Eventos
DÍA DE TÓDOLOS SANTOS (NON LECTIVO)
Durante o Samaín, un terrible crime sucedeu no IES Cabo Ortegal. O martes amencemos coa noticia do asasinato da xefa de estudos do que se fixeron eco os xornais.
Seis grupos de intrépidos estudantes da ESO ofrecéronse voluntarios para investigar o crime. Tras seguir as pistas e analizar as probas atopadas pola planta baixa do instituto, descubriron que o culpable foi o xefe de estudos de adultos, que quería quedar co despacho de Elisa.
O culpable xa dorme na cadea e os nosos investigadores recibirán a súa recompensa nos próximos días!
#samain #clubdeciencia #edlg #bescolaresgal
Este mes de novembro volve a ciencia en galego á Biblio! Volven os Recreos Científicos, organizados polo @club_ciencias_ortegal, o @edlg_ortegal e a Biblioteca!
Tódolos xoves o alumnado do Club de Ciencias presentaranos os seus experimentos.
Non faltedes!
Velaquí algunhas das nosas últimas adquisicións. Agárdanvos, coma sempre, na sección de NOVIDADES da entrada da Biblio.
No primeiro dos Recreos Científicos deste mes ca ciencia en galego, que se desenvolveu o xoves 7 de novembro, Os alumnos de 4º ESO David, Ce, Dani e Álex realizaron o experimento do ovo saltarín e explicáronnos o proceso de osmose.
Organizan os equipos de Biblioteca, Club de Ciencias e DLG
O noso alumnado de 3º ESO participa nun programa de inmersión lingüística nos Peares (Carballedo, Lugo) do 10 ao 16 de novembro de 2024.
Xunto ao alumnado doutros centros, potencian especialmente a súa capacidade para a comprensión e expresión orais mediante a estancia durante varios días nunha instalación que posibilita a inmersión total en inglés con profesorado nativo.
Así mesmo, mediante a metodoloxía CLIL, facilítase a adquisición de contidos adecuados para cada etapa educativa, e os programas complétanse coa realización de talleres, xogos, deporte, ...
Organizan os departamentos de Inglés e Tecnoloxía.
O alumnado de 1º BAC A ten unha charla a cargo de membros da Armada o xoves 14-11-24 de 11:30 a 12:20 horas.
Organizada polo departamento de Orientación.
LECTURAS CIENTÍFICAS
Vistes estes días a mesa instalada na entrada da Biblio? Neste #mesdaciencia algúns libriños saíron dos estantes e están esperando a que os levedes á casa! Astronomía, física, botánica, zooloxía... Hai para tódolos gustos! A que esperades?
#recomendacións #lecturas #ciencia #mesdacienciaengalegonasbibliotecas #bescolaresgal #plambe #edlg
o venres, 15 de novembro volven os Recreos de Micro Aberto!!
No marco do Mes da Ciencia en Galego nas Bibliotecas, mañá inauguramos os deste curso con Pablo, profe do Club de Ciencias Ortegal, que nos contará moitas cousas interesantes sobre unha das súas paixóns, a astronomía.
Non o perdades!
Organizan os equipos de Biblioteca, do Club de Ciencias e do DLG
O alumnado de 3º e 4º ESO e 1º e 2º BAC participan na conferencia-espectáculo de Avelino González Galego para adolescentes o luns 18-11-24 de 11:30 a 13:10 horas.
Organiza o departamento de Dinamización da Lingua Galega en colaboración co Concello de Cariño
O martes 19 de novembro ás 12 horas, o alumnado de 1 ESO asiste á videoconferencia "O universo e a exploración espacial", impartida por Begoña Vila Costas, doutora en Astrofísica e Enxeñeira Xefe de Sistemas no centro da NASA.
A actividade está organizada polo Equipo de Dinamización da Lingua Galega e o Club de Ciencias no marco das actividades do Mes da Ciencia en Galego.
O alumnado de 3º ESO recibe unha Formación en materia de sensibilización e prevención das violencias de xénero e LGTBIfobicas o venres 22 de novembro de 08:30 a 10:10 horas, impartida por Cristina Palacios da asociación ARELAS.
