O alumnado de música de 2º Bacharelato presenta esta gravación do Segundo Movemento, Allegretto, da Sinfonía n.º 7 de L.V. Beethoven para que adiquemos uns minutos das nosas aceleradas vidas para respirar e desfrutar coa beleza desta peza.
Agradecer coma sempre a labor do arranxador Paulo Padrón Santamarina e do ex-alumno Xairo Campos Blanco como técnico de son e imaxe.
Grazas a todos
Departamento de música
O alumnado que participa no Obradoiro de Radio na nosa emisora Rebolondas acudiu o pasado 29 de marzo á Fundación Otero Pedrayo a recoller o premio recibido polo seu podcast sobre a obra Pelerinaxes. O noso agradecemento ao xurado e á Fundación por valorar o traballo das nosas alumnas/os.
E por suposto os nosos parabéns a Xulia, Ana, Lola, Cristina, Sara, Lucía e Pablo polo seu esforzo e excelente traballo.
Velaí vos deixamos o podcast para que o desfrutedes.
Dentro das actividades organizadas polo departamento de Educación Física coa colaboración do equipo directivo e de toda a comunidade educativa, encadrado como unha máis das actividades desenroladas do Proxecto de vida activa e deportiva no marco do Plan Proxecta da Xunta de Galicia, celebrouse durante os meses de Outubro ata Febreiro a segunda edición da liga de fútbol sala.
Os equipos participantes dividironse en dous competicións por unha banda xogou o alumnado de 1º e 2º da eso con 6 equipos participantes, e pola outra banda outros 6 equipos participantes con alumnado de 3º e 4º da eso.
Despois de facer unha rolda na que se enfrentaron todos os equipos, realizaronse as semifinais e as finais correspondentes a cada unha das competicións diferenciadas.
Os equipos finalistas obtiveron de premio un vale para consumir na cafetería do centro.
Durante toda a competición a actitude dos equipos e o numeroso público foi excepcional amosando deportividade, educación e respeto.
Unha boa experiencia para seguir facendo en próximas edicións
A Biblioteca Rebolo organiza de novo un concurso co motivo da celebración do Día Internacional do Libro (23 de Abril)
O Bookface é a arte de fundirse coa portada dun libro.
Trátase de dar a coñecer o teu libro favorito, tratando de encaixar a túa cara con mais ou menos técnica, graza e imaxinación. Pódense empregar tamén outras partes do corpo: mans, pernas, ombros.
QUE PRECISAS? O teu libro favorito e un teléfono móbil
DATOS: Nome e apelidos
ENTREGA: A fotografías deberán ser enviadas por correo electrónico a bibliotecarebolo@gmail.com
DATA LÍMITE: 17 de abril.
Serán publicadas nas redes sociais da Bilioteca e haberá unha exposición no hall do noso centro.
HABERÁ UN PREMIAZO!!!
CATEGORÍA A: Alumnado do Centro dende 1ºESO a 2º Bac, Adultos e Ciclos Formativos
CATEGORÍA B: Resto da Comunidade Educativa do Centro
PREMIOS CATEGORÍA A:
1° premio: libro + cheque regalo de 30 euros
2º premio: libro + cheque regalo de 20 euros
3⁰ premio: libro + cheque regalo de 10 euros
PREMIOS CATEGORÍA B:
1º premio: libro + cheque regalo "relax"
Mais información:
O día 20 de marzo o alumnado de segundo de Bach tivo unha charla sobre Orientación académica e profesional impartida por Manuel Galán e Xairo Campos, antigos alumnos do noso instituto.
O noso agradecemento a Xairo e Manuel por seguir formando parte da nosa comunidade educativa.
ESPA (Educación secundaria para persoas adultas)
Convocatoria Extraordinaria
Abril de 2023
Módulo 1
Ámbito | Día | Hora | Aula |
C.inglés | Martes 11 | 17:00 | Módulo 4 |
C.galego/cast. | Martes 11 | 18:00 | Módulo 4 |
Social | Martes 11 | 19:30 | Módulo 4 |
Científico | Martes 11 | 20:30 | Módulo 4 |
Módulo 3
Ámbito | Día | Hora | Aula |
C.inglés | Martes 11 | 17:00 | Módulo 4 |
C.galego/cast. | Martes 11 | 18:00 | Módulo 4 |
Social | Martes 11 | 19:30 | Módulo 4 |
Científico | Martes 11 | 20:30 | Módulo 4 |
Despois de tres anos sen poder facer a semana branca, os alumnos poideron gozar dunhas xornadas de deporte e convivencia na estación de Astún (Huesca).