NOVAS
CURSO 2024-25
AXUDAS PARA LIBROS DE TEXTO E MATERIAL ESCOLAR
LISTAXE DEFINITIVA
Consultar na Secretaría do centro ou no aplicativo web (https://www.edu.xunta.gal/fondolibros/)
A entrega dos vales para material escolar realizarse entre o 26 e o 31 de xullo e a partir do 2 de setembro en horario de 09:30 h a 13:30 h.
MATRÍCULAS E IMPRESOS
DATAS PARA A FORMALIZACIÓN
IMPRESOS
1º ESO | 2º ESO | 3º ESO | 4º ESO | 1º BAC | 2º BAC |
LIBROS DE TEXTO
TRANSPORTE: rutas e paradas
Para ver o percorrido (Google Maps) de cada ruta para o curso 2024/25 prema aquí.
COMEDOR:
Autodeclaración comedor para o curso 2024/25 prema aquí.
AXUDAS PARA LIBROS DE TEXTO E MATERIAL ESCOLAR 2024-2025
O PRAZO DE PRESENTACIÓN DE SOLICITUDES REMATARÁ O 21 DE XUÑO DE 2024
Orde do 07 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25.
PRESENTACIÓN EN SEDE ELECTRÓNICA
NOTA: na presentación electrónica deberá presentar unha solicitude individual para cada un dos seus fillos.
Necesitará a Chave 365 (ou certificado dixital / DNI electrónico e Autofirma).
PRESENTACIÓN CON ASISTENCIA DA APLICACIÓN
Presencial con asistencia da aplicación: cubra os datos nesta aplicación, imprima os Anexos I e II producidos e presénteos no centro.
Cubra a man os anexos e presénteos no centro.
As solicitudes por incorporación ao centro educativo fóra do prazo establecido poderán presentarse unicamente de xeito presencial no propio centro, ata o 31/3/2025.
Documentación complementaria:
- Especificase no artigo 11 da Orde de convocatoria
- NON será necesario xuntar coa solicitude os DNIs, NIEs, acreditacións de discapacidade expedidas pola Xunta, acreditacións de pensión por incapacidade, ou declaracións de IRPF, sempre que NON sinale oposición á comprobación telemática pola administración (para a declaración de IRPF requírese autorización expresa) [artigo 12 da Orde de convocatoria)
- A administración poderá reclamar a presentación de documentación cando non sexa posible a verificación por vía telemática.
LETRAS GALEGAS
Onte celebramos o día das letras galegas con diferentes actividades. O alumnado de 1ºESO tivo unha charla con Antonio Fraga no Espazo Xove de Pontedeume. Alí, tivo a oportunidade de facer diferentes preguntas sobre os seus libros. Ademais, o alumnado de 4ºESO tivo a sorte de poder escoltar e falar con Eva Veiga sobre Luisa Villalta.
Pronto daremos a coñecer o nome dos gañadores do concurso de PODCAST e Microrrelatos.
-----------------------------------------------------------
MODELOS MATEMÁTICOS APLICADOS AO MUNDO REAL
Mª Dolores Gómez Pedreira, profesorado do departamento de matemáticas aplicadas da USC, impartiu una charla para que o alumnado de 1º bacharelato coñece a implicación das matemáticas no estudo de fenómenos como os Tsunamis, a colocación de válvulas no corazón, efectos de indución na industria…
REGUEIFAS NO IES BREAMO
"O concepto «regueifa» explicámolo sempre con tres definicións: un baile, un pan de voda e un xénero de improvisación oral en verso, pero a regueifa, en realidade, é moito máis…", e hoxe vímolo da man de Lupe Blanco, quen traballou co noso alumnado de 2ºESO non só o concepto teórico de regueifa, senón sobre todo a súa aplicación práctica. Así pois, aprenderon a cantar improvisando, un pouco de historia e... acabaron regueifando!
RUTA DE SENDEIRISMO E EN KAIAK PARA O ALUMNADO PARTICPANTE NO PROGRAMA TITORAXUDATE
O alumnado de 1º e 3º de ESO participante no programa TitorAxudante gozaron nunha ruta de sendeirismo e kaiak. O obxectivo deste programa é facilitar a integración do alumnado, mellorar as habilidades sociais e formar ao alumnado na resolución de conflictos.
DÍA DO LIBRO
Nas titorías da ESO, así como nalgunhas clases de linguas estranxeiras e certas optativas, como Oratoria, o noso alumnado escolleu un fragmento de diferentes obras representativas da literatura, tanto en galego como en castelán, inglés e francés.