A charla está incluída no ciclo de conferencias da campaña comarcal Estaca de Bares, de faro a faro contra as violencias machistas promovida polas administracións municipais de Cariño, Cerdido, Mañón e Ortigueira.
Organiza o departamento de Orientación en colaboración co Concello de Cariño
Con motivo da conmemoración do 25N, Día Internacional da Eliminación da Violencia contra á muller todo a comunidade educativa do IES Cabo Ortegal realiza unha serie de actividades no instituto ás 11:00 horas para logo ir hasta o Concello de Cariño onde haberá un acto institucional a partir das 12:00 horas. Todos os participantes deberán acudir cunha camiseta ou similar de cor branca.
A actividade está organizada polo departamento de Orientación en colaboración co Concello de Cariño
O luns 25-11-24, de 16:00 a 17:40 horas, todo o centro participa na celebración do Magosto. Haberá degustación de castañas asadas e, se a meteoroloxía o permite, poderase participar en xogos tradicionais no exterior.
A actividade está organizada polo Equipo de Dinamización da Lingua Galega coa colaboración do Departamento de Educación Física.
1ª AVALIACIÓN 2º BAC de 17:45 a 18:30 horas
O alumnado de 2º BAC ten unha charla da USC sobre os cambios na ABAU o mércores 27-11-24 de 9:20 a 11:00 horas.
Organiza o departamento de Orientación.
O alumnado de 4º ESO ten unha actividade o xoves 28 de novembro de 09:00 a 10:30 horas
Estará impartida polas investigadoras Beatriz Díaz Rica e María Estela de Vega Matallanos, do Instituto de Ciencia e Tecnoloxía dos Alimentos e Nutrición (ICTAN) do CSIC. O obxectivo que os participantes sexan conscientes da cantidade de azucres libres que se consomen coas bebidas edulcoradas, azucradas e enerxéticas de consumo habitual.
O taller consta de dous partes. En primeiro lugar, realízase unha cata de catro bebidas con distintas cantidades de azucre ou edulcorantes para que aprendan a dinámica dunha análise sensorial, así como que sexan capaces de diferenciar entre as distintas intensidades do sabor doce. Comprobarán que catar implica non só o sentido do gusto, senón que é unha experiencia multisensorial.
Posteriormente, terá lugar a charla explicativa apoiada cunha presentación na que se darán as claves para diminuír o consumo destes produtos tan demandados polos mozos. Durante a charla explicarase como percibimos os sabores, especialmente o doce. Tamén se mostrará como o consumo dos azucres libres pode ter un efecto prexudicial para o organismo e como poden afectarnos os substitutos dos mesmos.
Organiza o departamento de Bioloxía en colaboración co Concello de Cariño
O alumnado de 3º ESO ten unha actividade o xoves 28 de novembro de 11:30 a 13:00 horas
Estará impartida polas investigadoras Beatriz Díaz Rica e María Estela de Vega Matallanos, do Instituto de Ciencia e Tecnoloxía dos Alimentos e Nutrición (ICTAN) do CSIC. O obxectivo que os participantes sexan conscientes da cantidade de azucres libres que se consomen coas bebidas edulcoradas, azucradas e enerxéticas de consumo habitual.
O taller consta de dous partes. En primeiro lugar, realízase unha cata de catro bebidas con distintas cantidades de azucre ou edulcorantes para que aprendan a dinámica dunha análise sensorial, así como que sexan capaces de diferenciar entre as distintas intensidades do sabor doce. Comprobarán que catar implica non só o sentido do gusto, senón que é unha experiencia multisensorial.
Posteriormente, terá lugar a charla explicativa apoiada cunha presentación na que se darán as claves para diminuír o consumo destes produtos tan demandados polos mozos. Durante a charla explicarase como percibimos os sabores, especialmente o doce. Tamén se mostrará como o consumo dos azucres libres pode ter un efecto prexudicial para o organismo e como poden afectarnos os substitutos dos mesmos.
Organiza o departamento de Bioloxía en colaboración co Concello de Cariño
