.- Para nados entre o 1 de xaneiro de 2004 e o 31 de decembro de 2007. 

.- É obrigatorio estar matriculado no curso 2023-2024 en calquera curso de Bacharelato, de Grao Medio de Formación Profesional, de Artes Plásticas e Deseño, de Ensinos Deportivos, de Ensinos Profesionais de Música e Danza e de Idiomas de Nivel Intermedio e Avanzado.

.- Tamén é necesario ter aprobadas todas as materias do curso 2022-2023, a data de finalización do curso, cunha nota final mínima de 9 puntos na materia de inglés

.- Os interesados en participar neste programa de bolsas teñen ata o próximo 21 de marzo para cumprimentar a solicitude mediante o formulario accesible por internet, a través da sede electrónica do Ministerio de Educación.

Más información en MEC

Hoxe no IES Breamo tivemos a Sara Ashour, unha moza galega de orixe palestina, e a Ana Rodrigues, da Fundación Araguaney, para falarnos da terrible situación que está a vivir o pobo Palestino desde hai décadas e presentarnos a curta Gaza, gañadora do Goya á mellor curtametraxe documental no ano 2019.  

As nosas alumnas Saray García e Laura Feal realizáronlle unha entrevista para a radio do instituto.

O próximo martes terá lugar unha nova edición das xornadas da Escola de Nais e Pais. Contamos coa presenza de Miriam Otero Requeijo, doutora en psicoloxía e experta en planificación e desenvolvemento de programas de prevención de conductas aditivas.

A formación que leva por título “Prevención de condutas aditivas con ou sen sustancia” vai encamiñada a dotar ás familias de ferramentas educativas que favorezan o desenvolvemento saudable dos menores e melloren as relacións familiares.   

PREME NA IMAXE PARA VER O BIOLETÍN INFORMATIVO

Onte (16 de xaneiro) tivemos con nós a Francisco Castro, que veu falar co alumnado de 3ºESO e 2ºBAC, respondéndolles así diferentes cuestión do libro de lectura deste trimestre.

Ademais, grazas ao premio recibido no Festival audiovisual escolar OLLOBOI, o alumnado participante (club de lectura e axudantes da biblioteca do IES Breamo) tivo a sorte de participar nun taller creativo esta tarde do martes, na biblioteca do centro.

BO NADAL E PROSPERO 2024

Volvemos el día 8

Plein d'énergie

Be happy!

O IES Breamo foi seleccionado para participar na posta en funcionamento do programa de prevención do suicidio Youth Aware of Mental Health (YAM). Neste curso participamos co alumnado de 3º de ESO como grupo de control.

REUNIÓN INFORMATIVA PARA AS FAMILIAS DO ALUMNADO DE 3º ESO NO CENTRO EDUCATIVO: MARTES, 16/01/2024, ÁS 18:00 HORAS.

Máis información: YAM - Consellería de Sanidade (sergas.es)

A colaboración das empresas citadas permitiu que se repartiran catro premios entre o alumnado dos catro centros participantes. 

Nesta tempada festiva, o Departamento de Inglés do IES Breamo organizou un concurso de xerseis de nadal reciclados, o First Breamo Xmas Jumper Contest que buscou fomentar a creatividade, a conciencia ambiental e o espírito do Nadal nun só proxecto. Ademáis do IES Breamo participaron o IES Canido, e dous centros madrileños: o IES Branca Fernández Ochoa e o IES La Serna.

O obxectivo deste concurso foi promover a reciclaxe, a reutilización de materiais e o

consumo responsable, xa que nun mundo dominado pola moda rápida, é vital lembrar a importancia de considerar o impacto ambiental e social das nosas eleccións de roupa.

Coa a creación de xerseis do Nadal únicos e orixinais, os participantes ademais de divertirse achegaron o seu grao de area a un consumo consciente e á preservación do medio ambiente, mesmo en épocas festivas. Utilizando materiais de refugallo da súa contorna (tapóns de botellas, ramas, pezas de roupa antigas, flores, follas, bolsas de papel e de plástico, cunchas, cartóns de leite, botóns ou cápsulas de café), xunto coa súa creatividade e imaxinación, deseñaron e crearon xerseis orixinais e enxeñosos. 

 Onte, o alumnado de 3ºESO fixo un roteiro polo Pontedeume medieval. Foron quen de “tocar” a historia e achegarse desde un punto de vista máis práctico á teoría estudada na aula.

Pola súa banda, o alumnado de bacharelato achegouse ao centro de maiores de Pontedeume, para poder compartir diferentes xogos e dinámicas entre ambas xeracións. Pensamos que o estudantado pode ter desta forma acceso a outros puntos de vista e que a retroalimentación foi moi positiva.

Este luns, o alumnado de 3ºESO e 1ºESO realizou xogos cooperativos dentro do marco do programa titor-axudante, unha iniciativa que pretende fomentar a comunicación do alumnado novo co resto, así como a súa integración no centro. 

Dúas compañías teatrais de 2ºESO competiron en clase de Lingua facendo diferentes representacións a partir dun mesmo texto: A condena, que é un fragmento de Bala perdida. Esta competición acabou sendo un traballo colaborativo, que tanto o resto do alumnado como os pais e nais que puideron achegarse, tivemos a sorte de desfrutar.

Ademais, o alumnado de 2ºESO  “apuntouse a non beber” mediante unhas charlas de concienciación sobre o consumo de bebidas alcohólicas, incluídas no programa Plan proxecta que se está a desenvolver no centro.