Taboleiro de secretaría
CALENDARIO ACTIVIDADES
Avda. Ricardo Sánchez, 5 (Pontedeume) 881930435 ies.breamo@edu.xunta.gal
SAMAÍN 2024
ENTRADA DE MEDO
O IES Breamo celebrou este ano o SAMAÍN con escenas de diferentes películas: A nena do exorcista, Drácula, The Ring, Zombies…
Un ano máis, despois da benvida, con berros e risas incluídas, a SANTA COMPAÑA encargouse de vixiar as lecturas de terror para que ninguén se atrevese a dicir que non á antoloxía de textos de terror feita polo equipo da biblioteca, o club de lectura e os departamentos de linguas.
PROXECCIÓN DA CURTAMETRAXE “EL CIRCO DE LAS MARIPOSAS"
Este venres, 25 de outubro, o alumnado de 1º e 3º ESO participou conxuntamente nunha actividade enmarcada no programa TitorAxudante. Proxectouse a historia “O circo das Mariposas”, que se centra na superación persoal, na autoestima e na importancia de crer nun mesmo como clave para afrontar retos e dificultades. A segunda parte da actividade consistiu na reflexión das escenas visionadas, quedándolle claro, ao noso alumnado, a importancia do recoñecemento das cualidades positivas propias e dos demais.
BASES DOS CONCURSOS
DÍA INTERNACIONAL CONTRA O CAMBIO CLIMÁTICO
Estudantes do IES Breamo de Cabanas (A Coruña) ofreceron aos veciños do Concello de Cabanas ”lixo de proximidade”.
Os veciños da localidade coruñesa que decidiron saír a pasear pola Avenida do Areal, foron sorprendidos cunha peculiar cata de produtos do mar que lles ofreceron os alumnos e alumnas de 4º da ESO do IES Breamo, para conciencialos dos efectos irreversibles do cambio climático e o seu impacto na nosa saúde.
Estes mozos, metidos no seu papel de camareiros de restaurante, ofreceron aos seus comensais “lixo de proximidade” recollida na contorna do Concello, a fin de demostrar que o mar está cheo de residuos e que, sen darnos conta, acaban nos nosos organismos a través da alimentación, de feito, segundo aseguran, consumimos semanalmente o equivalente a un cartón bancario en microplásticos.
A proposta, ideada e deseñada polos propios estudantes, ten como obxectivo concienciar aos seus veciños e veciñas sobre o lixo que tiramos e que, na maioría das ocasións, acaba no mar, coas terribles consecuencias que estas accións teñen para o planeta e a poboación.
SAÍDA DO ALUMNADO DE 1º ESO ÁS FRAGAS DO EUME - organizada polo Grupo Naturalista Hábitat.
O alumnado de 1º de ESO participa nuna actividade organizada polo Grupo Naturalista Hábitat.
Esta tivo como obxectivo avaliar a situación dun tramo do río Eume mediante o estudo de indicadores de calidade fisicoquímica da auga e a análise do estado de conservación dos bosques de ribeira. Utilizáronse bioindicadores como invertebrados e plantas acuáticas.
Grazas ao Grupo Naturalista Hábitat a actividade foi gratuíta para o alumnado do IES Breamo.
Parabéns para os compoñentes do citado Grupo (Manuel Cernada, Roi Cuba, Elia Pérez e Antón Prego) pola súa atención e explicacións.
AMIGOS ENTRAÑABLES
Unha aproximación aos usos contemporáneos nos nomes de animais desde a escola. Produción audiovisual realizada polo alumnado de 1º e 3º de ESO (curso 2023-24). Profesora do grupo: Anxos García Fonte.
INICIO DAS CLASES
No IES Breamo dará inicio o curso escolar 2024-25 o día 11 DE SETEMBRO.
A presentación farase de forma ordenada con atención ós seguintes horarios:
11:00 H.- PRESENTACIÓN DOS TITORES E TITORAS CO ALUMNADO DOS SEUS GRUPOS (1º ESO)
11:30 H.- PRESENTACIÓN DOS TITORES E TITORAS CO ALUMNADO DOS SEUS GRUPOS (2º ESO)
12:00 H.- PRESENTACIÓN DOS TITORES E TITORAS CO ALUMNADO DOS SEUS GRUPOS (3º ESO)
12:30 H.- PRESENTACIÓN DOS TITORES E TITORAS CO ALUMNADO DOS SEUS GRUPOS (4º ESO)
13:00 H.- PRESENTACIÓN DOS TITORES E TITORAS CO ALUMNADO DOS SEUS GRUPOS (BAC)
ASISTENCIA Á PRESENTACIÓN DO INICIO DO CURSO (ALUMNADO DA ESO)
Lémbrase aos responsables do alumnado da ESO, que unha vez que o alumnado entre no centro para asistir ás presentacións non poderá abandonar o mesmo ata que finalice a xornada (ás 14:10 h).
Quedará eximido disto o alumnado que traia unha autorización asinada ou a persoa autorizada veña buscalo. Pódese descargar desde a páxina web do centro. Autorización para a saída do centro.
ACCESO AO CENTRO
O alumnado accederá ao recinto escolar segundo as indicacións que se poden visualizar no documento Planos de aulas e accesos. Planos de aulas e accesos.
AUTOBÚS ESCOLAR
No caso de que o alumnado faga uso do transporte escolar contará co servizo no horario habitual e será atendido polo profesorado do centro ata a hora da presentación cos titores e titoras. Ao remate da actividade lectiva, ás 14:10 h, o transporte realizará a súa ruta correspondente.
ENTREGA DE LIBROS DE TEXTO DO FONDO SOLIDARIO
Os libros do fondo solidario, xunto co xustificante de entrega, entregaranse ao alumnado da ESO o día 11 de setembro durante a presentación co titor ou titora. O alumnado devolverá durante a seguinte semana dito xustificante debidamente asinado polos seus responsables legais.
ROTEIRO DO CLUB DE LECTURA
Roteiro por el Modoñedo de Cunqueiro, Leiras Pulpeiro, Marina Mayoral e Pascual Veiga do club de lectura do IES Breamo xunto co club de lectura de Neda.
Visitamos unha biblioteca histórica, a casa- museo de Álvaro Cunqueiro, a ponte do Pasatempo, a catedral e ata unha imprenta.
Foi un pracer compartir este día co alumnado e as profesoras do IES de Neda.
E sobre todo co alumnado do noso centro.
