Blogues

Calendario feminista para o curso 2017-2018

O equipo de Normalización Lingüística do IES Fontexería adaptou ao galego, coa colaboración do alumnado do centro, o calendario "Feminista Ilustrada" para colocar nas aulas. O alumnado que consulte as datas de exames, días festivos, datas de saídas educativas...recibirá tamén unha alta dose de reivindicacións pola igualdade. Parabéns desde o grupo de Dinamización de Igualdade pola iniciativa!

Igualdade nos VI Encontros de Centros por unha convivencia positiva

O IES Plurilingüe Fontexería organizou este curso os VI Encontros de Centros por unha Convivencia positiva, aos que asistiron 130 persoas de 20 centros educativos de toda Galiza. Como non podía ser doutro xeito, démoslle un papel central á perspectiva de xénero nas actividades desenvolvidas co alumnado, as familias e o profesorado, contando coa colaboración da Secretaría Xeral de Igualdade, as áreas de Igualdade da deputación da Coruña e do concello de Muros.

II Xornadas de Convivencia e Igualdade en Guimaraes

Logo do balance tan positivo das I Xornadas de Convivencia e Igualdade que realizamos o curso pasado en Guimaraes, este ano animámosnos a repetir coa nova promoción de 1º de BAC. A valoración volve ser tan positiva que volvimos con ideas novas para o curso vindeiro. A necesidade de contarmos con tempo de calidade para falar co alumnado de 1º de BAC, así coma as gañas por parte do profesorado de recoñecer o traballo desenvolvido en cursos anteriores augura un longo futuro a este proxecto.

Obradoiros de Autoestima Feminina

Neste curso continuamos desenvolvendo obradoiros simultáneos de empoderamento feminino e novas masculinidades, separando ao alumnado por sexo. Realizamos 8 sesións de 50 minutos en 3º ESO, 5 sesións en 2º BAC e 4 horas en 1º BAC co alumnado que participou nas xornadas de Guimaraes. A acollida entre o alumnado segue a ser espectacular, así coma a aprendizaxe para o profesorado que as organiza.

Obradoiros de Novas Masculinidades

Neste curso continuamos desenvolvendo obradoiros simultáneos de empoderamento feminino e novas masculinidades, separando ao alumnado por sexo. Realizamos 8 sesións de 50 minutos en 3º ESO, 5 sesións en 2º BAC e 4 horas en 1º BAC co alumnado que participou nas xornadas de Guimaraes. A acollida entre o alumnado segue a ser espectacular, así coma a aprendizaxe para o profesorado que as organiza.

Obradoiros no CEIP Ramón de Artaza

Logo da boa experiencia do ano pasado, repetimos este curso! Nesta ocasión foi alumnado máis novo, de 3º ESO-todas as alumnas e alumnos dos dous grupos que temos-o que realizou obradoiros de igualdade no CEIP Ramón de Artaza, centro de referencia do noso instituto e onde cursaron Primaria practicamente todas elas e todos eles.

Matemáticas, astronautas, enxeñeiras...que dan que falar

Alumnas e alumnos de 3º ESO realizaron breves exposicións orais fronte ao seu grupo-aula, nos últimos 10 minutos de cada clase de matemáticas, dando a coñecer a vida e obra de mulleres coma Valentina Tereskova, Mary Somerville, Emmy Noether, Grace Hopper, Sally Ride, Hedy Lamarr...O obxectivo desta actividade, ademais de visibilizar as achegas destas mulleres, é potenciar a capacidade do alumnado para facer exposicións orais fronte a un público receptivo pero crítico!

Muller tiña que ser!

O 8 de Marzo máis reivindicativo que lembramos, celebrouse no IES Fontexería baixo o lema "Muller tiña que ser!", cunha campaña de visibilización de mulleres de diversos ámbetos científicos, empregando o xogo de cartas sobre mulleres científicas co se traballou nas materias de Francés e Inglés.

Eli Ríos analiza co alumnado de 1º BAC a súa obra "Luns"

O alumnado de1º BAC do noso instituto puido conversar coa autora da novela "Luns", que leron no primeiro trimestre do curso, sobre aspectos concretos desta obra, así como da violencia de xénero e o papel da muller na nosa sociedade hoxe en día.

MUROS DE NEGRO

O IES Plurilingüe Fontexería sumouse, un ano máis, a campaña do 25 de Novembro,día Internacional contra a Violencia cara as Mulleres", con diversas actividades educativas para sensibilizar ao alumnado da importancia da loita social contra a violencia machista. Nesta ocasión, colaboramos, ademais,coa campaña desenvolvida desde o concello "Muros Negro". O alumnado do primeiro ciclo da ESO elaborou carteis da campaña para colocar por todo o centro e nas fiestras das súas casas.