Chegada, rexistro e presentación do curso
Introdúcesenos á European Schoolnet, “rede de 34 ministerios de educación europeos con sede en Bruxelas. Como organización sen ánimo de lucro, buscamos innovar na ensinanza e aprendizaxe para os nosos principais interesados: Ministerios de Educación, escolas, profesores, investigadores e socios da industria.
Estamos motivados pola nosa misión de apoiar ós actores da educación en Europa na transformación dos procesos educativos para as sociedades dixitalizadas do século XXI. Facémolo identificando e probando prácticas innovadoras prometedoras, compartindo evidencias sobre o seu impacto, e apoiando a transversalización das prácticas de ensino e aprendizaxe alineadas coas normas do século XXI para a educación inclusiva.
Desde a súa fundación en 1997, European Schoolnet utilizou os seus vínculos cos ministerios de educación para axudar ás escolas a facerse efectivas no uso pedagóxico da tecnoloxía, dotando tanto ó profesorado como ó alumnado das habilidades necesarias dunha sociedade dixital”.
Para romper o xeo facemos un “bingo” no que identificamos compañeiras a partir da presentación de cada quen (que foi feita previamente nun padlet, muro dixital).
|
|
Introdución: que é unha Escola STEM
Estamos participando na 4ª STEMDiscoveryWeek, e nela rexistraremos a nosa escola nunha base de datos creada pola European Schoolnet, da que a nosa INTEF forma parte. Os centros STEM presentan un perfil de liderado e unha estratexia STEM definida. Para coñecer exemplos de prácticas e centros STEM, introdúcesenos o portal Scientix, comunidade para a educación científica na UE.
Unha escola STEM debe aportar unha instrución personalizada
- Debe empregar pedagoxías PBL (Project based learning)
- Debe empregar pedagoxías IBSE (Inquiry based Science education
Na implementación de currículo, debe
- Facerse énfase nos tópicos e competencias STEM
- Promoverse a interdisciplinariedade
- Contextualizar as experiencias no entorno real
- A avaliación debe ser continua e indiviualizada
- Debe procurarse unha profesionalización do staff, promovendo unha formación continua do profesorado en STEM co debido apoio pedagóxico
- Ter un perfil de liderado compartido, para o cal
- Hai que crear equipos xestores e promover a súa cooperación
- Promover unha cultura de inclusión e respecto polas ideas dos demais
Deben establecerse lazos e conexións con:
- Industria e empresa
- Familias
- Outras escolas
- Universidades
- Comunidades locais
A infraestrutura escolar debe garantir:
- Acceso a tecnoloxía e equipamentos
- Material de calidade
Future Classroom Lab (@fcl_euschoolnet e sitio web)
Aulas do futuro: que equipamento e deseño de acceso á tecnoloxía cómpre nunha aula deste estilo? Comezamos o debate apelando á participación de todas as profes a través do portal para brainstorming Mentimeter.
As respostas apuntan á capacidade de resolución de problemas a través da creatividade e do emprego de metodoloxía STEM
A FCL ten espazos diferenciados e CORES. Debe ser flexible e inspiradora e implica repensar o papel de Pedagoxía, Tecnoloxía e Deseño. Na FCL da European Schoolnet, os espazos son:
- Interactuación: 1:1 zona de programación e aprendizaxe mixta, onde cada quen trae o seu propio equipo (BYOD).
- Presentación: comunicación, feedback, crítica p2p, reflexión.
- Investigación: zona de proxectos PBL e IBSE (aprendizaxe por proxectos, resolución de problemas, pensamento crítico).
- Creación (mesas con material para actividades de gamificación, creación de contidos dixitais… imaxinación e creatividade!
- Intercambio (cadeiras cara á pantalla): traballo en equipo, colaboración, debate
- Develop (espazo onde cada estudante pode aprender máis sobre o que lle interesa, ou á velocidade que lle interesa): flipped classroom, informal learning, self-expresion
|
|
|
|
|
|
Estratexias para transformar unha aula nunha FCL
- BYOD: que cada quen traia os seus equipos, ou organizar un sistema de préstamo. Unha pega do BYOD é que o alumnado se agacha trala pantalla: hai dispositivos como o Hey U!, un micro con cámara que “espía” o que fai o equipo ou serve para que eles respondan a unha cuestión, ou sinalen se entenden algo ou non. Costa 45€. En canto ó problema de conectividade, estudar apertura de contas edu.xunta.es para alumnado
- Cadeiras ergonómicas e multifuncionais: as que temos son flexibles, con rodas e espazo para bolsas.
- Evolucionar cara a Aulas-materia, con espazos diferenciados para tarefa en forma/cor. Ter en conta que haxa luminosidade.
Mapa da rede de aulas FCL (imaxe do FCL site). A Aula Nova do CAFI non está no mapa.
Requisitos que unha escola debe ter para obter un selo STEM
Acceso a tecnoloxía e equipamento:
- Conexión a internet/WIFI con ancho de banda razoable
- PCs dispositivos portátiles
- Emprego de plataformas de aprendizaxe dixitais: Moodle, e-learning
- Tecnoloxías baseadas na nube: Google
Materiais de clase de alta calidade:
- A importancia de ter boas bibliotecas, dentro e fóra do centro (?)
- Repositorios dixitais
- Scientix, unha comunidade STEM masiva e libre para educadores europeos. Ten máis de 2500 recursos.
- Open Educational Resources (OER)
- PBL (project based learning: pedagoxía centrada no estudante na que se aprende sobre un tema a través da resolución de problemas con final aberto e/ou proxectos, tanto individual como colectivamente) e IBSE (proceso de aprendizaxe no se presentan ó alumnado cuestións, problemas, escenarios, incluíndo estudos de caso, traballo de campo, investigacións ou proxectos de investigación).
Proposta de grupo: creación dun toolkit para un tema empregando recursos de Scientix. No noso caso, plásticos: Unplastify the world
Aprendizaxe IBSE: laboratorios online con Go-Lab
- IBSE: Science education NOW. A renewed pedagogy for the future of Europe.
- Vídeo-animación sobre método científico.
- Proposta práctica de aplicación de Método Científico: adiviñar o contido dunhas caixas opacas a partir da observación. O proceso está guiado nas sucesivas fases (observacións, hipóteses, proposta de investigación) a través dunha plataforma dixital chamada Graasp. Esta plataforma permite deseñar experimentos ou laboratorios que se publican logo en Go-lab.
- Go-lab: portal con recursos creados con Graasp.