IES Castelao

En febreiro, un dos grupos de lectura de bacharelato formado por alumnos de 1º A e E comentaron esta novela de P. Feijoo.

 A trama desenvólvese en Vigo en novembro de 2010.A historia iníciase cado Simón Varela, arquitecto, recibe unha chamada dunha señora da alta sociedade viguesa, Isabel Llobet, para que lle faga unha reforma nunha fonte da súa propiedade, nun pazo de Canido. Aos poucos días de comezar a reforma, Simón atopa un cofre pechado. Simultaneamente, a señora, xa maior, morre en estrañas circunstancias…

Mariana, de 1º E, comenta que o libro é moi entretido do principio ao final. Enlaza moi ben a intriga coa temática histórica, cunha narración áxil, atraentes saltos no tempo, para contar a historia de Hugo e Daniel nunha época escura.Destaca  que contribúen a esa intriga as dúbidas sobre as verdadeiras intencións dos personaxes,  pois ata o final non se sabe claramente quen é o inimigo. Paula (1º E) considera que o autor sabe envolver en misterio os feitos históricos e que  incluír algúns da nosa historia (a batalla de Rande) con outros  de Europa (o nazismo) resulta moi atractivo e interesante. David, de 1º A, di que o libro posúe todo o que para el fai  que unha novela sexa interesante: realismo, tema histórico e intriga. Ademais, di, un empatiza facilmente cos personaxes. Tamén de 1º A, María Barciela resalta que o final da historia e inesperado e sorprendente o que para ela é moi importante nunha  novela.