Reis 2020/21
A PROFE JENNI E OS DEREITOS DOS NENOS
Este curso está sendo moi especial e bonito por infinitas razóns, e unha delas é que Jenni, mestra en prácticas, comparteu con nós tempo, cariño e experiencias. Gañounos o corazón, e tamén nos trouxo unha actividade preciosa para traballar cos nenos a través do conto "Orellas de Bolboreta". Desgranando esta historia, os nenos reflexionaron sobre os sentimentos e emocións de Mara, a protagonista da historia, que levaron a indagar nos dereitos dos nenos. As familias colaboraron e traballaron cos seus fillos e fillas que traian todos as ideas moi claras.
|
" Ovos de Pascua"
Xa remata o segundo trimestre, chega o tempo da Pascua, tempo de ovos, galiñas e roscas entre outras cousas. Por eso adicamos un tempo a facer unha divertida manualidade dun pitiño saíndo dun ovo e un experimento que a todos deixou abraiados. |
O EXPERIMENTO DEU MOITO QUE PENSAR: CONSISTÍA EN FACER XIRAR 2 OVOS SOBRE SÍ MESMOS. PERO, PORQUE UN DÁ MOITAS VÓLTAS E O OUTRO NON?... POIS A DIFERENCIA ESTÁ EN QUE UN ESTÁ COCIDO E O OUTRO NON. O XIRO DO OVO CRUDO É MÁIS LENTO DEBIDO A QUE O LÍQUIDO DESPLÁZASE CO MOVEMENTO NO SEU INTERIOR.
TAMÉN CASCAMOS UN OVO E VIMOS QUE TIÑAN DISTINTAS PARTES: XEMA, CLARA OU ALBUMEN E A CÁSCARA.
|
Primaveriña que ledo estou
Ábrese un gromo, sae unha flor a primavera ole a calor, todas as plantas falan de amor choiva, vento color. Primaveiriña, que ledo estou! Antonio García Teixeiro |
BAIXO O PARAUGAS
Utilizando a técnica da acuela, sal, cores frías como o azul, lila ou o gris, as fotos dos nenos e nenas, e un paraugas, mirade que composición invernal bonita quedou!
|
8 MARZO: JANE GOODALL E REBECA ATENCIA
Este curso para conmemorar o dia da muller centrámonos na vida de 2 mulleres amantes da natureza e dos animais: Jane Goodal e Rebeca Atencia.
Jane Goodal, naceu en Inglaterra e dende pequena amosou un inmenso interese pola vida animal. Sendo nena, seu pai regaloulle un chimpancé de peluche, e xa de adulta adicou a súa vida ao estudo destos animais. As súas conclusións revolucionaron os coñecementos que se tiñan sobre os chimpancés e sobre o ser humano. Fundadora do "Instituto Jane Goodal" e o programa "Raices e Brotes", logrou e sigue traballando para mellorar a conservación e o benestar animal.
Rebeca Atencia é unha ferrolana que se trasladou á África para cumplir o seu soño de axudar aos animais salvaxes a vivir en liberdade. Actualmente é directora do Centro de Rehabilitación de Chimpancés de Tchimpouga, na República Democrática del Congo, dependiente do Instituto Jane Goodall.
|
ATRAPANDO SOÑOS E ILUSIÓNS DE PAZ
E que mellor que celebrar o día da Paz cargados de ilusións... Pois sí, na escola de Reis temos moito diso, de ilusión, de soños e de talento, como senón, ibamos facer uns atrapasoños tan fermosos. Ademáis diso, puidemos ver e escoitar aos nosos compañeiros do Cra, a través dunha videochamada conxunta, na que todos os nenos e nenos estiveron moi atentos. Repetiremos!!! |
O Entroido xa está aquí
Música, diversión, disfraces, orellas, filloas, rosquillas, e moitas manualidades! Así celebramos o Entroido no Cra de Teo. E porque o espíritu Carnaveleiro en Reis está máis vivaracho que nunca. Viva o Entroido de Reis! Viva!!! Os xenerais do Ulla máis numerosos que nunca!!! |
ANIVERSARIOS DE INVERNO
Xaneiro veu cargado de celebracións, pois Hugo, Ivo Otero, Aldán e Tristán naceron neste mes, o mes primeiro, o mes de estreno da temporada 2021 . E aínda que a eles se lle fai longo esperar un ano, ás mestras fánsenos estos 12 meses cada vez un pouco màis curtos... Medran moito e ben, e iso hai que celebralo, aínda que sexa sen tarta ... Aquí podemos ver a Tristán coa súa coroa. Parabéns a todos! |
E en febreiro, fai 4 anos, nun fermoso e soleado día naceu unha princesa, das de verdade, chamada Danna. Xa deu 4 voltas enteiras ao sol, e o representamos con este panel e a través dun conto da pedagoxía Waldorf.
|
Rematando o trimestre.
Chega o fin de trimestre, e algúns dos traballiños dos nenos van para casa. Para eso preparamos unha bolsas especiais, decoradas como renos navideños. Os nenos tamén levaron un calcetín decorado que levaba algunha sorpresiña.
|
Momentos de decembro
Aquí imos amosar algúns momentos deste mes de decembro, que non queremos tampouco deixar de recordar. Despedimos o ano 2020, tan especial, con momentos e cousiñas lindas e tamén especiais.
|
Facer as tablillas deunos moito choio!!! Levounos días retamar estas 18 obras manuais, e aquí podedes ver algúns pasos para a súa elaboración. |
E mirade a cara que se lles quedou cando viron a Papá Noel... Papá Noel estivo con nós parte da mañán, contounos a importancia da amizade, de compartir, do compañeirismo e da gratitude. Somos afortunados, e nestas datas está ben recordalo. |
Ademáis, este home do Polo Norte, deixou agochados uns elfos no noso patio... Mirade quen son!
|