Blogues

Grazas a termos recibido o III Premio Plan Proxecta do curso anterior, puidemos realizar esta actividade de convivencia e igualdade durante unha fin de semana en Guimaraes. Alí puidemos afondar na liña de traballo que levamos xa un par de cursos explorando: obradoiros de autoestima para alumnas e de novas masculinidades para alumnos. Visionouse tamén a película "En tierra de hombres", sobre o acoso laboral e sexual cara as mulleres pioneiras nas minas en EUA.

Comezamos o curso 2016-2017 coa materia que deixaramos para setembro: editar o vídeo “Antipatriarca”, realizado coas esceas gravadas polo alumnado de 3º ESO do curso anterior.

A XXVIII edición da Semana Cultural do IES Fontexeria está en pleno rendemento.

Até agora varias películas, obradoiros, colaboracións co CEIP Ramón de Artaza, diversas charlas divulgativas, exposicións ...

Como pratos fortes nestes dous primeiros días podemos destacar a presentación do libro Un Cesto de Mazás, coa presenza da súa autora Montse Fajardo, ou a subida á Moa (Monte Pindo).

A Dinamización de Igualdade do IES Fontexería obtivo o terceiro Premio Proxecta de Innovación Educativa 2016, na categoría de centros públicos integrados, institutos de educación secundaria, centros públicos de educación e promoción de adultos e conservatorios de música. O premio ten unha dotación económica de 2.000 euros.

Parabéns!

O profesor de Filosofía realizou 4 obradoiros de “novas masculinidades” con cada grupo de alumnos de 3º ESO. Simultáneamente, a profesora de matemáticas realizou obradoiros de “autoestima feminina” coas alumnas. Optouse por dinámicas con separación do alumnado por sexos por considerármolo esencial para conseguir un ambiente cómodo e participativo entre alumnas e alumnos. Cómpre salientar que estes obradoiros tiveron unha grande aceptación, demandando o alumnado que se realizasen máis sesións. Por cuestións de temporalización – tiveron lugar no último trimestre, perto das datas de maior concentración de exames- e pola necesidade de máis formación da profesora e do profesor implicados, non se realizaron máis sesións. Porén, será unha das liñas prioritarias de actuación do curso vindeiro

Os obradoiros de “novas masculinidades” e de “autoestima feminina” foron das actividades mellor valoradas polo alumnado, percibíndose a necesidade que ten o alumnado de poder falar con persoas adultas sobre cuestións que lles afectan directamente durante a adolescencia. 

Enlace de interese: Micromachismos: Voces de hombres por la igualdad.