolares de Galicia impulsa o traballo nos centros baixo o lema "Medremos co libro!" do cartel conmemorativo o "escritor ruso Sergey Makhotin que fala da importancia do libro como acompañante imprescindible no proceso de maduración persoal ao longo da vida, e do pracer que o libro e a lectura proporcionan."
O día 2 de abril tamén é o Día Internacional de Conmemoración do Autismo, e dende o compromiso da biblioteca escolar coa diversidade das persoas, e para avanzar na concienciación entre a comunidade educativa, Biblioribeira acolle a exposición fotográfica "Visibilizando o autismo" seguindo a liña de traballo de Bibliotecas escolares de Galicia, que nos lembra que a biblioteca é
"territorio das Artes", un espazo no que aproximarse á produción artística do noso país e de todas as culturas, a través dos libros, dos vídeos, dos mil sitios aos que internet nos permite acceder... pero é tamén un espazo no que vivir a música, a pintura, as artes visuais (fotografía, cómic, cine), a escultura, a danza, o teatro e, moi especialmente, a literatura en todos os seus xéneros e temáticas.
"Visibilizando o autismo" é unha exposición de Paula Verde Francisco, creadora do proxecto A miña mirada faite grande en colaboración con Alto alto como unha montaña.
Ademáis contaremos cun punto lector, colocaránse globos azuis e carteis informativos para poñer en valor a diversidade como un elemento enriquecedor.
Aquí podedes atopar o prezi Recomend-ACCIÓNS: diversidade.
Comeza o mes de abril, desfrutemos!
Muller 2017: representar para concienciar.
Como cada ano a biblioteca escolar commemora o día da Muller a través dunha serie de actos nos que participa a comunidade educativa.
Biblioribeira, en coordinación co departamento de Filosofía e Normalización Lingüística, prepara unha actividade de representación de vidas de mulleres relevantes da historia.
Ademáis de facer unha representación para o alumnado no salón de actos, as Mulleres da Historia fan un percorrido por diferentes grupos e falan sobre as súas vidas.
Na biblioteca atoparedes un punto lector adicado á igualdade.
Para rematar, partillamos o video do IES Politécnico de Vigo "Eu son feminista", parabéns a todo o alumnado e ao profesorado!
Poesía coral, unha pomba e un desexo: Día da Paz 2017
Un ano máis Biblioribeira commemorou o día da Paz no que todo o alumnado do IES Ribeira do Louro participou acompañado polo profesorado: palabras, actos e símbolos de esperanza. Estos son os poemas de creación colectiva do alumnado de 1º de ESO que se leron para a ocasión coordinados por Raquel Castro:
1ºESO A
SÓ TRES LETRAS,
TRES LETRAS NADA MÁIS,
SÓ TRES LETRAS,
QUE PARA SEMPRE APRENDERÁS
SÓ TRES LETRAS PARA ESCRIBIR PAZ.
UN MUNDO SEN GUERRAS É MARABILLOSO,
DEIXEMOS ERGUER A POMBA,
FALEMOS DE SIRIA,
FALEMOS DE ALEPO,
FALEMOS DE NENOS,
FALEMOS DE MULLERES,
FALEMOS DE HOMES,
FALEMOS CO CORAZÓN,
NON FALEMOS DE GUERRAS,
NON FALEMOS DE PELEXAS,
O P, O A, O Z,
SÓ TRES LETRAS,
TRES LETRAS NADA MÁIS.
1º E.S.O.B
Escóitanos rapaz
hoxe é o día da paz:
Pola amizade que nos une
se todos a paz queixaramos.
Neste mundo de dor,
sumido nas bágoas.
Cambiar armas por flores,
cambiar odios por amores.
Pola pomba branca
que brilla no ceo,
buscando rumbo
nun mundo cheo.
De guerras loitas e xeo.
Pola amizade que nos une,
se todos a paz queixaramos.
Cambiar armas por flores,
cambiar odios por amores.
Para ter tempos mellores
1ºESO C
Non á guerra
``Non á guerra´´
a miña clase berra
fóra pelexas
loitas e envexas
Uns queren guerra
outros queren paz
Un día sen guerra
tiña que ser eterno
Mellor falar
que usar as patadas
``Non á guerra´´
a miña clase berra
Non existen continentes
soamente unha raza
supostas relixións
só causan matanzas
``Non á guerra´´
a miña clase berra
Deixa que a sombra
da branca pomba
oculte a oscuridade
da guerra que asombra
``Non á guerra´´
a miña clase berra
O día da paz é alegría
O día da paz todos os días
``Non á guerra´´
a miña clase berra
Finalizouse o acto botando unha pomba como símbolo do desexo da comunidade educativa dun mundo mellor.
Coñecendo culturas: interculturalidade e Dereitos Humanos
Desta volta os protagonistas foron as alumnas e alumnos do programa de intercambio nun acto de presentación das súas culturas para 1º de Bacharelato: Albania, Serbia, Croacia e Bosnia-Herzegovina.
Dende Biblioribeira queremos promover o valor da interculturalidade e quere agradecer a coordinación do departamento de Filosofía e a colaboración dos departamentos de linguas (galego, castelán e inglés) así como ao profesorado dos ciclos de Administración e Finanzas e Comercio Internacional.
Ciencia e lectura
O departamento de Física e Química en colaboración con Biblioribeira pon en marcha o establecemento dun "agasallo lector" ao mellor estudante do mes que consta dun certificado e un libro. Valórase fundamentalmente a capacidade de traballo e o esforzo en relación á aprendizaxe realizada.
Recomend-ACCIÓNS: Día Internacional dos Dereitos das Persoas con (Dis-)CAPACIDADE.
O IES Ribeira do Louro participou nunha andaina convocada por ACEESCA para conmemorar o Día Internacional dos Dereitos das Persoas con Discapacidade. A comunidade educativa estivo presente no acto central dunha semana organizada para sensibilizar á sociedade.
En Biblioribeira somos conscientes, valoramos e agradecemos a organización de actos como este e queremos apoiar a iniciativa coa nova sección
Recomend-ACCIÓNS, escollas que acompañan
accións educativas inclusivas.
PREME NA IMAXE PARA COMEZAR A PRESENTACIÓN
Recomend-ACCIÓNS: Día Internacional da Eliminación da Violencia en contra da Muller
Como cada ano o 25 de Novembro a comunidade educativa de Torneiros sae á rúa para reivindicar o a eliminación da violencia en contra das mulleres.
Dende a biblioteca escolar sumámonos a este acto co fin de visibilizar, concienciar e poñer o noso gran de area para erradicar a violencia. Biblioribeira vertebra o traballo dos diferentes departamentos para que o alumnado sexa quen de comunicar e pedir a través de poemas, música e mesmo dunha colcha tecida por moitas mans.
Moitas mans dos diferentes centros da comunidade educativa de Torneiros que se xuntan en cadea para pedir o fin da violencia en contra das mulleres.
Emoción, creatividade, compromiso.
A música pechou o acto.
Para rematar, deixámosvos as recomend-ACCIÓNS de Biblioribeira:
escollas que acompañan accións educativas igualitarias.
Preme na imaxe.
- « primeira
- ‹ anterior
- …
- 13
- 14
- 15
- 16
- 17
- 18
- 19
- 20
- 21
- seguinte ›
- última »