O alumnado axudante de biblioteca trouxo ata o patio do IES un baúl cheo de libros e, como podedes ver… así comezaron as lecturas.
ESCOLA DE NAIS E PAIS - CHARLA COAS FAMILIAS
XOVES 18 DE ABRIL ÁS 17:00 H. NO SALÓN DE ACTOS
Estimadas familias:
Dirixímonos a vostedes para convidarvos a unha charla que leva por título “Comprendendo a Pubertade e Adolescencia”: por que é importante acompañar neste proceso.
As relatoras son Mª Victoria Fernández Mosquera e Paula Dopico González, especialistas en trastornos da conduta do Equipo de Orientación Específico da Coruña.
Contamos coa túa presenza.
Atentamente,
Equipo directivo e departamento de orientación do IES Breamo
OS EQUIPOS “CRAKS EUMESES” E TECNOFRAGAS” ACADAN O 2º e 7º POSTO NAS OLIMPÍADAS DA ESCOLA TÉCNICA SUPERIOR DE ENXEÑARÍA DE CAMIÑOS, CANAIS E PORTOS DA UNIVERSIDADE DA CORUÑA.
Á chegada hoxe, martes 11 de abril, á Escola de Camiños, Canles e Portos, había unha recepción no salón de actos aos 16 equipos participantes de centros de toda Galicia.
Despois das pertinentes expliacións realizaron as seguintes probas:
.- A primeira proba, “Arco de doelas”, consistirá na construción dun arco de doelas no menor tempo posible e cun máximo de 15 minutos.
.- Na segunda proba, “Ponte Da Vinci”, os equipos terán que construír unha ponte de taboleiros de madeira e contarán cun tempo máximo de 15 minutos.
.- A terceira proba, nomeada “Presa-Dique”, baséase na construción dunha presa de materiais soltos que minoren o paso da auga, intentando que o tempo de infiltración sexa o maior posible. Contarán para realizar esta proba un tempo de 5 minutos.
.- Na cuarta proba, co nome de “ A enxeñaría de camiños e as súas obras”, os estudantes terán 15 minutos para montar o maior número de crebacabezas de gran tamaño posibles con imaxes de obras de enxeñaría.
.- A quinta proba, “LogisTIC, consistirá en transportar o máximo número de contedores nun tempo de 15 minutos.
.-Na última proba, “Xogando a ser enxeñeiro”, terán que superar o máximo número de desafíos cun videoxogo de construción en 15 minutos.
Unha vez feito o reconto de puntos por parte da organización, o equipo "Cracks Eumeses” obtivo o segundo posto na Olimpíada e o “Tecnofragas” un meritorio 7º posto.
Pero o máis importante foi a convivencia con estudantes doutros centros e gozar dunha mañá onde puxeron en práctica o aprendido estas semanas, demostrando a súa capacidade de aprendizaxe, colaboración e compromiso co equipo.
Parabéns!
MOBILIDADE ERASMUS+ DO PROFESORADO DO IES BREAMO
Durante os meses de febreiro e marzo, os profesores Lucinio Medel e Gloria Castro participaron, a través do CFR de Ferrol, nunha mobilidade no marco do Erasmus+.
No caso de Lucinio, xunto co outros docentes españois, poido coñecer de primeira man a realidade educativa grega; profundar na civilización helénica da man de directores de teatro, actrices e docentes expertos en técnicas de interpretación e posta en escena para aplicar na aula; revisar os papeis de heroínas e heroes así como os roles de xénero nas traxedias Antígona e Edipo de Sófocles.
Ademais, visitaron os centros educativos número 3 e número 4 realizando obradoiros teatrais e observación docente entre iguais.
No caso de Gloria, o destino foi Dijon: xunto con outros membros de equipos directivos da zona de Ferrol, realizaron observación en aulas sobre a inclusión, o plurilingüismo e a educación dixital. Ademais, visitaron sete centros educativos nos que realizaron obradoiros, reunións coas direccións e observación docente entre iguais.
CINE CON PERSPECTIVA
O alumnado de 2º ESO C participou nun obradoiro do programa “Cine con perspectiva”, que tivo como obxectivo educar na identificación e tratamento dos estereotipos sexistas presentes na narrativa do cinema e noutras formas de expresión audiovisual. O alumnado creou un produto (guión, plan de rodaxe...) para pór en escena unha sinxela produción audiovisual baixo a temática da desigualdade no trato nas relacións en función do xénero.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »