Hoxe deu comezo Relatea. Un ano máis, os nosos amigos do Club de Lectura de San Xerome convocan o concurso Relatea. Pode participar todo o alumnado do instituto escribindo un relato de tema libre e vocabulario sinxelo, e depositándoo na caixa da Biblioteca ou ben entregándollo ao profesorado titor. Todas as semanas este club virá ler os relatos, irá gozando e valorando, para finalmente en maio entregar os premios ás narracións seleccionadas.
