| IES Ribeira do Louro

DÍA DAS LETRAS 2019

Sáb, 2019-06-01 15:14

Para commemoras o Día das Letras, como cada ano, celebrouse o xogo De pista a pista, este ano arredor da figura de Antón Fraguas. Velaquí tedes as imaxes da actividade.

Aquí podedes atopar máis información sobre as actividadaes noutros centros educativos na páxina das Bibliotecas Escolares de Galicia.

Ao longo destes días Biblioribeira acolle a exposición de foto-poemas sobre diversidade "Obxectivo visibilizando o autismo" organizada polo alumnado de Sociedade Inclusiva de 2º da ESO para a comunidade educativa.

Tamén hai un punto lector sobre o mesmo tema cunha selección moi variada.

Agardamos que vos guste.

Encontro con Julio Abalde

Ven, 2019-05-31 11:48

O pasado 10 de maio o alumnado de 1º de Bacharelato mantivo un encontro con Julio Abalde, profesor de Lingua e Castelá e Literatura, para falar sobre "Frankenstein".

Unha sesión interesante, que nos achegou unha nova ollada á obra e que suscitou comentarios e preguntas ao final da mesma.

Premios "Sinfonías da mañá"

Mér, 2019-05-29 13:09

As gañadoras da primeira convocatoria do premio "Sinfonía da mañá" organizado pola biblioteca escolar. Parabéns!

Na páxina web do centro podedes atopar toda a información sobre o concurso.

Encontro coa escritora Sonia Mirón

Mér, 2019-05-29 12:56

Sonia Mirón, autora de "Si tú me quieres", mantivo un encontro co alumnado de 2º ESO para falar do seu novo libro "Mi corazón en una caja de zapatos".

Concerto de Uxía Senlle

Mér, 2019-05-15 11:56

O pasado 3 de maio contamos no noso centro coa extraordinaria voz da cantante galega Uxia Senlle, unha das grandes embaixadoras musicais da cultura galega no mundo da lusofonía. Xunto co guitarrista brasileiro Sergio Tannus, Uxia fixo un percorrido polo seu máis recente repertorio, incluído no album "A palabra cantada". Uxía falounos sobre as cantigas de amigo, a importancia das mulleres na tradición oral, algúns dos nosos poetas máis relevantes (Rosalía, Curros Enríquez, Manuel María, Uxío Novoneyra...) e a conexión da cultura galega co eido lusófono. No remate do concertocantamos todos con Uxía algunhas cancións galegas e portuguesas.

Día Mundial do Libro 2019

Mar, 2019-04-23 10:01

En Biblioribeira esta é a Semana do Libro, chea de actividades para participar activamente e celebrar unha data tan importante para a comunidade educativa. Ao longo destes días daremos conta con imaxes.

Para conmemorar o Día Mundial do Libro a Consellería de Educación, Universidade e Formación Profesional edítase un díptico cun fermoso poema de Marilar Aleixandre, toda a información no blog de Bibliotecas Escolares de Galicia

Lectura continuada na que participa todo o alumnado do centro.

Obradoiro de microrrelatos "Imaxes que contan historias"

Obradoiro de Haikus "Lendo a Natureza"

Apadriñamento lector en colaboración co CEIP Antonio Palacios. Podedes atopar máis información no blog dos clubs de lectura.

E tampouco podía faltar o teatro para o alumnado do centro coa representación

Para rematar só queremos desexarvos un Feliz día e Semana do Libro!

Aquí o novo número da revista escolar "Cadernos de Teatro"

5º Concurso Xuvenil de Microrrelatos da Rede de Escolas de Amnistía Internacional

Lun, 2019-04-08 11:22

Parabéns ao alumnado do noso centro que participou no 5º Concurso Xuvenil da Rede de Escolas de Amnistía Internacional:

Lucía Collazo Álvarez (4º ESO A), María Fernández Álvarez (1º Bach. B) e Andrea Fernández Lorenzo (1º Bach. A) foron finalistas no 6º concurso de microrrelatos.

David Rodríguez Conde (1º Bach. A) gañou o premio do público.

David, gañador do premio do público, recibindo o agasallo de mans da profesora Virginia Calviño.

As tres finalistas xunto a escritora Loli Beloso, que interviu no acto e fixo entrega dos premios.

Día da poesía

Xov, 2019-03-21 10:58

Hoxe a poesía estará moi presente nas aulas do noso centro, a proposta consiste en comezar cada sesión coa lectura dun poema ou cunha versión musicada.