Visita a Betanzos dos Clubs de Lectura co CPI de Monfero

Máis fotos no ENLACE

Os clubs de lectura do IES Eusebio da Guarda continúan estreitando lazos co club do CPI de Monfero. Xa o ano pasado compartiramos unha posta en común das experiencias desenvolvidas ao longo do curso que tivera lugar na igrexa do mosteiro de Monfero; este curso, para continuar desenvolvendo actividades conxuntas, programamos para o 10 de xuño unha xornada en Betanzos.

Realizamos un interesante roteiro guiado, “Betanzos en feminino”, visitamos a libraría Biblos e mais o CIEC, onde fomos estupendamente recibidos polas persoas responsables, que nos explicaron moi amablemente o funcionamento e a importancia destes lugares. Para xantar reunímonos no parque do Pasatempo, onde se produciu o intercambio de experiencias e agasallos, e rematamos dando un paseo pola beira do Mandeo.

En definitiva, foi unha xornada moi fermosa e ben aproveitada. Quedamos con vontade de continuarmos o próximo curso o “irmanamento” entre os nosos centros, de dúas contornas tan diferentes, pero que a paixón pola lecturas é quen de unir.

Libros abertos: VISITA A BETANZOS CO CLUB DO CPI VIRXE DA CELA

Clubs de Lectura do IES Eusebio da Guarda